Yoohanee 18:4 - Anutuna Ufa

⁴ Yisufa aiqama ainaina nariki kambiqaaninnanara irimarufa marufaqa misa oonuroofanoo Yisufa misa noorinni anireenoo iranau. Innee yafasiqanaree randaidee, qufaqa misa qiqau.

Yoohanee 18:4 Iomraidhean Croise

Idi Ufa 27:3

Qini namuqaa moomoo aniree qini maqusa uqusaifaqa sia qinee misara rufiaanaura. Rakiranaki misa aniree darirarifaqa sia qinee maparaa ianaura qifaaqa quqasee marianaura.

Idi Ufa 3:6

Namuqaauqa nukudara foora qini fiqu fiqu iqa marianara sia qinee rufiaidaqa.

Aaquqira Ufa 28:1

Manda oosana maree marifa sia moo arirafa marifanoo kaqi fifau sandaidanoo. Andeeqara oosana faqaafa kaasau faini raioonnara foora pasoosidanoo.

Mataioo 16:21

Mikari oosanarasee miqooqari narí kuquaninnanara qimannimi maree finau. Mifa Yeerusareenni ooru firanara faqa qimanniminau. Faiqí firaasa faqa amaana maqasaa rakisimarusa faqa Mooseena sandufa uqannifiqee marusa faqa misa firaa dinee miqoo narí Yisuna amiranara qimanniminau. Kuqariranara faqa qaaramoo faasaana findi fuaninnanara faqa qimanniminau.

Mataioo 26:2

Qaara faasaana taikainanoo maasa Yeerusaree maqusai ooruree ainnaaqarara qoomaqa sakasee naanaura. Anutufa maasa qifaqnausa qikeeku qikaaku Isipa maqa maaqai marufanoo sia narinau ainnaaqaramasee Isipa maqannaasa kai narinau. Minara maasa Yeerusaree maqusai ooruree afaarurumaanaanaura. Miqoo faiqí moo fannoo qini uqeeqainaqa aunirira saqarisaa pirimmannoo qini darifaranoo.

Mataioo 26:21

Misa neemarufanoo Yisufa maaqi qimasee qimanniminau. Qinee anoona ufa inni qimannimidaqa innikiqari faiqí moo fannoo qini ueeqaaninafa maridanoo.

Mataioo 26:31

Miqoo ooru maridanoo Yisufa narí faiqi namu qimanniminau. Fafaa eendaki qini qumaraifandinnanara innee rufiasee quqasee sandeefaranoo. Anutuna tamummaqara fasiqa ooqai minara maaqi qimaqoofa maridanoo. Anutufa sipsipa rakisirana arinaqa sipsipa aiqama quqasee furufarifaranoo qimaqoofa maridanoo.

Ruka 24:44

Namaseenoo maaqi qimasee qimanniminau qinee inni faqa kaqi maridaqa maa dariranara kuqiranara findifiranara qimannimiaafanausa maridaqa. Mooseena sandufa faqa tamummaqara fasiqauqa ufa faqa Dafidina idi akaraki faqa qiniara akara rumaqoo ufafa naqimasee sia kambiqararee doo mina anoona kambiqarana qafaafanoo.

Yoohanee 13:1

Anutuna ainnaaqarara qoomaqa adeedi ramafufanoo Yisufa maa maqana quqasee doo narí akoofinai firafa adeedi reemarufanoo minara Yisufa irimarinau. Maa maqa maaqanakinaasa narisaa atooqeemariasara amuqusufanoo ridanoo kaqi misara aidimarufanoo fidanoo kasaaqai munu kuqinau.

Yoohanee 13:11

Yisufa faasai narí ueeqee maruna qafaidanoo miqi qinau. Inni nifaaqa aiqama nammari uqinoo maridanoo. Moodaa fannoo kai sia nammari auqara fee qinau. Narí ueeqaaninnanara iriseenoo miqi qinau.

Yoohanee 18:5

Yisuna Nasareetee maqannaanara randaidaqa qufanoo Yisufa qinau. Maa qinee misa maridaqa. Yudasifa Yisuna ueeqaaninafa misaki kikiqinoo marinau.

Yoohanee 18:7

Yisufa kafaa irammirinoo qinau, innee yanaree randaidee qufaqa misa qiqau Yisuna Nasareetee maqannaanara randaidaqa.

Yoohanee 19:28

Yisufa nariara irufanoo aiqama ainaina doo maqee anoonaikufanoo moodaa ooqeenaa akara nammariara qimaqoofa mifa kai sia anoona kambiqaifaqee qimasee minara maaqi qinau.

Yoohanee 6:64

Doo qinee akooqoo kooroomasee qimannimunaqa innee akaqausa siamma irimariafanoo. Yisufa narí faiqi namu oosana faasai irinau. Misaki akaqausa mina ufa sia irusa faasai Yisufa nindafanau. Misaki moodaa fannoo ueeqaaninnana faasai qafanau.

1 Peetooroo 4:1

Asauku mundirafa afaaqasaa aupurarana narí apatasaa maranau. Innee miqiannee qimasee afeekaikamandee deedaqammasee mariaqa. Yisuna ufasaara nipatasaa nidafirana mareemariasa miqooqari sia mandoosanna maree mariannai ubeekeefaranoo nikooqaina amiqira aanai ubeekeefaranoo.