Yoohanee 16:19 - Anutuna Ufa

¹⁹ Yisufa misa randaranara irisee maaqi qimasee qimanniminau. Qinee qiqa. Kaqikaaqoo sia qini qiqafeefaranoo. Kaqikaaqoo marikiqa qini qiqafeefaranoo. Innee minaree narí qimami narí qimami qidee.

Yoohanee 16:19 Iomraidhean Croise

Mataioo 6:8

Misa naanna sia raaqa. Inni nikoofa sia innee irammiriaqoo kai iridanoo. Ooqai mifa irimarifa maridanoo. Minara fifau ufa urirara kai urirara kai qidaqa sia innaaru qiaqa.

Mataioo 9:4

Yisufa misa ufa iriseenoo quandafinoo maaqi qimasee qimanniminau. Naqi fee qifaqee mi manda irirana inneeqa nitikuraki maraqa nidee.

Mareekoo 9:32

Mina faiqi namu mi ufana iriseeqa sia mina oosanara iriqau irammirirana faqa sia irammiriqau rufiasee kaqi mariqau.

Yoohanee 13:33

Qini faiqi namu sia kisaaqasaa inniki marianaura. Yuda maqannaa qimannimiafannandee kai inni qimannimidaqa. Innee qiniara randee sia paqurifaranoo. Qinee fuannaqoo sia innee amana fifaranaoo.

Yoohanee 14:19

Kaqikaaqoo maa maqanasaaqaraa irirana faqaasa sia qini qiqafeefaranoo. Innee kai qini qiqafeefaranoo. Qinee kaqi marirausa maridaqa minara innee kaqi marirana mareefaranoo.

Yoohanee 16:16

Yisufa narí faiqinamu kaqi qimannimidanoo qinau. Kaqikaaqoo innee sia qini qiqafeefaranoo kaqikaaqoo marikiqa kaifaa qini qiqafeefaranoo.

Yoohanee 16:18

Mifa kaqikaa qoo fee qidaqinoo mi ufana oosanara maasa randaidaqa. Maasa sia mina ufa oosanara iridaqa naqi fee qidaqinoo fee.

Yoohanee 16:23

Qinee kuqiranakiqari findifiqa qeeqa qikoofinnai ooru marianaqa innee sia kafaa qiniara moo ainainara irammirifaranoo. Qinee anoona ufa qimannimidaqa. Innee qiniara faiqi namu maridee qimasee qini qikoona irammirifanoo iraifandinna ainaina oosana oosana nimiannoo.

Yoohanee 16:26

Mi faasaanna anirainaqa qini duqusaa Anutunara innaaru qifaranoo. Innee innaaru qifaqa qinee sia qeeqa qikoona afusaa oonuree mi ainainnara inni fifau dadaaqianaura.

Yoohanee 16:30

Doo maqee maasa aniara aiqama ainaina irimariana fee qidaqa. Anee ufa qiananoo moo fannoo sia ani dadaaqimarifana aneennaraa kai qimannimimarianaqa maasa minara irisee kuqaa aniara Anutufinaindari qumi fee qidaqa.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Yoohanee 6:61

Misa miqi qimasee noori runusee randoofanoo Yisufa narí kai iriseenoo qimanniminoo qinau. Innee qini amiqira afeeka ufara rufiasee qini minnisararee qidee.

Yoohanee 7:33

Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.