Yoohanee 2:1 - Anutuna Ufa

^1-2 Qaara faasaana aiqaroofanoo Kannaa maqusai Kariree maqa maaqaki moo maqusaki maanaaqa amundarafa marinau. Yisuna anoofa Mariafa mi qoomaqanaki dadaaqidanoo marinau. Qoomaqa suqoosa Yisuna faqa narí faiqi namu faqa naaroofaqa fiqau.

Yoohanee 2:1 Iomraidhean Croise

Aaquqira Ufa 18:22

Adeedaana kumaara fannoo adeedaana maanaaqa paqurimmasee marainanoo Yaaweefa irinoo asasa miannoo.

Aaquqira Ufa 19:14

Qumiasana saqama nári nikausa saaqaraana maraidaqa. Yaaweefa kai irirana faqaa anaasee faiqí nimidanoo.

Mataioo 12:46

Yisufa miqikaimmasee faiqí anaasee ufa qimannimi marufaqa Yisuna narí anoofa faqa mina akaqaafasaauqa faqa aniree naambeeqai kikiqamafufaqa qimamianee qufanoo faiqí moo fannoo mina irisee maaqaki oonu Yisuna qimaminau.

Yoohanee 1:29

Iqaqoofanoo kananaana Yisufa Yoohaneefunnai ooqu fimarufanoo Yoohaneefa qafeenoo narí faqa marusa maaqi qimasee qimanniminoo qinau. Innee qafaaqa maa fasiqafa Anutufa nifaueemari aandau aanaaqi narí qaindasaa kuquaninna aandaufa maasa aiqamausa maa maqanasaaqaraasa mandainaina minannai maraquqiseenoo Anutufa darira ufa ateekaqisaaninafa maridanoo.

Yoohanee 1:35

Kananaana iqaqoofanoo Yoohaneefa nammari afainni narí ufa irimaru fasiqa qanda faqa marufanoo Yisufa aiqaranau.

Yoohanee 1:43

Moo kananaana Yisufa Kariree maqamaaqai fuaneera aanai Firipina paqurimandeenoo qimaminoo qinau. Doo Firipi qini faqa doo aniannee qinau.

Yoohanee 2:11

Miqinoo Kariree maqa maaqaki Kannaana maqusai Yisufa narí saika oosana araseenoo faiqí sia auqoo ainaina amiqira oosana auqamasoofaqa faiqí anaasee qafaqau. Mifa mikari narí afeeka firaana uqannifiqoofaqa mina ufa irimaru fasiqausa Yisunara kuqaa Anutuna amiqira afeeka uqannifiqee mari fee qiqau.

Yoohanee 21:2

Simoona moo auqu Peetooroofa faqa Toomasifa qaara qapirafa faqa Natanaeerafa Kannaana maqusa Kariree maqa maaqaindaraafa qini qikoona Seebeedeena amaakuqara faqa moodaanaki mariqiafana.

Yoohanee 4:46

Yisufa Kariree maqa maaqakinaa kaqikaa maqusa auqu Kannaana maqusai ooqai nári uainna nammari taikafufanoo nammarinnai auqu maqusanaki oonuranau. Mi maqusanaki faiqí firaafa uriqararafa moo marinau. Mina amaaku kuqira aurira auridanoo Kapeeranaumma maqusai maridanoo kuqirari marinau.

Heeburu 13:4

Innee aiqamausa faiqí anaasee nimundaranara uriqarara ainainee qiaqa. Faiqí aneesee aqumummasainafa sia moonaindi quandaki qumaraa. Aiqamausa inneeqa nammari kai neeqa andeeqasee mariaqa. Faiqí anaasee dapi narí maree narí maree qiqa nuasa faqa qummuariqa nuasa faqa Anutufa ufa iriseenoo naruannoo.