Yoohanee 15:5 - Anutuna Ufa

⁵ Qinee saqari anoona maridaqa. Innee asaana miqirausa mariafanoo sia anoonasaa arufinafa sia sauna iraannoo. Qiniki marinausa qinee faqa misaki mariananoo saunara foora moomoo ireefaranoo. Innee inneeqaraa marinausa kudi marifaranoo qini faqa marinausa sauna amiqimasee ireemarifaranoo. Innee minara iriseeqa amiqimasee qinisaa atooqaifaqa qinee faqa inniki marianaura.

Yoohanee 15:5 Iomraidhean Croise

Aaquqira Ufa 11:30

Andeeqee maria oosanafa kaqi marirana nimidanoo. Mandoosana maree mariasa kasaaqanda midaqa.

Yoohanee 12:24

Qinee anoona ufa inni qimannimidaqa. Nandi asumu naríara kaqi maridanoo aaduma maridanoo. (Yisufa narí kuqiranara qidanoo nandi asumu kikiqa usinau.) Mifa maqaki ummaqusaifanoo putaa inanoo moomoo kambiqaannoo sia nariraa mariannoo.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 9:33

Maa fasiqafa sia Anutufinaindari aninaqau naqimandee maa firaa ainainna auqararee, siamma amanaikiannoo.

Roomma 12:5

Maasa miqirausa maridaqa asauku mundiranasaa ootupaqa marunausa moomoosa naadu naadu nipata atiara foora mariasa moodaa qipatara foora mafiqa Yisunaindi maridaqa narisaa narisaa atooaqa maridaqa narisaa narisaa mundiqa mariaqeera.

Roomma 6:22

Doo maqee innee mandainainakiqari idukiqa mariafanoo Anutuna rumbaranaki keeqafi mariafanoo. Doo innee miqiunara inni marirafa aiqama doo minaindi kakai mafi mariinaqa taikara aukuana innaarunai marirana inni nimiannoo.

Roomma 7:4

Doo innee qini qikaqaafasaa innee faqa Mooseena sandufa ameemaanai mariasa doo innisaimbaqa qifaaqa fannoo Yisuna saimbaqa kuqinau. Doo mi kuqiranakiqari mina Yisuna namufaqa findifiqa minaindikiqa Anutuna ainainiranaki andeeqasee anoona ainaina imarinakina mariaqeera mariafanoo.

1 Koorinti 10:16

Maasa aafaqa naidaqa kaafakinaa nammariara Anutunara dufi dufi qimasaidaqa mi kaafanakinaana naidaqa asauku mundirana fidika naida fee qimasaidaqa maasa kaqikaa feemu faqa ruqi ruqimasee naidaqa maasa asauku mundirana amaqi naida qimifaqa naidee qidaqa mi feemuna naidaqa.

1 Koorinti 12:12

Asauku mundirana afaaqa moodaara foora maridanoo mina atiuqa moomoo maridaqa afaaqa sia rainanoo maridanoo moodaa maridanoo.

1 Koorinti 12:27

Qinee Pauroosa inni Koorinti maqannaara qidaqa innee Yisuna ufara suqimariasa aiqama asauku mundirana afaaqara foora mariafaqa aiqama mina afaaqasaa afaaqa fannoo narí amaaqa narí amaaqaki kai mariafanoo.

2 Koorinti 13:8

Sia maasa amana Anutuna anoona ufa ititaanaura mina dadaaqirana kai amanaikirafa maridanoo.

2 Koorinti 9:10

Anutufa inni Koorinti maqannaa faqa dadaaqammiannoo. Mifa asumu faqa neemaria narana faqa nimimarifa maridanoo inni nimana asumu inni nimisainaqa ummaqusaifanoo Anutufa kambiqarana nimiannoo innee afaaramandee moo maqannaa narana dadaaqifanoo innee kafaa kafaa miqiaqee qimasee inni Anutufa irairaairana nimiannoo.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Eefeesusa 5:9

Kaaqa qarafa qafuqakinaa ainaina amiqi amiqifanoo kambiqaidanoo Anutuna kaaqa qaranaki mariasa miqi kai iqa kaaqa qaranaki maridaqa misaki amiqirana faqa andeeqarana faqa anoona ufa qirana faqa misaki kambiqaidanoo.

Firipi 4:13

Asauku mundirafa narí afeeka qimufaqa minannai amiqiranee mandaikiranee kaqi maraidaqa.

Firipi 4:17

Qinee sia narana maree maria munnimma moo faqa moo faqa maraanauree qidaqa maa ufana qimannimidaqa, qinee inni nuquara afeedira ainaina innaarunai nimaqaanifee qidaqa maaqoo munnimma qimianara qidaqa.

Kooroosee 1:10

Innee miqi marifaqa Karaambaiqa undee kai imarifaranoo mifa maqee maqee inni marirafa amiqira marira maridaqa amiqisaa kambiqaaqeera Anutuna irirafa faqa firaaqoo inniki kambiqaannoo.

Kooroosee 1:6

Innee indaaru Anutufa narí amaaku maasara afaarinoo arunara innee mi afaariranara iriseeqa kai mi fasaasa ufana aiqama maqa maaqai daraanidanoo naundurakinaa amiqi amiqirana faiqí aanaaseeki kambiqaidanoo.

1 Peetooroo 2:4

Faiqí faiqi misa Anutuna amaana maqa usakee maru faakanara foora Yisunara nikooqoofaqa auniriranasaa arusee minnisaqau. Minnisoofanoo Anutufa qafamaseenoo qinee ooqai maa faakannara qutaaqamaqaafannana idaaqirafa maridanoo fee qimaseenoo maraseenoo amaana maqa usakararee qimaseenoo marasee kafaa rakiqanau.

2 Peetooroo 3:18

Maasa Karaambaiqa maasa asumu maree marifa asauku mundirafa Yisufa mina amiqira marirana irirana minaki kai fidaqa maqee maqee innooqaaqa. Maqee faqa naaru naaru faqa mina amooqira ufa mariani. Kuqaa.