Yoohanee 4:5 - Anutuna Ufa

⁵ Miqoo fidanoo Yisufa moo maqusa auqu Sikara mi maqusana paqurinau. Ooqai Yakooboofa miqoo maridanoo nammari sia marufanoo madika indufuseenoo minakinaa nammari neeneeufanoo narí amaaku Yooseefaana amu nammarifa marinau. Meemai uqanna indufu maree nammari paqurinau. Sikara maqusa mi nammari madikana aaqa marinau.

Yoohanee 4:5 Iomraidhean Croise

Oosana 33:19

Usakaseenoo Yakooboofa mi maqana Amoorana Seekeemana akoona aiku asauku unnai wan handareeta 100 siruaa munnimmannoo feefaurinau.

Oosana 48:22

Seekeemma maqa maaqa amiqirafa maridanoo. Qinee ooqai qeeqa duru feefannoo Amoora maqannaasa faqa rakusee maraafanna maqana ani amianaura sia ani akaqaa fasaauqa nimianaura.

Ruka 9:52

Samaria maqa maaqaki faiqanoo fidanoo faiqí akaqausa niqiqoofaqa indaaru Samaria moo maqusaki faiqaaninnanara deedaqiaqeera qimannimirara niqiqanau.

Yoohanee 4:12

Maasa qisaifaqafa Yakooboofa ooqai maa madikana maasa indufu qisoona marifaqa maasa sakaidaqa. Narí faqa narí faiqi namu faqa narí sipsipauqa faqa maa madikanakinaa nammari neeneeusa mariqau. Anee aneennaraa Yakooboona uriqararausee qidanee.

Yoohanee 4:39

Yisufa narí faiqi namu faqa ufa qimarufanoo mi Samaria anaaseefa narí maqusai oorureenoo aqoonausa maaqi qimasee Yisunara qimanniminau. Mifa qinee ooqai maraafanna ainainara qimaqimifaqa iriqa. Miqi qufaqa mi maqannaasa moomoosa Yisunara kuqaa Anutuna asauku mundira fee qiqau.

Yoohanee 4:6

Yisufa kisaaqa aatata fifi isoofanoo amudaani rufanoo miqoo Yakooboona nammari madika paqurimaseenoo mina afainni ooqu marinau. Suani qambaanaikufanoo madika afainni ooqu marinau.

Yoohanee 4:8

Yisuna faiqi namu narana feefauriraree qimasee maqusai oorufufanoo Yisufa naríara mi nammarina afainni ooqufaaqee marida qafoofanoo mi anaaseefa nammari sakararee qimasee quminau. Qumuroofanoo Yisufa nammariara qufanoo mi samaria maqannaa anaaseefa tautinoo qinau.