Yoohanee 15:26 - Anutuna Ufa

²⁶ Yisufa kaqi narí faiqi namu qimannimidanoo qinau. Qinee ooru fuananoo fuka dadaaqirafa qumuannoo. Mifa kuqaa anoona ufa qira oosana maraquna mariannoo qini qikoofinaindaraafa mariannoo. Qinee qeeqa qikoofinaindaraana aqiqaananoo qumureenoo mifa qiniara qimannimiannoo.

Yoohanee 15:26 Iomraidhean Croise

Ruka 24:49

Qini qikoofa Anutufa narí maraquna afeeka nimimari maraquna inni nimiraree qimasoona qeeqa kai oorureeqa niqiqaanaqa qumuree inni afeekaikamma nimaqaannoo. Innee sia Yeerusaree maqusa minnisaaqa maaqoo kai marifanoo naakufinaqa fifainiaqa.

Yoohanee 14:26

Inni fuka dadaaqirafa naaquqara maraquna qini qikoofa kasooqaqee nimianinnafa mifa aiqama ainainara qimannimiannoo. Qinee faqa aiqama ufa qimannimiafannana mifa minara inni naaqoo auqainaqa oonumafi irifaranoo.

Yoohanee 16:7

Qinee anoona ufa qimannimidaqa qinee ooru fuanaqa innee amiqiranaki mariaqeera ooru fuanaura. Qinee sia ooru fuananoo fuka dadaaqirafa sia qumuree inni dadaaqiannoo. Qinee ooruree fuka dadaaqirana aqiqaananoo qumu inni faqa maridanoo dadaaqiannoo.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

1 Koorinti 1:6

Innee maasa karaambaiqa asauku mundirana Yisunara innaarunaindaraafa kooroo iranara afeesimariafanoo asauku mundirana amiqi amiqirana aufakiana inni naunduraki mapukusee marinara Anutufa moomoo narí dadaaqi narí dadaaqirana akoofasaikirana niminau.

Heeburu 2:4

Maasa sia misa ufa kai irisee kuqaa fee qidaqa Anutufa misa ufa dadaaqammasoofaqa faiqí sia amana auqaaqaa ira ainainna firaa ainaina oosana oosana faiqí anaasee dadaaqimaru ainainna auqusoofaqa maasa mina qafeeqa kuqaa fee qidaqa. Anutufa narí iriranannai kai narí maraqunannai kai oosana oosana fasiqa anaasee dadaaqira akoofasaikirana faiqí anaasee niminau. Miqunnannai faqa maasa innaarunaindaraa asumu marirana qimianinnanara kuqaa fee qidaqa.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.