Yoohanee 3:34 - Anutuna Ufa

³⁴ Anutufa innaarunaindari aqiqamasaifa Anutuna ookinaa ufa kai qimannimidanoo Anutufa narí maraquna muduka amiqaifanoo miqidanoo.

Yoohanee 3:34 Iomraidhean Croise

Idi Ufa 45:7

Ani andeeqaranara aidinoo mandainainara fidiaqaa inoo imarifa mariananoo. Minara kai ani Anutufa ani utaaqamaseenoo asasirana ani akiiqa amoondunna akaqa uriqararausa adia nimaqaina faqa uraaqa ramasee adia amaqeenoo.

Mataioo 12:18

Mifa ooqai maaqi qimasee Yisunara akara rinau. Qafaa, qini dadaaqira faiqi, qinee mina utaaqamamaqaunafa. Qinee minara qimuqusidanoo qini daundura minara asasidanoo. Qini maraquna mina aakufuannoo. Mifa aanaamuru mariasa faqa kiapausara foora andeeqannisaannoo. Sia Isaraee maqannaa kai.

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Yoohanee 1:16

Yisufa maaqoo qumu maridanoo narisaaqaraa amiqi amiqirana amuaaqa amuaaqa moomoo maasa aiqamausa qimufaqa mareemariqiafana.

Yoohanee 15:26

Yisufa kaqi narí faiqi namu qimannimidanoo qinau. Qinee ooru fuananoo fuka dadaaqirafa qumuannoo. Mifa kuqaa anoona ufa qira oosana maraquna mariannoo qini qikoofinaindaraafa mariannoo. Qinee qeeqa qikoofinaindaraana aqiqaananoo qumureenoo mifa qiniara qimannimiannoo.

Yoohanee 16:7

Qinee anoona ufa qimannimidaqa qinee ooru fuanaqa innee amiqiranaki mariaqeera ooru fuanaura. Qinee sia ooru fuananoo fuka dadaaqirafa sia qumuree inni dadaaqiannoo. Qinee ooruree fuka dadaaqirana aqiqaananoo qumu inni faqa maridanoo dadaaqiannoo.

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

Yoohanee 5:26

Kaqi marira oosana qini qikoonaki kai marifanoo faiqí anaasee nimidanoo. Miqikai inoo naramaaku qini faqa kai kaqi marira nimira oosana doo qini qimiqaisa maridaqa.

Yoohanee 7:16

Yisufa minara iriseenoo aiqamausa qimanniminoo qinau. Qinee qimannimira ufa sia qeeqaindi maridanoo qini diqiqoofa Anutufa mina ufa qimannimidaqa.

Yoohanee 8:40

Qinee qeeqa qikoonasaaqaraa ufa kai inni qimannimimarunaqa innee quandafiqa qini darirara qimariafanoo Abarahaamafa sia mi oosanna maranau.

Yoohanee 8:47

Anutufa dadaaqifaqa mina faiqi namu araamuqmaakaiki mariasa kai Anutuna ufa irifaranoo. Innee sia Anutunaindaraasau mariafanoofau sia qini ufa irimariafanoo.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

Kooroosee 1:19

Anutufa narí kai narí amaakuara asasamaseenoo qini daanna ramafi urinaaqaramafi mariannee qufanoo maridanoo.

Kooroosee 2:9

Sia asauku mundirafa fifau afaannafau maridanoofau. Anutuna aiqama afeeka marira irirafa muduka tia uqanna Yisunaki maqasaa qumu marinau.

Uqafiqoo Ufafa 21:6

Kafaa qimaqiminoo qinau. Doo aiqama ainaina taikeenoo. Qinee oosana araafanausa maridaqa taikaaninna aukuana faqaasa maridaqa. Nammariara nidimarisa fuka maqakiqari ururee mari nammarina, kaqi marira nammari asooarafa sia feefaurirafa kaqi nimianauranoo.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.