Yoohanee 3:36 - Anutuna Ufa

³⁶ Anutuna amaaku ufa irisee mara mina saqarikinafa doo mifa Anutuna naaru marirana marasee minaki maridanoo. Anutuna amaaku ufa irisee rukiainafa Anutuna firaaqoo aanooqirafa minasaa naaru mariannoo.

Yoohanee 3:36 Iomraidhean Croise

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Idi Ufa 36:9

Anee aiqama marirana oosana mariananoo. Anee kaaqa qarafa mariannanara maasa kaaqa qarana qafaidaqa.

Idi Ufa 49:19

Ainaina faqaafa kuqinoo mifa faqa narí akeeku akaaku kuqiqa oonu mariaqoo fuannoo. Mifa miqoo oonu maridanoo sia kaifaa kaaqa qarana qafaannoo.

Mataioo 25:46

Miqi qimasaina misa naaru naaru nariranaki keeqafina marifaranoo. Andeeqee mariasa misa naaru naaru mariranaki keeqafi marifaranoo.

Mareekoo 16:16

Qinisaa irirana rusimariasa irirana rusidaqa nammari maree mariasa misa innaarunai naaru marira asumu mareefaranoo. Qinisaa sia irirana rusimariasa misa nariranaki fifaranoo.

Ruka 2:30

Maqee qini qifu fannoo maqasaaqaraasa asumu maraaninnana qafeenoo maasa asumu maraaninnana anee aiqama maqannaa qafaaqeera deedaqiannana qini qifu doo qafeenoo.

Ruka 3:6

Eendaandira aana aiqama andeeqaa mandaikiranaki anukamasaina raununukaani miqimasaifaqa aiqama anaamuru Anutufa asumu maraaninnana qafeefaranoo.

Yoohanee 1:12

Akaqausa asasammasee maroosa Anutuna ufa Yisufa misara innee Anutuna faiqi kamambi mariaqee qira ufa niminau. Minara kuqaa Anutunee qimasee naundura amimarusa mina faiqi kamambi mariaqee qira ufa niminau.

Yoohanee 10:28

Qinee naaru naaru marirana nimidaqa sia kuqifaranoo. Sia amana moo fannoo qini qisaukukinaana rafieefaranoo.

Yoohanee 3:3

Yisufa iriseenoo narí qimaminoo qinau. Qinee anoona ufa ani qimamianaura. Faiqí Anutufinaindari kafaa fukasaa aanaaqi aanaaqi kamafinausa kai Anutuna ququsaki keeqeefaranoo. Kaqi marinausa sia amana fifaranoo.

Yoohanee 4:36

Yisufa minara kaifaa narí faiqinamu qimanniminoo qinau. Faiqí moo fannoo narana aiqimarifa mifa mina akiaqara maraidanoo. Naranara foora faiqí anaasee suqueeqeenoo innaarunai quqasainaqa naaruara marirana maraaqeera. Misa naaruara marirana marasaifanoo ummaqimarifa faqa aiqimarifa faqa moodaanaki asasifaranoo.

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Yoohanee 6:58

Doo qinee innaarunaindaraa naranara foora maridaqa. Sia inni nisaifaqausa neemaru naranausara foora maridaqa. Misa mina namasee mariiqa aiqama faiqí faiqi oosanamau fiqa kuqimariqau. Maa naranna namaseeqa naaru naaru kaqi marifaranoo.

Yoohanee 8:51

Yafasiqa anaasee fee qini dookinaa ufa irisee marainafa mifa sia kuquannoo naaru mariannoo.

Roomma 4:15

Sandufa fannoo Anutuna aranaqarana mareeqeenoo faiqisaa quqaidanoo. Sandufa marinnaqoo kai sandufa rukiarafa mariannoo. Sandufa sia marinnaqoo mina rukiarafa faqa sia miqoo mariannoo.

