Yoohanee 17:15 - Anutuna Ufa

¹⁵ Oo qipoo qinee aniara sia qini faiqinamu mareeqee moosaa quqaanneera qidaqa. Maaqoo maqasaa mariaqoo kai rakisianeera qimamidaqa, aakaaqaindaraa fasiqa fannoo misa qumaraandoora qimamidaqa.

Yoohanee 17:15 Iomraidhean Croise

Oosana 48:16

Qini oosana oosana madainaina kinaana itita qimaqoo qangiroofa misa amiqi amiqimma nimaqaani. Qini duqu faqa qini qikooqanda Abaraqaammasa Isakeesa nuqu faqa maa faiqi qandasaa mariani. Miqanda moomoo faiqi maqasaifanoo moomoo miqanda kiqari kambiqafi mariaqa.

Idi Ufa 121:7

Yaaweefa aiqama mandainainaki innisaa ititamma nimaqaannoo. Mifa inni nariranasaa itita nimaqasee innisaa rakisiannoo.

Idi Ufa 30:9

Qini kuqirafa sia kaqikaaqoo faqa ani amooqirafa mariannoo. Qinee madikaki ooquraananoo qini mi kuqirafa sia amana moo ainaina auqaannoo. Kuqirauasa amanee ani amooqifaree. Sia amana. Amanee misa anee kisaaqasaa amiqimma nimaqee mariannanara kooroo ifaree. Sia amana.

Mataioo 5:37

Minara innee eedoo qiaqeera eedoo kai qiaqa. Innee qaoo qiaqeera andeeqasee qaoo kai qiaqa. Anee moo ainaina kikiqa usinana aneenna amuqusa ookiqari mandainaina marinakiqari moo ainaina kikiqa ususee unna qiananoo.

Mataioo 6:13

Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

Ruka 22:32

Oo Simoona qinee aniara innaaru qimaseeqa anee qini saqarikirafa sia taikaani. Anee kaqirunna oonureenana oonu quandakinana aneenna akaqaafasaauqa pooduamannisaa, qufanoo Peetooroofa qinau.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

2 Teesaroonika 3:3

Karaambaiqa fannoo sia miqi marifa amiqimmasee rakisimarifa afeeka mapukirana nimiseenoo aakaaqaindaraa fasiqasaa ititannimaqaannoo.

2 Timooti 4:8

Doo maqee sandaida uriqareemariasa feefauru qiniara deedaqinoo maridanoo. Karaambaiqa andeeqasee ufa nimimarifa qumira faasaana andeeqeemariasa qafee qini qikiaaqa afisuannoo. Mikari sia qini kai qimiannoo, moomoosa minara nidimarisa mina koorooiranara afeesidaqa nidimarifaqa afeesimariasa misa faqa nimiannoo.

1 Yoohanee 5:18

Maasa maana iridaqa sia Anutuna faiqi namu mandoosana maqee maqee maraqa fidaqa. Anutuna amaaku ititasaifanoo manda fasiqa fannoo sia amana mina mandaikamamaqaannoo.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.