Yoohanee 20:15 - Anutuna Ufa

¹⁵ Yisufa maaqi qimasee Mariana amarana qimaminoo qinau, Oo maa anaasee anee nanaree ikiraqaidanee, yanaree randaidanee. Mariana amarafa Yisunara maa saqamanasaa rakisirafammifoo qimasee qimaminoo qinau, Oo maa fasiqa anee yai fee iri maanakinaana mara quqeenee. Anee qimaqiminaqa qinee mina maramaree fua.

Yoohanee 20:15 Iomraidhean Croise

Mataioo 12:34

Innee sakani faiqi miqirausa inni naundura mandamuqanoo maridanoo. Inni naundurai moomoo ainaina marinakiqari ufa uridanoo. Minara naqi fee mandee inni naundurakiqari amiqira ufa uruannoo fee. Sia amana miqirafa. Faiqí afauru fannoo narí amuqusaki mari ainainara kai ufa qidanoo.

Mataioo 28:5

Maqasaa noorindari faiqaqeeufanoo qangiroo fannoo anaasee oonuroosa maaqi qimasee qimanniminoo qinau. Innee sia rufia rufiaqiaqa. Innee Yisuna aunirira saqarisaa pirimmannoo aruqaanara randaidaqa qinee iridaqa.

Mareekoo 16:6

Tautumasee rufioofanoo mi kumaaraafa qimanniminoo qinau sia tautumasee rufiaaqa. Innee Yisu Nasareetee maqusaindaraana aunirira saqarisaa pirimmannai aruanara randee mariafanoo, mifa sia maaqoo maridanoo findi finoo maridanoo. Doo qafaaqa, maaqoo misa mina iri quqeeaa. Doo fuaqa maa ufana narí faiqi namufaqa Peetooroona faqa qimannimiaqa. Yisufa inni noorinni Kariree maqa maaqai finoo, innee miqoo oonureeqa narí qundee kai iqa mina qafeefaranoo.

Ruka 2:44

Yisuna anaukoo moodaa faasaana fimarufanoo eenoofaqa nári ainainaki faqa niqoonausaki faqa Yisunara randee mariqau.

Yoohanee 1:38

Afaqee fimarufanoo Yisufa quandafi nindafeenoo qinau. Inneeqara nanaree qini qifaqee anidee qufaqa miqanda qiqau. Ufasaa rakisira anee yai fee maridanee.

Yoohanee 18:4

Yisufa aiqama ainaina nariki kambiqaaninnanara irimarufa marufaqa misa oonuroofanoo Yisufa misa noorinni anireenoo iranau. Innee yafasiqanaree randaidee, qufaqa misa qiqau.

Yoohanee 18:7

Yisufa kafaa irammirinoo qinau, innee yanaree randaidee qufaqa misa qiqau Yisuna Nasareetee maqannaanara randaidaqa.

Yoohanee 20:13

Nindafoofaqa miqanda qiqau. Oo maa anaasee anee nanaree ikiraqaidanee. Mariana amarafa qinau. Misa qini karaambaiqa mara maraafaqa sia misa quqaqoona iridaqa ikiraqaidaqa.