Yoohanee 17:13 - Anutuna Ufa

¹³ Doo qinee anee ianannai ooru firaridaqa. Qinee maaqoo kaqi marunnaqoo ufa oosana oosana qimannimidaqa qimannimianaqa misa nimuqusakina asasirafa qumbiqanoo marianifeera qimannimidaqa.

Yoohanee 17:13 Iomraidhean Croise

Idi Ufa 126:5

Naukuna namu faqa ummaqi mariasa asasira idi namu faqa unakuaqanani.

Idi Ufa 43:4

Qinee miqoo maridaqa Anutuna qaidara mariqoo mina amooqirara fuanaura. Kaaqa asasirana faqa kaaqa nariara didirana faqa qimimari Yaaweefa miqoo maridanoo. Oo Anutu qini Anutufa qinee piripuna aridaqa ani amooqianaura.

Yoohanee 13:3

Anutufa aiqama afeeka innaaruna faqa maqa faqa Yisuna aramandunnai quqaqoofanoo marufanoo Yisufa mina irida marinau. Narí Anutufinaindari qumufa iridanoo marinau. Narí kaifaa Anutufinnai ooru firafa adeedi ranoo marufanoo minara faqa irida marinau.

Yoohanee 15:11

Qinee sia kaqi qimannimidaqa qini susuirafa inniki marianifeera inni susuirafa anoonaikianifeera qimannimidaqa.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Yoohanee 17:11

Doo maqee qinee anee mariannaqoo ooru firaridaqa doo qinee maa maqanasaa taikasee minni ooru fuanauranoo. Misa kaqi maa maqanasaa marifaranoo. Oo naaquqara qikoofa. Ani auqu afeeka eeraarirana misasaa ititannimaqaani. Anee mi auquna afeeka eeraarirana qini qimunafa mifa misasaa ititaani. Ititannimaqasaanaqa maaqanda daanna ramasee moodaanakikiqa mariaqeera.

Yoohanee 3:29

Aqoondi fannoo amundara fasiqa aaqa maridanoo mina ufa iriseenoo asasidanoo. Narí aqoondi anaasee maree marinara asasidanoo. Qinee Yoohaneesa Yisunara iriseeqa asasidaqa. Mifa amundara fasiqara foora marifaqa qinee mina aqoondiara foora maridaqa mina ufa iriseeqa qini asasirafa firaafa maridanoo.

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.

Roomma 14:17

Anutuna ququsaki mariasa maasa nirana marirana sia narana nammarisaafau mundinoo maridanoofau. Anutuna naaquqara maraquna nimimari ainainausa andeeqarana faqa asooarana faqa asasirana faqa minamusasaa maasa marirana nirana mundinoo maridanoo. Faiqí anaasee moo fannoo asauku mundirana ainainidanoo narí akaqaafasaauqara amuqusimarifanoo dadaaqinoo rakisinanoo Anutuna amooqirafa faqa faiqí faiqi eedoo qirana faqa maraannoo.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Heeburu 12:2

Oosana arooqooqari fifi inaqa maasa saqarikirafa Yisufa kai maridanoo minasaa kai nifu mundusee fua. Yisufa maa maqanasaa maridanoo aunirira saqarisaa arirara qufanoo sia rufiasee minnisanau. Sia uqanna minnisanau. Kasooqaqee kuqiranakiqari findifi innaarunai ququsaki Anutuna aaqa marianinnanara iriseenoo mi asasiranra iriseenoo aunirira saqarisaa kuqiranara asauriranara siamma irinau fifau ainainee qimasee kaqi finau. Doo minara maqee Anutufa mariqoo mina aaqa asaukuqannai ooqumarifi maridanoo.

1 Yoohanee 1:4

Innee faqa maasa faqa innisaimbaqa naundurai asasirafa qumbiqaanifeera inni maa ufana akara rumannimaqaidaqa.

2 Yoohanee 1:12

Qinee ufa oosana oosana ani qimamiraree qimaseeqa sia papiqasaa rirana amana marifaqa. Ani maqusai kasooqaqee firara iridaqa. Minni oonureeqa dookiqari ani qimamiseeqa narí qimami narí qimamimasee asasifaranoo.