Yoohanee 19:17 - Anutuna Ufa

¹⁷ Yisufa Yeerusaree maqusaindari narí aunirira saqari akumaree fimarinau.

Yoohanee 19:17 Iomraidhean Croise

Oosana 22:6

Miqi qimaseenoo Abaraqaammafa tatufirana suqaaninna idana mareeqeenoo Isakeenasaa soofanoo mara maroofanoo narí ida qeemaruna akuru mandeenoo mina namufaqa musuka qumareenoo doo narí faiqi afiqeenoo Anutufa qimaqoo aaqanna kaaqa ooru finau.

Mataioo 10:38

Kasooqaqee misa aunirira saqarisaa qini darifaranoo. Yafee qini ufasaara qini dariranaki paasoosamandee fuaninafa, mifa qini qimanasaa mariannoo, qini faqa fuannoo. Faiqí anaasee moo fannoo qinee kuquannanaki rufiasee sia finafa, mifa sia qini qimanasaa mariannoo sia qini faqa fuannoo.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Mataioo 27:37

Misa Yisuna arira ufa raufiqira saqarisaa akara rumaseeqa Yisuna akiaqai aunirira saqarisaa quqaseeqa pirimmannai ariqau. Maaqi qimasee akara riqau. Maa fasiqafa Yuda maqannaa karaambaiqa maridanoo fee qinau.

Mareekoo 10:21

Mi fasiqafa miqi qufanoo Yisufa minara aidufanoo andeeqasee mi fasiqana oori qafamasee qinau. Anee moodaa ainainara kai sia auqaananoo. Anee aneenna ainaina aiqama marasee faiqí akaqausa nimisee minasaa munnimma maraseenana kudi fasiqausa nimisainanoo ani qumiasana ani afeesara innaarunai mariannoo, miqinana doo ania, doo qini faqa aniree fua qufanoo mi fasiqafa mina iriseenoo narí moomoo ainaina marunara amuqusufanoo oori runusee finau.

Mareekoo 15:26

Yisuna arira oosana raufiqira saqarisaa akara rumasee aunirira saqari akiaqai aiqama qafaaqeera atukaraqau. Maaqi masee akara rinau. Maa fasiqafa Yuda maqannaasa karaambaiqa maridanoommi qimasee akararinau.

Mareekoo 15:32

Doo maqee Anutuna asauku mundirafa maasa Isaraee maqannaasa karaambaiqa auniriranasaaqari tatuaki aqufinaqa maasa irirana minasaa rusisee kuqaa Anutuna amaaku fee qianaura. Manda fasiqaqara dinni dinni nári saqarisaa aruaqanda miqanda faqa Yisunara ataasa ataasa qimariqau.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Ruka 14:27

Faiqí moo fannoo qini ufasaara sia eedoo qimasee narí aunirira saqari akumareenoora foora sia eedoo qimasee qini ufasaara kuqiranaki finafa sia mifa amana qini faiqi namuki keeqaannoo.

Ruka 23:26

Misa arirara maree fidaqa faiqí moo auqu Simoona amarafa mifa nianaindari ani marufa Sireenee maqusaindaraafa mindari Yeerusaree maqusa aatata animarufaqa sundiauqa paquri mandee mina aranaiqi qumareeqa Yisuna aunirira saqari aku amaqoofanoo Yisuna aanaaqiana maree finau. Sia amana mi fasiqafa qaoo qiannoo misa faaqaana qafeenoo kuqiranara rufiasee aruaqaaufanoo kaqi eedoo qimasee doo maranau. (Yisuna faiqi namukiqari Peetooroofa marufa mina moo auqu Simoonafa sia mifau Yisuna aunirirana aku maranau, mina amarafa moo fasiqa fannoo Sireenee maqusaindaraafa aku maranau.)

Ruka 23:33

Nifiqee fifiufaqa kaqikaa amuaqu namusaa faiqí nimudaani fee qimaruqoo munuseeqa Yisuna pirimmannai aunirira saqarisaa aruseeqa uqeereeqeeqa kuradaqau, faiqí manda oosana maree maruqanda asauku uqannai aakaarinni moo narí auniriranasaa arusee uqeereeqee kuradaqau. Asaaqaitinnai moo miqikaimasee narí auniriranasaa ariqau.

Ruka 23:38

Yisuna aunirira saqarisaa akiaqai akara moo akara rinoo marinau, maaqi qimasee akara rinoo marinau, maa fasiqafa Yuda maqannaa karaambaiqa maridanoo.

Ruka 9:23

Yisufa quandaki aiqamausa qimannimidanoo qinau, faiqí moo fannoo qini faqa firaree qimasee qini ufamau finafa narí marirana minniseenoo faasaambaasaana qini ufasaara kuqa dariranara amanaikidee qinafa qini faqa fidanoora foora qini ufamau fuannoo.

Yoohanee 19:13

Piratoofa misa ufa iriseenoo Yisuna afiqee madaanai ufa irimaru qaindanasaa ooqumarifinoo ufa irimaru qaindana aaqa ooni ausirirafa moomoo maruqoo qumu ooqumarifi ufa irimarinau. Yuda maqannaasa minara Kabatee qimariqau. Maasa ufakiqari ooni padiranee qidaqa.

Yoohanee 5:2

Yeerusaree maqusa faandaamura kooqi sipsipa kooqi fee qimarufa marinau. Mi kooqina aaqa nammari farumma firaafa marinau. Mi farummana afainni aana fiqu imarunnai qaindaira moodaanai qisauku qaindaira marinau. Mi farummana auqu Beetasata farummee qimariqau.