Roomma 5:9

Asauku mundirafa maasa mandainaina nariara mareenoo kuqinoo narí fidika teeqinoo maasa mandainaina akiaqara taikoonannoo Anutufa minannai maasa daundurakinaana mareeqee narí andeeqaranaki innaaruna mara quqaqisanau. Anutufa mina kuqiranara irisee taikara faasaana narí aranaqaranakinaana kuqaa uqanna asumu mareeqeenoo quqaqisaannoo.

Roomma 8:1

Maasa Anutuna asauku mundirana Yisuna faqa moodaanaki marifanoo Anutuna maraquna fannoo kaqi marirana niminoo kuqirana manda sanda faqa manda oosana faqa minaki marunnana idukuqisaifaqa maridaqa. Minara maqee asauku mundirana Yisuna faqa moodaanaki mariasa sia Anutuna kuqira ufa ameemaanai maridaqa.

Karatia 3:10

Aiqama maqannaasa Mooseena sandufamau fidaqa minannai Anutuna innaarunai firana amanaikidaqa keeqaanauree qimariasa aaqamaki Anutuna niqurararufa nimaarusirufa ameemaanai maridaqa.

Eefeesusa 5:6

Minara moo fannoo mi oosana oosana manda ainainnara aufadamasee ufa qimasee narí furufarira ufannai inni nikaruqimasee mandainainaki fuaqee qinaqa sia uqanna innee mina iriaqa.

1 Teesaroonika 1:10

Innee mifunnai ubeekamafi mina amaaku innaarunaindari qumiranara afeesu afeesirafa kaqi afeesida marunara faasai aanaamuru minara faqa irimariqau. Anutuna amaaku Yisufa kuqiranakinaana mara findifufa, maasa Anutufa kasooqaqee naruaninnanakinaana Yisufa maasa asumu qumaree marifa innee mifa qumuaninnanara afeesida marunara aiqama aanaamuru faasaimma irisee qimaqimiafanoo.

1 Teesaroonika 5:9

Anutufa sia maasa rusandeesamumasee narí aranaqaranaki quqarareefau qinau. Asauku mundirana karaambaiqa Yisunannai asumu marirana maraaqee qimaseenoo maasa rusandeesamumasee maranau.

Heeburu 10:29

Faiqí moo fannoo Anutuna amaakuara akooqainafa mina arirafa firaaqoo fiqaranoo mariannoo. Mi fasiqafa Anutuna moodaanaki kira ufa fidikara narí mi fasiqana numoo rukasainnanara qikoo fee qinafa faqa Anutuna afaari mari maraqunara faqa mandufa qinafa, mi fasiqana arirafa sia Mooseena aanna raannoo, fiqaranoo mariannoo.

Heeburu 2:3

Maqee innaarunai firaafa uriqararafa maasaki ani maridanoo. Mifa maasa qumareeqee asumu marirana qimiraree qidanoo. Maasa mi firaa ainainnara iriseeqa minniseeqa naqi fee mandee Anutunara rufiasee yaifee fuanauree. Sia amana, kaqi darirafa kai firaafa mariannoo. Karaambaiqa narí uqanna oosana arasee narí innaarunaindaraa asumu qimiranara narí faiqi namu qimannimisoofaqa irisee quandaki maasa qimaqimiafaqa kuqaa fee qimasee iridaqa.

Heeburu 3:18

Anutufa misara maaqi qinau, Qini faqa anusufinausa sia uqanna qini faqa adooeefaranoo. Anutufa miqi qimasoofaqa qinee minara maaqi qidaqa. Mifa yausaree miqi qinoo fee. Mifa narufa iriseenoo rukiee marusara miqi qinau.

Heeburu 3:19

Maqee maasa mina qafamasee maaqi qidaqa. Sia naundura nimuqusa Anutuna ufasaa rusunara minara misa sia fuka maqa maaqaki Kannaa maqa maaqaki adooaranaki fiqau. Kaqi aadana maqa maaqaki kuqiqau.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.