Yoohanee 18:16 - Anutuna Ufa

¹⁶ Misa Yisuna afiqee amaana maqasaa aanaiqikirana maaqaki keeqoofanoo nifaqee anu fasiqafa amaana maqasaa aanaiqikirana aqoondi maridanoo kaqi mi maaqanaki keeqanau. Misa Yisuna afiqee mi maqanaki munuseeqa mi sandana idukuseeqa kaqi quqasoofanoo marinau. Peetooroofa maqusai kooqi afainni aqoosai marinau. Nifaqee anu fasiqafa kafaa raudamakinoo kooqisaa rakisimaru manaaqana qimamufanoo kooqi atuasoofanoo Peetooroofa faqa keeqanau. Keeqafufanoo maaqa kooqi adeedi ooru maridanoo qafeemarinau.

Yoohanee 18:16 Iomraidhean Croise

Mataioo 26:69

Amaana maqasaa rakisimarusa uriqararafa Kaiafasafa narí maaqa ainainirafa firaafa marunara ainainira maanaaqauqa akaqausa nifiqa quqasoofaqa ainainimariqau. Peetooroofa aadumai sukinni ooqufaaqeeufanoo ainainira maanaaqa moo fannoo Peetooroona paqurimaseenoo qimaminoo qinau. Anee faqa mi kariree fasiqana Yisuna faqa nimarianafa mariananoo.

Mataioo 27:15

Mi kamusaqa kiapausa faiqí anaasee Anutuna qangiroo ainnaaqarara qoomaqa neemarufanoo karafusa fasiqa moo idukusoofaqa minara faqa asasiaqeera. Kiapausa oosana mi oosanna maqee maqee miqimmimariqau.

Mareekoo 15:6

Aukuana aukuana aiqama aukuana Piratoofa ainnaaqarara qoomaqa saara moo adiafaaira ainaina Yuda maqannaasa nimianauree qimasee rumbaranakinaana moo iduku niminau. Nári nidimaruna uqanna idukunniminau.

Ruka 23:18

Faiqí anaasee minara iriseeqa aiqamausa faaqa rumasee qiqau. Mina kuqaruaqa, Barabasina kai iduku qimia.