Yoohanee 16:22 - Anutuna Ufa

²² Innee mina aanna reefaranoo. Maqee kamuqoo noori runusee marifaranoo. Kasooqaqee qini qiqafamasaifanoo miqoo inni nimuqusaki asasirafa firaaqoo qumbiqanoo mariannoo. Mi asasirana sia moo fannoo mareemaria asasirafa mariannoo. Afeeka asasirafa amiqirafa kaqi mariannoo.

Yoohanee 16:22 Iomraidhean Croise

Idi Ufa 146:2

Qinee kaqi marunna kamuqoo Yaaweena amooqianaura. Qeeqa aiqama kari maa maqa maaqanasaa mariranaki qeeqa Anutuna idi ramamaqaanaura.

Idi Ufa 33:21

Maasa mina naaquqara andeeqara auqu saqarikunnanara firaaqoo asasidaqa.

Mataioo 28:8

Anaaseeqanda qangiroo qafeeqa mina ufa iriseeqa kaaqa naaquqanau. Yisunara kuqiranakiqari findifu ufana irufanoo naundurai asasinoo naaquqoofaqa mi anaaseeqanda mina faiqi namu ufa qimannimianee qimasee fidaqa.

Ruka 10:42

Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.

Ruka 16:25

Abarahaamafa iriseenoo qimaminau, oo qini qimaaku anee maqasaa marunna kamuqoo amiqira ainainaki marunanoo Rasarusafa mandainainaki marinau, maqee Rasarusafa maaqoo asasiranaki marinana anee aupuraranaki mariananoo, innisaimbaqa qambaanai maani firaafa maridanoo, maaqoo marinausa sia amana minni fifaranoo mindari faqa sia amana mai anifaranoo.

Ruka 19:26

Qinee anoona ufa qimannimiana iriaqa, aiqama ainaina moomoo faqaasa moo faqa ootupama nimifara, ainaina siainaindi oodaa maqeeina rafiqeefaranoo.

Yoohanee 14:1

Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

Yoohanee 14:19

Kaqikaaqoo maa maqanasaaqaraa irirana faqaasa sia qini qiqafeefaranoo. Innee kai qini qiqafeefaranoo. Qinee kaqi marirausa maridaqa minara innee kaqi marirana mareefaranoo.

Yoohanee 14:27

Qinee naundura asooarana inni nimidaqa. Qinee qiniki mari naundura asooarana inni nimidaqa. Maa maqanasaa mariasa sia misa naanna ramasee inni nimidau. Amiqimandee qeeqa asooarana nimianaura. Sia inni naundura rapikiani sia rufiaqa rufiaqiaqa.

Yoohanee 16:16

Yisufa narí faiqinamu kaqi qimannimidanoo qinau. Kaqikaaqoo innee sia qini qiqafeefaranoo kaqikaaqoo marikiqa kaifaa qini qiqafeefaranoo.

Yoohanee 16:20

Qinee anoona ufa qimannimianaura. Qinee kuquanna kamuqoo innee ikifaafau qifaranoo. Innee miqimariafaqa maqasaaqaraasa qiniara sia irimariasa susuifaranoo. Innee noori runusee marifaranoo qinee kuqiranakiqari findi fuanaqa kafaa mi noori runirana minnisee quandakinaqa asasifaranoo.

Yoohanee 16:6

Doo qinee firara inni qimannimunaqa inni naundura qumaara raifaqa noori runusee mariafanoo.

Yoohanee 21:7

Yisuna afaaqasaa aqoondi qinee Yoohaneesa Peetooroona qimamiqa qiqiafana Karaambaiqa muqufa maasa qimaqimifa maridanoo. Simoona moo auqu Peetooroofa mina iriseenoo narí qamunna quqaqoona qumareenoo aranandauqanna rumbamareenoo nammariki ooqurama aqufufanoo immapamamaree Yisufunnai finau.

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

2 Koorinti 6:10

Maasa maqee maqee qifaaqa kudoosaapanoo marifaqa Anutunara oonu mafi irisaidaqa maqee maqee asasidaqa. Maasa kudi fasiqara foora maridaqa moomoo fasiqa anaasee innaarunai ainaina faqaasaikamma nisaidaqa. Maasa maa maqanasaa ainaina siaisa maridaqa aiqama innaarunaindaraa ainaina maasaindi maridanoo. Mi aiqama ainainnannoo maasa Anutuna amiqira ainainira faiqiuqaindi marunnanara akoorooidaqa.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

Heeburu 10:34

Innee karabusaki mariasa dadaaqidaqa narana munu nimiranannai misa aupurarana inne faqa maree mariafanoo. Faiqí anaasee aniree aanoomasee inni maaqakinaa ainaina aiqama animaree fifuafaqa sia innee minara noori runuafanoo, innee asasa kai mandee mariafanoo. Innee inneeqa maa maqanasaaqaraa qumiasanara fifau oorudupira ainainee qimasee innaarunai uriqarara naaru marira ainainara maridanoo fee qimasee sia ikiraqaafanoo, innee asasimariafanoo.

Heeburu 6:18

Doo minara iriseeqa qaara ainaina, afeeka ainaina innikina kaqi mariannoo sia taikaannoo. Mi ainaina qanda moo ainaina Anutuna qima afeekaikirafa maridanoo. Moo ainaina Anutuna asauku uqeerarafa maridanoo. Mi ainaina qandara Anutufa sia amana unna qirafa mariannoo. Maasa Anutuna saqarikidaqa mina asumu mariranaki mariasa Anutufa maasa aranaiqi fuki faaki qidanoo maasa daikisaa marianinna innaarunai mariranara asasidaqa afeesidaqa mariaqeera qidanoo.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.