Yoohanee 14:2 - Anutuna Ufa

² Qini qikoona innaaruna maqusaki moomoo maqa narí aaqa narí aaqa maridanoo. Qinee maindari ooruree innee ooru fifandinna maqana auqirara ooru fidaqa. Minara qinee kuqaa anoona ufa kai inni qimannimidaqa. Sia anoona marinaqau sia qimannimunaiqini. Kuqaa anoona marifaqa qimannimidaqa.

Yoohanee 14:2 Iomraidhean Croise

Ruka 14:22

Doo ani ufamau fiqa nifiqamaree mini quqasaunanoo narana moomoo maridanoo faiqí anaasee sia amanaikidammia qufanoo qoomaqa akoofa qinau.

Yoohanee 13:33

Qini faiqi namu sia kisaaqasaa inniki marianaura. Yuda maqannaa qimannimiafannandee kai inni qimannimidaqa. Innee qiniara randee sia paqurifaranoo. Qinee fuannaqoo sia innee amana fifaranaoo.

Yoohanee 13:36

Yisufa miqi qimasoofanoo Simoona moo auqu Peetooroofa irammirinoo qinau, Oo Karaambaiqa anee yai fee finaqee maasa sia ani faqa fuanauree. Yisufa iriseenoo qinau, Qinee maqee fuanannai anee sia amana qini faqa finnaranoo, kasooqaqee anee qini faqa finnaranoo.

Yoohanee 14:28

Qinee maqee maaqooqari kafaa ooru fuanaura oorureeqa marikiqa oorurandee qumureeqa inni faqa marianaura. Sia qinee ooru fuannanara innee minara rufiaaqa. Innee kuqaa qiniara ridau qinee qeeqa qikoofinnai fuannanara susummaqimaqani. Qini qikoofa qini uriqararafa maridanoo minara susummaqimaqani.

Yoohanee 16:4

Maqee maa kamuqoo qinee marunnaqoo maa ainainnausara qimannimimariana irimarifanoo kasooqaqee kambiqainaqa inneeqa naaqoonnai oonumafi iriaqeera qidaqa. Qinee indaaru sia qimannimiqa qinee inni faqa kaqi maridaqara qiqa sia qimannimiafanausa qinee qusasaa firaridaqa qimannimidaqa.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

2 Koorinti 5:1

Maasa maqee maa maqanasaa marunna qifaaqafa uiqaana maaqa miqirafa rapeemambinanoo Anutufa innaarunnai maaqara foora narí moo usakaannoo, naaru marira maqa usakaqisaannoo.

1 Teesaroonika 5:9

Anutufa sia maasa rusandeesamumasee narí aranaqaranaki quqarareefau qinau. Asauku mundirana karaambaiqa Yisunannai asumu marirana maraaqee qimaseenoo maasa rusandeesamumasee maranau.

Titusa 1:2

Mi kuqaa irirafa naaru naaru mariranaki fifandinnanasaa mundinoo mari irirafa maridanoo. Anutufa sia unna qimarifa anoona ufa qimarifa naaru marirana maasa qimiraree qinau. Ooqai maa maqa maaqafa sia maru kamuqoo mi kamuqoo kasooqaqee maasa qimiraree qima afeekaikinau.

Heeburu 11:10

Anutufa amiqira maqusa naaruara marira maaqa tuna rakiqasee auqusee amiraree qufanoo Abarahaamafa uqiqaana maaqaki maridanoo afeesida marinau.

Heeburu 13:14

Maasa kasooqaqee uqanna maa maqanasaa sia maridanoo. Maasa kasooqaqee kambiqaaninna maqusara innaarunaindaraanara rakisidaqa.

Heeburu 6:20

Yisufa miqoo maasasaa roo qimasee maasa doorinni indaaru ooru fufa maridanoo. Mifa miqoo aanaiqikirafa firaa uriqararafa naaru naaru marifa Meerakiseedeekana aanna rarafa maridanoo maasa kaqi dadaaqidanoo.

Heeburu 9:8

Maaqira ainainana kai Anutuna naaquqara maraquna fannoo maasa moo ufa qimaqimidanoo. Minara maaqi qidanoo, kooqi maqa mifa mariannoo. Mee firaaqoo naaquqara oosirannai sia miqoo faiqí fimariaqoo sia miqoo aana maridanoo fee qidanoo.

Uqafiqoo Ufafa 1:5

Yisufa asauku mundirafa andeeqasee kooroo imarifa Anutuna ooqa faiqi kuqiranakiqari findifufa maa maqa maaqanakinaasa karaambaiqauqa uriqararafa marifa mifa faqa narí afaarirana faqa asooarana faqa inni nimidanoo. Mifa maasara amuqusammidanoo. Mifa narí kuqiranannai maasa mandainainakinaana idukunniseenoo maasa qumareeqeenoo narí akoona Anutuna aanaiqikirausa mariaqee qimaseenoo quqaqisaifaqa maridaqa. Anutuna asauku mundirana Yisuna afaaqa areenarana faqa afeeka faqa firaaqoo minaindi marianifeera.

Uqafiqoo Ufafa 21:2

Qinee qafaafananoo Anutufa qufanoo fuka naaquqara maqusa fuka Yeerusaree innaarunaindari qumureenoo ooqeenaa Yeerusaree amaaqa maqafufaqa qafaqiafana. Fuka anaasee amundaranara foora afaaqa auqirafa fuka maqasaa quminau.

Uqafiqoo Ufafa 3:12

Maa maqanasaa mandainaina qambaanai uriqararana qinee mina qumareeqee qeeqa qikoona amaana maqaki quqasaananoo mifa faakanaikinoo mariannoo. Qinee mina afaaqasaa qeeqa qikoona Anutuna auqu quqaanaura, qeeqa Anutuna firaa maqusa fuka Yeerusaree auqu faqa mina afaaqai quqaanaura. Mi maqusafa innaarunaindari qini Anutufinnainadari kasooqaqee qumuannoo. Qinee qeeqa fuka duqu faqa mi fasiqana afaaqai quqaanaura.

Uqafiqoo Ufafa 3:21

Qinee maa maqanasaa mandainainakiqari uriqararausa maridaqa qeeqa qikoosandiri narí rakisira qaarisaa ooqufaaqee idaqa. Maa maqanasaa mandainainakiqari rakirara foora uriqarainafa mifa miqi kai inoo qinee rakisira qaarisaa innaaruna ququsaki qini faqa ooqufaaqee mariannoo.