Yoohanee 2:11 - Anutuna Ufa

¹¹ Miqinoo Kariree maqa maaqaki Kannaana maqusai Yisufa narí saika oosana araseenoo faiqí sia auqoo ainaina amiqira oosana auqamasoofaqa faiqí anaasee qafaqau. Mifa mikari narí afeeka firaana uqannifiqoofaqa mina ufa irimaru fasiqausa Yisunara kuqaa Anutuna amiqira afeeka uqannifiqee mari fee qiqau.

Yoohanee 2:11 Iomraidhean Croise

Idi Ufa 72:19

Mina areenara auqu naaru naaru amooqiaqa. Maa maqa maaqanakina aiqamai mina qareenarafa qumbiqanoo mariani. Kuqaa uqanna.

Idi Ufa 96:3

Mina areenaranara maa maqanasaa mariasa qimannimiaqa. Mifa firaa afeeka naaquqara ainaina auqoonara aiqama faiqi anaasee qimannimiaqa.

Rafudoo Akarafa 14:31

Isaraee maqannaasa Yaaweena moo ainaina afeeka eeraarirana rakiranaki Isipa maqannaasa urinnaaqaroonara irufanoo naaquqoofaqa nári saqarikirana Yaaweenasaa faqa mina ainainira faiqi Mooseenasaa faqa mundiqau.

Rafudoo Akarafa 4:9

Misa ani mi ainaina qanda qafamasee sia ani ufa irifana anee Niru nammari saka qumareenana aadana maqasaa adiasainanoo fidika kai mandifinaqa qafaaqa.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Yoohanee 1:17

Anutufa Mooseenannai narí sandufa narí amusufa maasa qiminau. Asauku mundirana Yisunannai narí kaqi asasamandee nimirufa faqa kuqaa anoona ufa qirana faqa maasa qiminau.

Yoohanee 1:43

Moo kananaana Yisufa Kariree maqamaaqai fuaneera aanai Firipina paqurimandeenoo qimaminoo qinau. Doo Firipi qini faqa doo aniannee qinau.

Yoohanee 1:50

Miqi qimasoofanoo Yisufa qinau. Qinee faasai faafisa atukaki mariana qafaunnanara minara qunnanara anee minaree qiniara Anutuna amaaku fee qidanee. Qini ufa iria. Maqee kaqikaaqoo uqafiqaunana qafaananoo. Kasooqaqee anoona firaaqoo uqannifiqaanaura.

Yoohanee 10:41

Faiqí anaasee moomoosa suqufufaqa Yisufa maruqoo maridaqa narí qimami narí qimami maaqi qiqau. Yoohaneefa nammari nimimarufa sia moo ainaina firaa ainaina auqanau. Yoohaneefa maa fasiqanara qufa doo aiqamainaina anoonaikidanoo.

Yoohanee 11:15

Dufi dufi sia qinee miqoo maridaqa inniara iridaqa kasooqaqee Anutuna afeeka qafeeqa kuqaa qiniara Anutuna amaaku fee qifaranoo doo uqeeraifaqa fua Rasarusafinnai.

Yoohanee 11:47

Misa mina iriseeqa Farisai amaana ufa qimarusa faqa amaana maqasaa rakisimarusa faqa aiqama faiqí firaasa rakisirausa faqa moodaa qoo suqufi ufa qidaqa qiqau. Maasa naqi fee masee mina Yisuna rafaaqafuanauree. Maa fasiqafa Yisufa moomoo firaa ainaina naaquqara ainaina auqaidanoo.

Yoohanee 12:18

Faiqí anaasee moomoo mi ufana iriseeqa maaqi qiqau. Firaa ainaina auqeemarina ooqu afiqamaree uruaqee qimasee ooqu afiqee uriqau.

Yoohanee 12:37

Yisufa oosana oosana firaa ainaina faiqí anaasee nifusaa auqeemarinau. Sia misa minara oonumafi iriqau.

Yoohanee 12:41

Eesaiaafa sia fifaufau maa ufana qimasee akara rumaqoofau maridanoofau. Mifa ooqaindari Yisufa sia kambiqooqoo afu pisipasamafinoo Yisuna afeeka eeraarirana qafaidanoo akara rimarufa maridanoo.

Yoohanee 14:13

Innee innaaru qidaqa qini duqusaa qimasee innaaru qifaqa nimianaura. Sia moo ainaina sia nimianaura innaaru qifaqa nimianaura. Qini qikoona afaaqa areenarafa qinisaaqari faqa areenaanifeera nimianauura.

Yoohanee 16:27

Qini qikoofa narí kai inniara aidimarifanoo iraifandinna ainaina eedoo qimasee nimmiannoo. Innee qiniara nidimarinaqa Anutuna faiqi fee qifanoo inniara faqa Anutufa aididanoo iraifandinna ainaina nimiannoo.

