Yoohanee 15:14 - Anutuna Ufa

¹⁴ Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

Yoohanee 15:14 Iomraidhean Croise

Rafudoo Akarafa 7:6

Mooseesa Aaroonasa Yaaweena ufa iriseeqa doo miqimmiqau.

Aaquqira Ufa 18:24

Moomoosa aqoondiki marinafa sia kisaaqasaa mi aqoondikirafa mariannoo. Moodaa moodaa amiqira aqoondi afaaqasaa aqoondi marifa mi fasiqana mi amiqira aqoondina oosana fannoo narí moodaa fidika faqa amiqi marina arusee uraaqaranoo maridanoo.

Mataioo 12:50

Faiqí anaasee yausee innaarunai qini qikoona iriranamau fimariasa misa kai qini qikaqa faqa qini dauna faqa qini qinausa faqa maridaqa.

Ruka 12:4

Qini qiqoondiuqa inni qimannimidaqa inni nipata kai kuqa narusee miqooqari moo mandainaina sia amana niminausara misara sia innee rufiaaqa.

Yoohanee 13:17

Innee maqee maa ufana anoona naaqooki irimariafanoo. Innee maa ufana irisee auqaifanoo asasirafa mariannoo.

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 14:21

Yafasiqa anaasee fee qinee qimannimiafanna ufana irisee maree marifandinausa misa kai qiniara rifandinausa marifara. Qiniara rimarina fasiqa anaaseesara qini qikoofa misara faqa ruannoo qinee faqa mi fasiqa anaaseesara ruanaura qeeqaindi anoona afeeka uqannifiqaanaura.

Yoohanee 14:28

Qinee maqee maaqooqari kafaa ooru fuanaura oorureeqa marikiqa oorurandee qumureeqa inni faqa marianaura. Sia qinee ooru fuannanara innee minara rufiaaqa. Innee kuqaa qiniara ridau qinee qeeqa qikoofinnai fuannanara susummaqimaqani. Qini qikoofa qini uriqararafa maridanoo minara susummaqimaqani.

Yoohanee 2:5

Yisuna anoofa mina iriseenoo quandafinoo qoomaqa dadaaqimaru fasiqausa mara quqaqoosa maaqi qimasee Yisunara qimanniminau. Nana ainainaree maafa qinaqa mifa qinandee kai iaqa.

Yameesa 2:23

Minara akarakina kuqaa maaqi qinau, Abarahaamafa Anutuna aamuaqira ufa irisee kuqaa fee qimasee saqarikufanoo Anutufa mina qafamaseenoo oo andeeqara fasiqa mareenoo qinau. Miqi qimaseenoo Anutufa Abarahaamanara qini qiqoondi fee qinau.

1 Yoohanee 5:3

Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.