Yoohanee 21:1 - Anutuna Ufa

¹ Inaaqiana moo kari Yisufa kooroomambufaqa maasa mina faiqi namu qafaqau. Tibeeriasa nammari mandirana afainni maaqimandee kooroomandee uqannifiqanau.

Yoohanee 21:1 Iomraidhean Croise

Mataioo 26:32

Yisufa minara kaifaa qimanniminau. Qinee kuqiranakiqari findimeeqee Kariree maqusai inni nifunni fuanaura. Innee qini qinaaqiana oonuraifaqa miqoo inni nindafaanaura.

Mataioo 28:16

Yisuna faiqi namu qisaukuqara taikasee qikunni ooqu moodaa marasee Kariree maqa maaqai fiqau. Yisufa kaqi maridanoo mi aaqannara qimannimiqoonara mi aaqannasaa ooru fiqau.

Mataioo 28:7

Innee qafamaseeqa sandee oonu mina faiqinamu maaqi qimaseeqa qimannimiaqa. Yisufa kuqiranakiqari findifinoo doo Kariree maqa maaqai inni noorinni fidanoo innee miqoo qafeefaranoo miqoo mariannoo. Doo mi ufana kai inni qimannimiqa doo fuaqa.

Mareekoo 16:12

Yisufa kafaa moo oosana maraseenoo narí faiqi namukina qaaraqanda nifusaa kooroo inau. Miqanda Yeerusaree maqusaindari moo maqusa kaqikaa maqusai fimarufanoo Yisufa aanai nifusaa kooroomambufaqa miqanda oonurandee aniree Yisuna aiku asauku qimannimufaqa unna fee qiqau.

Mareekoo 16:14

Yisufa mina inaaqiana narí faiqi namu qisaukuqara taikasee qikunni ooqu moodaa mararausa narana nee marufanoo kooroo inau. Kooroomafinoo misa mina qafee marusa unna fee qunara niqinoo qinau, inni irirafa ufa rukiee marisa mariafanoo sia qiqafee mariasa ufara innee irimariafanoo.

Yoohanee 21:14

Yisufa kuqiranakiqari findifuqooqari qaara kari maasa narí faiqi namu kooroomannimaqanau. Doo qaaramookufanoo noodaanna qumbaqira faasaanasaa fee qimasee kooroo inau.

Yoohanee 6:1

Yisufa Yuda maqannaa rakisirausa mi ufana qimannimiseenoo miqooqari Kariree firaa farumma dinni afainni finau. Mi farummana auqu moo marinau, Tibeeriasa farummee qiqau.

Yoohanee 6:23

Yisuna faiqinamu moo kanuqaki fufaqa Yisunara sia misa faqa fiifoo qimasee Tibeeriasa maqusai maqee maqee nimaru kanuqausa aniroofaqa doo minauqaki akaramafufaqa Kapeeranaumma maqusai Yisunara randarara minauqaki fiqau.