Yoohanee 16:30

Doo maqee maasa aniara aiqama ainaina irimariana fee qidaqa. Anee ufa qiananoo moo fannoo sia ani dadaaqimarifana aneennaraa kai qimannimimarianaqa maasa minara irisee kuqaa aniara Anutufinaindari qumi fee qidaqa.

Yoohanee 2:1

Qaara faasaana aiqaroofanoo Kannaa maqusai Kariree maqa maaqaki moo maqusaki maanaaqa amundarafa marinau. Yisuna anoofa Mariafa mi qoomaqanaki dadaaqidanoo marinau. Qoomaqa suqoosa Yisuna faqa narí faiqi namu faqa naaroofaqa fiqau.

Yoohanee 2:23

Mi fasannai ainnaaqarara qoomaqa kamuqoo Yisufa Yeerusareenni marufaqa moomoosa mina sia faiqí amana auqeemaria ainaina qafamasee kuqaa Anutuna asauku mundira fee qimariqau. Maa fasiqafa Anutuna afeeka eeraarirana kooroo imarifa maridanoo fee qimariqau.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 4:46

Yisufa Kariree maqa maaqakinaa kaqikaa maqusa auqu Kannaana maqusai ooqai nári uainna nammari taikafufanoo nammarinnai auqu maqusanaki oonuranau. Mi maqusanaki faiqí firaafa uriqararafa moo marinau. Mina amaaku kuqira aurira auridanoo Kapeeranaumma maqusai maridanoo kuqirari marinau.

Yoohanee 4:54

Doo Yisufa qaara kari Yudeeaa maqa maaqaindari anireenoo Kariree maqasaa qaara ainaina firaa ainaina kooroomasoofaqa qafaqau.

Yoohanee 5:23

Aiqamausa qini qikoona Anutunara naaquqaanifeera miqinau. Qiniara naaquqaindee kai iqa qini qikoonara naaquqaanifeera miqinau. Faiqí moo fannoo moona amaaku sia mina aqoondikinafa mina akoona faqa miqikai inana miqanda qisakoosa sia niqoondikinnaranoo.

Yoohanee 6:14

Mi fasiqa anaaseesa mina qafoofanoo sia faiqí undeeufanoo naaquqanau. Naaquqamasoofaqa qiqau ooqai tamummaqara fasiqauqa moo tamummaqara fasiqa kambiqaaninnanara akara rumaqoofa doo maana narimma animaridanoo.

Yoohanee 6:2

Faiqí anaasee Yisufa amiqi amiqiunara aurimarusa findifunara iriseeqa moomoosa uqanna afaqee fiqau.

Yoohanee 6:26

Yisufa iriseenoo quandaki qimanniminoo qinau. Qinee kuqaa anoona ufa inni qimannimidaqa. Qinee qeeqa afeeka uqannifiqaunnanara innee sia minara kai irisee qiniara randaidaqa. Innee feemu namasaafanoo nimuaquinoo maqee qumiqaraaninna ainainara innee minara kai qiniara randee mariafanoo. Yisufa kaifaa quandafufanoo qimanniminoo qinau.

Yoohanee 6:30

Misa mi ufana iriseeqa kaifaa irammiriqa qiqau. Anee nana moo ainaina firaa ainaina auqainaqa maasa qafamasee aniara kuqaa Anutuna asauku mundira fee qianauree anee nana ainainee auqinnaree.

Yoohanee 7:31

Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.

Yoohanee 9:16

Farisai amaana ufa qimariasa akaqausa Yisunara maaqi qiqau. Maa fasiqana afu maqaifa sia Anutunaindarifau amaanasaa ainainimarifa manda fasiqa maridanoo. Akaqausa mina iriseeqa qiqau. Naqimasee mandainaina maree marinafa maa firaa ainainna amiqira ainaina auqararee sia amana fee qimasee mi ufanannai rainaqau.

2 Koorinti 3:18

Doo maasa aiqamausa doorisaa qamunna rafaqaa irausara foora maridaqa karaambaiqa kaaqa qareenarafa innisaimbaqa doorisaara foora kaaqa qameeqeenoo aiqamai daroo daraa idanoo. Innisaimbaqa miqimammaree fidaqa Anutuna maraquna fannoo innisaimbaqa karaambaiqa fooqaanaikamma qimaqanoo fidanoo fimarifanoo innisaimbaqa areenarafa firaanaikinoo fidanoo. Karaambaiqa Anutuna maraquna saika maridanoo.

2 Koorinti 4:17

Kuqaa maasa maqee marunnanaki ufaasu unmaara darirafa maridanoo doo mifa kai firaa areenarana naaru marira areenarana sia amaniaqaairana doo kaaqa firaatia qimiannoo.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

1 Yoohanee 5:13

Innee Anutuna amaakuara irirana rusimariasa innee doo naaru marirana doo maree fee qiaqeera maa ufana akara rumannimaqaidaqa.