Yoohanee 14:15 - Anutuna Ufa

¹⁵ Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 14:15 Iomraidhean Croise

Mataioo 10:37

Yafa yafee mina anoona akoonara firaaqoo aididanoo fee qiniara ooreeqara fee qidanoo fee, mifa sia qini qimanasaa, sia amana qini faqa fifaranoo. Yafa yafee mina amaaku faqa araamuna faqa firaaqoo aididanoo fee qiniara ooreeqara fee, mifa faqa sia qini qimanasaa sia amana qini faqa fifaranoo.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

1 Koorinti 16:22

Karaambaiqara sia amuqusimarinafa aqurarara ufa minasaa mariannoo. Nári ufakiqari maranata, maasa ufakiqari maasa karaambaiqa qumuannee qidaqa.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Eefeesusa 6:24

Innee aiqamausa maasa karaambaiqa asauku mundirana Yisunara sia taikee maria rirana rimariasa, Anutuna afaarirafa inni faqa mariani.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.

2 Yoohanee 1:6

Mi nimuqusirana qinee qunandee mina oosana maaqimminoo maridanoo. Maasa aiqamausa Anutuna naakapara iriramau fuaqee qinau. Mi naakaparufafa ooqai oosanaindari irimariafa maaqi qidanoo, innee aiqamausa naríara naríara uriqarara ainainee qimasee nimuqusiranaki mariaqa.