Yoohanee 19:39 - Anutuna Ufa

³⁹ Nikoodeemusafa ooqai indaaru asukunaki Yisuna faqa ufa qiqiufa maridanoo mifa Yooseefaana dadaaqinau.

Yoohanee 19:39 Iomraidhean Croise

Oosana 50:2

Qiki raqaseenoo Yooseefaafa Isipa maqannaa oosana mareenoo tutaqausa qimannimufaqa anireeqa sia kai kaqi mandaikianifeera marasinna oosana oosana akuamaqee mariqau.

Idi Ufa 45:8

Ani qamunna makaqa mandeefana undidanoo ani karaambaiqa amiqira maaqakina aiqama ainainauqa eereefanta aanainnai auqira ainainauqa kai maridanoo. Minaki piripunna oosana oosanannai auqaafana anee asasimariananoo.

Aaquqira Ufa 7:17

Qinee minasaa fadameena afundi marina adieesee makaqa anoona faqa saadapu anoona faqa adieeseeqa doo anee aniraina maaqooqari oosana arasee nariara nariara nidira nammari neenee iaqasaa.

Mataioo 12:20

Mifa eendira saka sia ramooramaa mamaree raudaannoo. Amannaikiasa mandainaina rafaaqa fimarinara sia mifa aanoommasee qimannimifa fifimandee reendeenamandee naakapee marifa. Mifa miqimmamaree reendeenammamaree fifi inanoo numoo aukuana raquramiseenoo miqoomma uriqaraannoo.

Mataioo 19:30

Moomoosa maqee uriqararausa mariasa misa innaarunnai ooruree ureeqarausa marifaranoo. Moomoosa maqee ureeqarausa mariasa misa innaarunai ooruree uriqararausa marifaranoo.

Mataioo 2:11

Misa oonureeqa maaqaki keeqafufaqa faiqi aanaaqi kaqikaaqoo afeekaikinoo narí anoona Mariana faqa marufaqa ireeda rufia rufia idaqa ooru keeqafi qafaqau. Mi fasiqausa naaquqoofaqa ooqumarifufaqa noorindari maqasaa kummara mafufaqa amooqimamaqaida susumamaqaqau. Misa Yisunara amooqimaseeqa karaambaiqa nimimaru ainaina minammamiqau. Sia kaiqeesa nimimaruna Yisuna amiqau. Amiqira ainaina idukusee koora munnimma aabaa kai amiqau. Kaifaa afundimaru saqari anoona makaqa anoona fooqaana misa mina faqa aabaa amiqau nári maqusai firaa feefaurummamaree anuna maree mini aabaa amiqau. Kaifaa moo saqari anoona afundi maruna faqa, mandeefana anoona fooqaafa miqi kai iqa aabaa mina amiqau.

Mareekoo 16:1

Yisuna iri kaqi ooni aamaraki marufaqa Mariana amarafa Makadara maqusaindaraafa faqa Mariana moo amarafa Yameesana anoofa faqa moo anaasee Saroomeesa faqa Sabata faasaana aiqaroofaqa kuqimariasa akunnimaqee maria marasinna feefaurumamaree Yisuna irisaa akuanee qimasee mi eendanaki deedaqiqau.

Yoohanee 12:3

Neemarufanoo Rasarusana asookifa Mariafa Yisuna anoona amarafa fadameena taqu firaana firaa feefauru aqusaida mareemaruna qumareenoo amiqira afundimaru fadameena mina auqu narada fadameena Yisuna aikumau adia amaqanau. Adia amaqaseenoo narí akiaqa asausi kisaaqa qumareenoo minannai utitiqanau. Miqimasoofanoo afunda firaafa misa maru maqanaki qumbiqanau.

Yoohanee 12:7

Yisufa mina iriseenoo narí maaqi qimasee qimaminau. Marianara sia miqi qia. Saina miqiani. Afundi fadameenna ataa kaqi marina qinee kuquananoo qini qifaaqai akuqimaqaani.