Yoohanee 18:26 - Anutuna Ufa

²⁶ Amaana maqasaa aanaiqikirana ainainira faiqi Peetooroofa Marakusana aaqoo ateekoona mina ati fannoo Peetooroona qafamaseenoo qimaminau. Faasai anee saqamai Yisuna faqa marianaqa ani qafaunausa.

Yoohanee 18:26 Iomraidhean Croise

Aaquqira Ufa 12:19

Kuqaa anoona ufa qimari afai afaurufa kisaaqasaa maa maqanasaa mariannoo. Unna qimari afai afaurufa qusasaa taikaannoo.

Mataioo 26:73

Kafaa kaqikaa qoo marikamasoofaqa faiqí miqoo marusa anireeqa Peetooroona qimamiqa qiqau. Kuqaa anee mi fasiqana faiqi namuki mariananoo. Anee faqa mifa faqa kuqaa moodaa ufa qimariaqanda mariafanoo.

Ruka 22:58

Kaqikaaqoo marikufanoo faiqí moo fannoo qafamaseenoo qinau anee Yisuna faiqinamuki mariana fee qufanoo Peetooroofa qaoo qimaseenoo qinau. Oo maa fasiqa qinee sia minakinaasau maridau qufanoo kaifaa marikufanoo faiqí moo fannoo anireenoo afeekaikamandeenoo qinau. Maa fasiqafa kuqaa Yisuna faqa marifa, Kariree maqannaa moodaa maqannaafa maridanoo fee qufanoo Peetooroofa qimaminoo qinau, Oo maa fasiqa sia ani ufa anoonara iridaqa. Miqi qimarufanoo kai kookooraana ufa qinau.

Yoohanee 18:1

Yisufa miqi qimasee innaaru qimaseenoo narí faiqi namu asukunai Yeerusaree maqusaindari nifiqeenoo Kidaroona noopundu fitaqeenoo dinni afainni saqamakina auqaana andanda ummaqiranaki idooararee qimasee narí faiqi namu faqa oonu marinau.

Yoohanee 18:10

Simoona moo auqu Peetooroofa misa saamu faaqaana qafamaseenoo darifoo qimaseenoo mifa narí rakira paipana kisaaqa qumareenoo amaana maqasaa rakisirana ainainira faiqi aaqamasee asauku uqannai aaqoo aiqama atufu aqinau. Mi ainainira fasiqana auqu Marakusafa marinau.