Yoohanee 4:24 - Anutuna Ufa

²⁴ Anutufa maraquna oosana faqaafa maridanoo. Minara Anutuna amooqimariasa nári maraqunannai faqa nári nimuqusa ookiqari faqa Anutuna amooqifaranoo.

Yoohanee 4:24 Iomraidhean Croise

Idi Ufa 145:18

Mifa narí aaree mariasa naaqa maridanoo. Mifa nariqa nimuqusa ookiqari aaree mariasa naaqa faqa maridanoo.

Idi Ufa 50:23

Qini Anutusa dufi dufi qirana tatufiranara foora suqa qimimariasa faqa qini ufamau fimariasa faqa qinee Anutusa qeeqa asumu marirana nimianaura.

Idi Ufa 51:17

Anutufa narí amira ainainara akooqaidanoo. Qini tatufirafa qeeqa mara maree qumirafa maridanoo. Anee nariqa mara maree qumira oosana faqa faiqí nári mandainainakiqari quandara oosanara faqa sia akooqaidanoo.

Idi Ufa 66:18

Qinee mandainainara fifau ainainee qimasee kaqi auqaunanoo Anutufa sia qini innaaru qirana iriqini.

Yoohanee 4:23

Qusasaa anira aukuana doo maqee animaridanoo, faiqí anaasee kuqaa anoona Anutuna amooqimariasa kuqaa nári maraquna namufaqa kuqaa anoona ufa namufaqa amooqifaranoo. Anutufa miqiasara kai nariara qimooqidammiafoo qimaseenoo aididanoo.

2 Koorinti 1:12

Oo Koorinti maqannaasa maasa maqusa maqusa nidaqa inni faqa mariafananoo qini daakirafa irirafa maaqimandee qimaqimidanoo. Maasa inni faqa mariafananoo sia faiqí irirafa maasa uqaqifiqanau. Anutufa dadaaqufaqa narikinaana akooqoo anoona ufa faqa noori runusee auqarafa faqa, Anutuna afaarira amiqi amiqira afeeka faqa mifauqa kai rakisiqimaqee marifaqa inni faqa maridaqa minara maasa irisee nasuridaqa.

2 Koorinti 3:17

Akara fannoo karaambaiqara qidanoo Anutuna maraqunara karaambaiqee qidanoo. Karaambaiqa maraquna mariqoo sia ititarafa maridanoo idukirafa maridanoo.

Firipi 3:3

Maasa Anutuna maraqunannai Anutunara innaaru qidaqa minannai kai maasa asauku mundirana Yisunaki marunnanara asasidaqa, maasa sia misa naanna ramasee nifaaqasaa akooqoo mari ainainnara anoonee qidaqa.

1 Timooti 1:17

Naaru naaru mari karaambaiqafa sia kuquaninafa maasa sia mina qafee marunafa moodaa Anutufa sia moo fannoo marifa uriqararana faqa areenarana faqa naaru naaru minaindi mariannoo.