Yoohanee 18:20 - Anutuna Ufa

²⁰ Yisufa mina ufa iriseenoo maaqi qimasee Annasana qimaminau. Qinee faiqí anaasee moomoo suqimaruqoo kai ufa qimannimimariqia. Suqira maaqaki fee naaquqara amaana maqaki fee faiqí anaasee moodaaqoo suqiraqoo fee miqoo kai qinee naamuaqira ufa aiqama ufa qimannimimariqia. Sia qinee moo ufa kukeeqaranaki qimannimiqiafana. (Innee aaqamasee qini kukeeqaranaki irama qimaqee mariafanoo.)

Yoohanee 18:20 Iomraidhean Croise

Idi Ufa 22:22

Miqimma sainaqa anee auqaanna ainainnara qinee qeeqa maqannaasa qimannimianaura. Qimannimisee qinee misa suqiranakiqari ani amooqianaura.

Idi Ufa 40:9

Qinee ani faiqí anaasee moomoosa suqiqa mariana qambaanai anee maasa asumu maraannanara andeeqara ufa kai qimannimidaqa. Oo Yaawee qinee sia qeeqa doo qummunianaura, kaqi qimannimianaura. Anee minara irimmariananoo.

Mataioo 24:26

Faiqí moo fannoo maaqi qimaseenoo ani qimaminoo. Asauku mundirafa aadana maqusa maridanoo, qinana siamma oonu qafaaqa minnimasaaqa, unna qidanoo. Faiqí moo fannoo asauku mundirafa maaqoo kukeeqanoo mari ifoo qinana sia uqanna oonu qafa. Anee minara unna qiifoo qia.

Mataioo 26:55

Yisufa miqi qimasee narí faiqiara qaoo qimaseenoo quandafinoo narí qumaree marusa qimanniminoo qinau. Qinee maqee maqee inni amaana maqaki qimannimi mariafannaqoo innee mikari miqoo qini qumaraaqaana. Maqee eendaki innee qumee kai duru saamu namufaqa qini qumaree mariafanoo. Qinee qumuari maruna fasiqausara maqi marunaqa innee asukunaki qini qumaree mariafanoo.

Mataioo 26:65

Amaana maqasaa rakisimarusa firaafa Yisufa miqi qufanoo irufanoo niranaqee marusa oosana maraseenoo narí qamunna parara qinoo anaqi aquseenoo aiqama suqiqa marusa darara qimasee qimanniminoo qinau. Doo innee aiqamausa mina manda ufa iridee. Nariara Anutuna amaaku fee qinoo iridee. Sia maasa kafaa arira ufara randaanaura. Doo aneenna qimannimianaqa innee minara nanee fee qidaqee. Misa aiqamausa doo kuquanifee ufa kai qima afeekaikiqau.

Mataioo 4:23

Mifa Karidaia maqa maaqa aiqama fiqu fiqu inoo nidanoo innaaruna ququsara fuka ufa qimanniminoo ninau. Aurimarusa faqa oosana oosana ainaina maree marusa faqa teeroouqee marusa faqa idaaqamannimaqee marianu.

Mataioo 9:35

Miqooqari Yisufa maqusa maqusa kaqikaa maqusa firaa maqusa amaana ufa innaaruna ququsaki fimaria ufana qimanniminooninau. Kaqikaa aurirana faqa firaa aurirana faqa andeeqannisanooninau.

Mareekoo 8:32

Yisufa akooqoo uqanna narí kuqiranara qimannimunara Peetooroofa irufanoo akooqoonara Yisuna mareeqee aaduma quqaseenoo qaoo qunara Yisufa quandaki narí faiqinamu nindafamaseenoo Peetooroona aqinoo qinau. Oo Peetooroo anee Sadannafa anee see fua, ani irirafa faiqindi maridanoo sia Anutunaindi.

Ruka 21:37

Mi fasannai Yisufa faasaambaasaana firaa amaana maqaki faiqí anaasee minaki qimannimiiseenoo eenoofanoo rafudamakufanoo Oorifa aaqanasaa akara mafufanoo miqoo faiqanau.

Ruka 4:15

Yisufa misa amaana maqakiaqa maqusa maqusa fiqu fiqu inoo nidanoo qimannimimarufaqa aiqamausa mina amooqi mariqau.

Yoohanee 18:21

Annasa anee nanaree qini iraidanee. Qini ufa irimariasa irammirinaqa qimamiaqa. Misa qini ufa oosana iridaqa.

Yoohanee 6:59

Yisufa mi ufana Kapeeranaumma maqusai ufa suqira maqaki qimanniminau.

Yoohanee 7:14

Qoomaqa taikarara imarufanoo Yisufa Yeerusaree amaana maqaki keeqafinoo faiqí anaasee ufa qimanniminau.

Yoohanee 7:26

Qafaa mifa faiqí qambaana faiqí nifusaa kikiqamambi ufa qimannimimarifaqa sia misa mina qumaraannee qidaqa. Abee maasa uriqararausa faqa minara kuqaa Anutuna asauku mundirafee fee qidee.

Yoohanee 7:28

Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo.

Yoohanee 7:4

Faiqí moo fannoo narí auqu uqeeraannee qimasee sia moo ainaina auqee mariana kukeeqaidanoo aiqama ainaina kooroomasainaqa aiqamausa mina qafaaqa, anee faqa miqiaqaana. [

Yoohanee 8:26

Qinee moomoo ainainara inniara qimannimianaura. Qini diqiqamaqoofa mifa anoona ufa kai qimarifa mifinaindaraana kai inni maa maqanasaa mariasa qimannimidaqa.