Yoohanee 20:16 - Anutuna Ufa

¹⁶ Yisufa mina iriseenoo mina auqu ramaseenoo qinau, Maria, qufanoo Mariana amarafa tautumma quandaki qafeenoo Oo ufasaa rakisirafee qinau. Eeburu maqannaasa ufakiqari qinau, Rabooni, maasa ufakiqari ufasaa rakisira fee qinau.

Yoohanee 20:16 Iomraidhean Croise

Oosana 22:1

Mariiufanoo Anutufa Abaraqaammana amanammasee qafaanee qimasee innaarunaindari aaramasee qinau. Oo Abaraqaama qufanoo Abaraqaammafa qinau qinee maaqoo maridaqa. Miqi qufanoo Anutufa qimaminau.

Oosana 22:11

Karaambaiqa angiroo innaarunaindari aaramaseenoo qinau, Abaraqaamma, Abaraqaamma, miqi qufanoo Abaraqaammafa qinau. Qinee maa maridaqee qufanoo Karaambaiqa qinau.

Oosana 45:12

Yooseefaafa kaifaa narí afasausa mara qima nimidanoo qinau. Innee nifu maqasee qini qiqafaaqa sia moosau maridau qinee Yooseefaasa uqanna maridaqa. Doo qini qikaqa Beensaminnafa mifa faqa qini qiqafaani.

Rafudoo Akarafa 3:4

Mosefa mina qafararee qimaseenoo mina aaqa oonu roofanoo Anutufa mi idauruna kiqari Mosena aaraidanoo qinau. Mose Mose qufanoo Mosefa qinau. Qinee maa maridaqa.

Rafudoo Akarafa 33:17

Yaaweefa Mooseena mi ufana iriseenoo qimaminau. Doo anee qianandee kaimmianaura. Qinee amiqimmasee aniara irimarunnanara faqa aniara asasi marunnanara faqa miqianaura.

Mareekoo 10:51

Oonuroofanoo Yisufa irammirinoo qinau. Anee qiniara naqimaqisaanifee fee q inanee qufanoo afu qimbarafa qinau. Oo ufasaa rakisirafa anee kaifaa qifu maqa qisaanneera qidaqa qufanoo Yisufa qimaminoo qinau. Doo fua ani aundura qinisaa rusirafa doo ani andeeqamaqanoo maridanoo. Miqi qufanoo doo aaqee uqanna mi fasiqana afu qimbarafa maqafufanoo doo Yisuna faqa aanai finau.

Yoohanee 1:38

Afaqee fimarufanoo Yisufa quandafi nindafeenoo qinau. Inneeqara nanaree qini qifaqee anidee qufaqa miqanda qiqau. Ufasaa rakisira anee yai fee maridanee.

Yoohanee 1:49

Natanaeerafa iriseenoo tautumakufanoo qinau. Ufasaa rakisirafa anee Anutuna amaaku marianafa. Anee Isaraee maqannaa karaambaiqa marianafa mariananoo.

Yoohanee 10:3

Sipsipa nikoofa moo fannoo anirainanoo kooqisaa rakisirafa kooqi atuasaifanoo sipsipa akoofa narí sipsipa nuqu ramasee naarainaqa mina ufa iriseeqa raudamaki narí faqa nifiqainaqa andanda narara fifaranoo.

Yoohanee 11:28

Maratafa miqi qimaseenoo quandaki maqusai oonureenoo qumee kai Mariana aaramasee qimaminau. Ufasaa rakisirafa anidanoo ani aaraidanoo.

Yoohanee 13:13

Doo maqee mina nammari uqunnana oosana kooroo ianaura. Innee qiniara ufasaa rakisira fee karaambaiqee qimariafanoo. Doo mina kuqaa qimariafanoo qinee miqirausa maridaqa.

Yoohanee 20:28

Toomasifa mina qafamaseenoo qinau. Qini karaambaiqa qini Anutufa.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 5:2

Yeerusaree maqusa faandaamura kooqi sipsipa kooqi fee qimarufa marinau. Mi kooqina aaqa nammari farumma firaafa marinau. Mi farummana afainni aana fiqu imarunnai qaindaira moodaanai qisauku qaindaira marinau. Mi farummana auqu Beetasata farummee qimariqau.

Yoohanee 6:25

Misa Kariree nammari fitaqee muqu afainai oonureeqa Yisuna paqurimasee maaqi qiqau. Oo ufasaa rakisirafa anee yairee fee mai anireenee.