Yoohanee 17:26 - Anutuna Ufa

²⁶ Anee qiniara amuqusidana aidimarina qini faiqi namu naundurai faqa marianifeera qimasee aniara maqee kooroo qimasaida qimannimiaafanausa maqee kafaa kafaa qimannimianaura. Maqee qinee faqa misa naundurai marianinnanara innaaru qidaqa.

Yoohanee 17:26 Iomraidhean Croise

Idi Ufa 22:22

Miqimma sainaqa anee auqaanna ainainnara qinee qeeqa maqannaasa qimannimianaura. Qimannimisee qinee misa suqiranakiqari ani amooqianaura.

Yoohanee 14:20

Qinee qeeqa qikoonaki maridaqa kafaa innee qiniki mariafanoo qinee inniki maridaqa. Anutuna maraquna qumuaninna faasaana mi faasaanna mi ufana oosana amiqimandee irifaranoo.

Yoohanee 14:23

Yisufa iriseenoo qinau. Yafasiqa anaasee fee qiniara rimarinafa qini ufa maree mari fasiqa anaaseefa mifa qiniara rimarifa mariannoo. Miqinna fasiqa anaaseena qini qikoofa Anutufa minara faqa ruannoo. Mifa faqa qinee faqa mi fasiqa anaaseesa innannai oonuree umee mina faqa marianaura, miqimaseeqa maasa inni nifusaa kai koorooianaura. Maqasaaqaraa irirana faqaasa nifusaa kukeeqaanaura.

Yoohanee 15:15

Qinee sia maaqooqari inniara qini ainainira faiqí fee qianaura. Rakisirafa narí fuaninnanara faqa auqaaninnanara faqa maraaninnanara faqa sia ainainira faiqiuqa qimannimidanoo miqimmianauree maaqimmianuree qidanoo narí kai. Ainainiaqee ufa kai qimannimidanoo. Qinee sia fifau saikira faiqi fee qidaqa inniara qini qiqoondi fee qimasaidaqa qinee qini qikoofa auqaaninna saika ufanara aiqama inni kooroomannimidaqa.

Yoohanee 15:4

Innee saqari asaanara foora qinisaa ariqa mariaqa. Innee sia qinisaa ariqa maridaqa sia qini amiqira marira nirana mareefaranoo.

Yoohanee 15:9

Qini qikoofa qiniara firaaqoo ridanoo qinee faqa miqikai iqa inniara firaa qoo ridaqa doo sia innee moo fannoo minakiqari aiaki fuaqa. Kaqi kai qini didiranaki mariaqa.

Yoohanee 17:23

Qinee misaki marianneera anee qiniki maria, miqimasainaqa kuqaa uqanna moodaanaki mariaqa. Miqimasaanaqa maa maqanasaaqaraasa niqafamasee Oo kuqaa Anutufa Yisuna aqiqanau foo qiaqeera, narí amaaku Yisunara faqa mina faiqi namuara faqa amanamana kai amuqusinoo aididanoommifoo qiaqeera.

Yoohanee 17:6

Anee maa fasiqausa qini faiqi namu maqasaaqaraa sakinaana qimimarianaqa aniara kooroomannimiqa. Misa anindi maridaqa. Anee misa qimimarianafa mariananoo. Misa ani ufa irisee eedoo qimariasa maridaqa.

Yoohanee 17:8

Anee qimunna ufana qimannimunaqa irisee doo mareea. Qinee anikiqari qumuafannanara faqa misa kuqaa fee qidaqa. Anee qini diqiqoonnanara faqa anoonee qidaqa.

Yoohanee 6:56

Faiqí anaasee moo fannoo qini qimaqi fidika neemarifa qiniki maridanoo qinee minaki faqa maridaqa.

Yoohanee 8:50

Qinee sia qeeqa duqu uqeeraranara randaidaqa. Moo fannoo qini duqu uqeerarafa maridanoo. Innee qini duqu maqasaa quqeemariafanoo Anutufa kai qini dadaaqinoo inni rafaaqa fuannoo.

Roomma 8:10

Asauku mundirafa inni naundurai namummaqainaqa mina maraquna fannoo inni nifaaqa mandainaina fannoo narinoo marinnana sia minara iridanoo qafaidanoo Yisuna kuqiranara iriseenoo kaqi marirana inni nimana kaqi nimidanoo.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

1 Koorinti 12:12

Asauku mundirana afaaqa moodaara foora maridanoo mina atiuqa moomoo maridaqa afaaqa sia rainanoo maridanoo moodaa maridanoo.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

Eefeesusa 5:32

Mi ufana maa ainainnara kikiqusidanoo anoona amiqirafa maridanoo asauku mundirafa faqa narí ufara suqimariasa faqa faiqí narí aanaaqara faqara foora inoo maridanoo moodaa kara mafuannoo.

Kooroosee 2:10

Innee minasaa maridaqa sia Yisuna marirana kai maree mariafanoo Anutuna marirafa minaki marina mina faqa maree mariafanoo. Afaannauqa rakisirausa uriqararausa mariafanoo faiqí moo fannoo misara anoonee qinaqa sia misara iridaqa rufiaaqa Yisufa kai misoo maasoo uriqararafa maridanoo misa faqa maasa faqa uriqaranoo maridanoo rakisinnimaqaidanoo.

Kooroosee 3:11

Fuka mi andeeqara marirana maree mariasa náriara uriqararausee ureeqarausee qimiriranara sia minara iridaqa, Yuda maqannaafee aanaamuru fee fainanduqirausee sia fainanduqirausee irirana faqaasee fuka aamina maqannaa fee anoona akoona faqaa fee fiaiqi faiqi fee fuka andeeqara marirana maree mariasa sia mi ufausara iridaqa. Asauku mundiranara kai kuqaa anoona maridanoo fee qidaqa.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

Heeburu 2:12

Yisufa minara maaqi qimaqoofa akaraki maridanoo. Oo Anutu aniara qeeqa qikaqaafasaa qimannimianaura. Qinee faiqí suquseeqa misa nifusaa ani amooqianaura.

1 Yoohanee 3:24

Yau yausee Anutuna naakapara ufamau fimarinausa misa Anutunaki marifanoo kafaa Anutufa misaki maridanoo. Anutufa narí maraquna nimiqoona minara Anutufa maasa daunduraki maridanoo fee qidaqa.