Yoohanee 14:21 - Anutuna Ufa

²¹ Yafasiqa anaasee fee qinee qimannimiafanna ufana irisee maree marifandinausa misa kai qiniara rifandinausa marifara. Qiniara rimarina fasiqa anaaseesara qini qikoofa misara faqa ruannoo qinee faqa mi fasiqa anaaseesara ruanaura qeeqaindi anoona afeeka uqannifiqaanaura.

Yoohanee 14:21 Iomraidhean Croise

Idi Ufa 35:27

Qini andeeqaranara irisee qini iduku qimaqarara irimariasa kaifaa kaifaa maaqi qimasee faaqaridaqa asasiaqa. Yaaweefa kaaqa uriqararafa maridanoo. Yaaweefa qini narí ainainira faiqi qinee auqaunna ainainafa anoona kambiqainara iriseenoo asasidanoo.

Rafudoo Akarafa 33:18

Mooseefa mi ufana iriseenoo kaifaa Yaaweena iramirinoo qinau. Amanee aneenna oori daroo daraa irana uqaqifiqasainaqa qafaanauree qufanoo Yaaweefa qinau.

Aaquqira Ufa 8:17

Qiniara rimariasara qinee faqa misara ridaqa. Nimudaanai qimasee qiniara randee mariasa misa qini paqurifaranoo.

Ruka 11:28

Miqi qufanoo Yisufa quandafi mi ufana qaoo qinoo qinau, abee Anutuna ufa irisee mi mau fimariasa misa kai firaaqoo asasirausa maridaqa.

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 14:18

Qinee sia inni mininnisaanaura qinee oorureeqa Anutuna maraquna aqiqaananoo qumuree inni faqa marida dadaaqiannoo.

Yoohanee 15:14

Maqee maqee qini aaquqira ufa irisee mi mau fimariasa misa kai qini qiqoondiuqa maridaqa.

Yoohanee 16:14

Mifa qini irira ufa mareeqee inni niminaqa minannai qini Yisuna asasirana qimimarifaranoo.

Yoohanee 16:27

Qini qikoofa narí kai inniara aidimarifanoo iraifandinna ainaina eedoo qimasee nimmiannoo. Innee qiniara nidimarinaqa Anutuna faiqi fee qifanoo inniara faqa Anutufa aididanoo iraifandinna ainaina nimiannoo.

Yoohanee 17:23

Qinee misaki marianneera anee qiniki maria, miqimasainaqa kuqaa uqanna moodaanaki mariaqa. Miqimasaanaqa maa maqanasaaqaraasa niqafamasee Oo kuqaa Anutufa Yisuna aqiqanau foo qiaqeera, narí amaaku Yisunara faqa mina faiqi namuara faqa amanamana kai amuqusinoo aididanoommifoo qiaqeera.

2 Koorinti 12:8

Qinee qaaramoo kari karaambaiqinnai innaaru qiqa anee maa aurirana maraquqisaannee qiafananoo mifa qaoo qimasee qinau. Qeeqa kaqi nimira dadaaqirana amiafanafa doo mifa kai doo ani amana mariannoo, qiqa afeeka fannoo kudoosaapee mariasaki amiqi mandee kambiqaidanoo.

2 Koorinti 3:18

Doo maasa aiqamausa doorisaa qamunna rafaqaa irausara foora maridaqa karaambaiqa kaaqa qareenarafa innisaimbaqa doorisaara foora kaaqa qameeqeenoo aiqamai daroo daraa idanoo. Innisaimbaqa miqimammaree fidaqa Anutuna maraquna fannoo innisaimbaqa karaambaiqa fooqaanaikamma qimaqanoo fidanoo fimarifanoo innisaimbaqa areenarafa firaanaikinoo fidanoo. Karaambaiqa Anutuna maraquna saika maridanoo.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

2 Timooti 4:22

Karaambaiqa maraquna fannoo ani faqa mariani Anutuna afaarirafa inni aiqamausa faqa mariani.

1 Yoohanee 2:5

Anutuna ufara eedoo qimasee mi mau finafa kuqaa Anutunara rimarifa mifa anoonaikinoo mariannoo. Maasa maaqi qimaseeqa maridaqa kuqaa Anutunaki maridee qianaura.

1 Yoohanee 3:1

Innee qafaaqa maasa qikoofa Anutufa firaaqoo maasara amuqusifanoo rimarifa maridanoo. Maasara firaaqoo amuqusifanoo maasara narí faiqi namu fee qidanoo. Maa maqa maaqanasaaqaraasa Anutunara sia irunnanara mina faiqi namu maasara faqa sia iridaqa.

1 Yoohanee 5:3

Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.

2 Yoohanee 1:6

Mi nimuqusirana qinee qunandee mina oosana maaqimminoo maridanoo. Maasa aiqamausa Anutuna naakapara iriramau fuaqee qinau. Mi naakaparufafa ooqai oosanaindari irimariafa maaqi qidanoo, innee aiqamausa naríara naríara uriqarara ainainee qimasee nimuqusiranaki mariaqa.

Uqafiqoo Ufafa 2:17

Anutuna maraquna fannoo aiqama maqusa amaana maqaki keeqee mariasa qimannimidanoo naaqoo faqaasa iriaqa. Ooqai Isaraee maqannaasa aadana maqa maaqakinai nimarufaqa kananaana kananaana innaarunaindaraa feemu nimiaafanausa maridaqa. Maa maqee mariaqoo mandainaina faqa rakiraridaqa mina uriaaqararausa qinee kukeeqara feemu innaarunai misa nimianaura. Eekara oonisaa nári fuka nuqu akara rirana moodaa kai moodaa kai nimianaura. Mi fuka auquna sia moo fannoo misa oosana iriannoo narí kai mina oosana iriannoo. Doo mi ufana Yisufa Peerakamumma amaana maqasaa Paatoonara Yoohaneena qimaminau.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.

Uqafiqoo Ufafa 3:20

Iriaqa qinee Yisusa faiqí nimuqusa kooqi afaisaa kikiqammambiqa kooqi atuaannee qimasee kukusidaqa. Faiqí moo fannoo qinee kukusiannana irinoo narí kooqi atuqainaqa qinee mina amuqusa ooki keeqafiqa mina faqa naanaura mifa qini faqa naannoo.