Yoohanee 18:7 - Anutuna Ufa

⁷ Yisufa kafaa irammirinoo qinau, innee yanaree randaidee qufaqa misa qiqau Yisuna Nasareetee maqannaanara randaidaqa.

Yoohanee 18:7 Iomraidhean Croise

Mataioo 2:23

Miqoo kaqikaa maqusai Nasareeteenni naaruara marinau. Miqi qunara Anutuna ooqai maru tamummaqara fasiqauqa misa ufa kambiqanau. Yisufa sia kambiqoo kamuqoo ooqai maaqi qimasee minara akara riqau. Misa minara Nasareetee fasiqa fee qifaranoo fee qiqau.

Yoohanee 18:4

Yisufa aiqama ainaina nariki kambiqaaninnanara irimarufa marufaqa misa oonuroofanoo Yisufa misa noorinni anireenoo iranau. Innee yafasiqanaree randaidee, qufaqa misa qiqau.

Yoohanee 18:6

Yisufa miqi qimasee nariara kooroomasoonara misa tautumasee rufiaseeqa ninaaqianaindari oonurandeeqa maqasaa aqufiqau.

Yoohanee 18:8

Miqi qufanoo Yisufa kafaa qinau doo qinee kooroo iqa maana misa maridaqa. Innee qiniara kai randeeaafanoo, maa qini faiqi namu mariasa minnisaifaqa fuaqa.