Yoohanee 20:1 - Anutuna Ufa

¹ Akundamasoofaqa mariiqa amaanasaa kananaana eendai Mariana amarafa Makadara maqusaindaraafa Yisuna ooni aamaraki akundamaqoona qafaanee qimasee finau. Oonuree qafoofanoo mina aamaraki ititaqoo oonina firaana mareeqee kaqinni quqaqoofanoo marida qafanau.

Yoohanee 20:1 Iomraidhean Croise

Mataioo 27:56

Misakiqari Yisuna anoona amaraqanda mariqau, moo amarafa Makadara maqusaindaraafa faqa moo amarafa qaara kumaaraaqara Yooseefaasa Yameesasa ninoofa faqa (Maa Yooseefaafa sia Yisuna akoofau mina amarafa kumaaraa marinau) moo anaasee Seebeedina anaaqa faqa mi anaaseesa faqa miqoo ani kikiqiqa maridaqa Yisuna kuqirana qafee mariqau. (Yisuna aukuana narí maqannaasa maaqimmasee madika indufusaida kuqufusa nikundee mariqau. Misa ooni firaana kasaaqa aamara auquseeqa minaki keeqafufaqa dinni dinni moomoo aamara auqiiseeqa kuqusa minakiaqa naadu naadu nikundee mariqau. Moodaa kai moo kari akundeeqa mina afunda taikoofanoo kaifaa moo fannoo kuqufaqa miqikai imariqau. Sia moodaa karifau nikundee mariqau. Moo kari moo kari nikundee mariqau.)

Mataioo 27:60

Kukuqamaseenoo Yuda maqannaasa oosana mareenoo narí ooni aamarakina quqanau. Yooseefaafa nariara kuquana misa qini iri minaki akundamaqisaaqeera ooni aamara auquqoonaki Yisuna iri minaki quqanau. Quqaseenoo firaa ooni quanda quandammeeqee aamarasaa ititaqau.

Mataioo 27:64

Amanee aneenna maara fasiqausa niqiqainaqa ooni aamarasaa qaaramoo faasaana rakisiaqa. Mina faiqi namu ani qummuarammeeqee quqaseeqa unna qifoora. Doo findimmeeqee Anutufinnai fiifoo qimasee faiqí anaasee unna qimasee qimannimi foora. Indaaru unnaqimarifa marifaqa minara Yisuna faiqi namu kafaa unnufa qifanoo mi ufafa firaafaikiandoora. Minara ani qimamidaqa misa rakisiaqeera.

Mataioo 27:66

Miqi qufaqa amaana maqasaa aanaiqikirausa ooni aamara maruqoo oonureeqa qima ainaina qumaree ooni kooqisaa faqa kooqi afainni faqa atukaraseeqa ititaqau. Moo fannoo mi ooni kooqina mara aquqaifaqa qafaanee qiqa mi qimana quqaqau. Miqimaseeqa maara fasiqausa miqoo quqasee amaana maqasaa aanaiqikirausa doo nimaaqa fiqau.

Mataioo 28:1

Nariqa amaana faasaana saririqa taikoofanoo iqaqoo kananaana amaanasaa eendai qaara anaaseeqanda moodaa nuqu faqaaqanda Mariana amaraqanda miqanda sia Yisuna anooqanda moo fannoo Makadana maqusaindaraafa moo fannoo moo maqusaindaraafa miqanda Yisuna akundoo ooni aamara qafaanee qimasee fiqau.

Mataioo 28:2

Oonuree qafoofanoo miqoo kai maqa firaafa kasufanoo innaarunaindari Anutuna qangiroo moo fannoo qumureenoo ooni kooqi ititaqoona quanda quandammeeqeenoo kaqini quqaseenoo narí minasaa ooqu marifi marinau.

Mareekoo 15:46

Yooseefaafa raudamaki qamunna firaana moo feefaurumamaree oonuree Yisuna iri saqarisaaqaraana tatu quqaseenoo qamunnasaa kukuqa mandee aku mareenoo ooni aamara auquqoo madikanaki Yisuna iri quqaseenoo ooni firaana quanda quandammeeqeenoo ooni aamarasaa ititanau.

Mareekoo 16:9

Yuda maqannaasa Saririqara amaanasaa fee qimasee amaanasaara indaaruqaa faasaanee qimariqau. Mi indaaruqaa faasaanna sandoo anaasee namusa anu faasaanasaa Mariafa Makadara maqusaindaraafa naaree Yisufa findifuna qafanau. Ooqai Yisufa kaqi maru kamuqoo faafasaaqa narí anoona amarana mi Mariana aunduraki faafasaaqa qisauku dinni taikasee dinni ani qaara marasee marufanoo Yisufa kaqi maruqoo mina aunduraindaraa faafasaaqa niqiqoofaqa rafudamaki sandamafiqau. Yisufa mi anaaseena afusaa narí kuqiranakiqari findifuna indaaru kooroo inau.

Yoohanee 11:38

Yisufa narí kai misa miqi qu ufanara akooqoofanoo narí aunduraki mandaikufanoo mi ufanara aiaaee qimaseenoo madikai oonuranau. Rasarusana iri ooni aamaraki quqasee ooni firaatia qumaree ititaqoofanoo marinau.

Yoohanee 11:41

Misa mina iriseeqa ooni firaatia afeeqeeqee mafi quqasoofanoo Yisufa narí oori uqeeraseenoo Anutunara akooqoo innaaru qinoo qinau, Oo qini qikoofa dufi dufi anee qini ufa irimarianafa mariananoo.

Yoohanee 19:25

Yisufa aunirira saqarisaa kuqirarifanoo mina aunirira saqari atukaki mina anoofa faqa narí auna qini qinoona faqa moo anaasee Karoopasana anaaqa Mariana amarafa Mariafa faqa moo anaasee Makadara maqusaindaraa Mariana amarafa Mariafa faqa minamusa miqoo kikiqiqa mariqau. (Qaaramoo anaasee Mariana amarausa kikiqiqa mariqau.)

Yoohanee 20:26

Mi amaanafa aiqaroofanoo moo amaana eendaki maasa Yisuna faiqi namu faqa Toomasina faqa maaqaki keeqafi kooqi mundusee ititasee Yuda maqannaasa maasa dari maqi qimasee mariqiafana. Marufanoo Yisufa kafaa maasaki kambiqanau. Anireenoo qinau, sia rufiaaqa asooarafa inniki mariani.

1 Koorinti 16:2

Aiqama amaana faasaanasaa aiqama fasiqa anaasee akaqa munnimma aaduma raina quqaaqa. Narí ainainirana akiaqara munnimma firaana marainafa mina amana kai kaqikaana quqaani kaqikaana marainafa doo narí maraina amana kai kaqikaana quqaani, qambaana amana marainafa doo mina amana kai quqaani, innee aiqama amaanasaa amaanasaa miqikai idaqa raina quqeesaifanoo innooqafinaqa qinee inni maqusai oonuraanna kari munnimma suqirana sia mariani doo faasai suqinoo mariani.

Uqafiqoo Ufafa 1:10

Karaambaiqa qimaqoo faasaanna karabusaki mariafananoo amaanasaa Anutuna maraquna fannoo daakufufanoo inaaqianaindari firaa ufireena miqirafa faiqiara foora ufa qinau.