Yoohanee 14:10 - Anutuna Ufa

¹⁰ Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Yoohanee 14:10 Iomraidhean Croise

Yoohanee 10:30

Qini qikoofa faqa qinee faqa moodaa marunnanara sia amana rafieefaranoo.

Yoohanee 10:38

Innee qeeqaraa ufa qunnanara unna fee qimasaida qinee faiqí sia auqaaqaa ira ainainna auqaanaqa qafamasee qiniara kuqaa anoona fee qimasee kuqaa mina akoofa minaki marinara miqidanoo fee qiaqaana kaifaa mifa faqa nariki marinara miqidanoo fee qiaqaana.

Yoohanee 11:26

Yafasiqa anaasee fee kaqi maridanoo qini saqarikinoo naaru sia kuquannoo kaqi marirana marirafa qiniki marinara naaru naaru sia kuquannoo. Marata anee minara kuqaa fee qidanee.

Yoohanee 12:49

Qinee sia qeeqa iriranannai ufa qimannimidaqa qini diqiqamaqoona qini qikoona uqaqifiqoo ainaina kai qimannimidaqa uqannifiqaidaqa.

Yoohanee 14:11

Innee maa ufana irisee anoonee qiaqa. Qinee qeeqa qikoonaki maridaqa mifa qiniki faqa maridanoo. Innee qini ufara sia fee qimasee qinee auqaannainaina faiqí sia auqaaqaa ira ainaina nifunnoo qafamasee Anutufa mina faqa maridanoo fee qiaqa.

Yoohanee 14:20

Qinee qeeqa qikoonaki maridaqa kafaa innee qiniki mariafanoo qinee inniki maridaqa. Anutuna maraquna qumuaninna faasaana mi faasaanna mi ufana oosana amiqimandee irifaranoo.

Yoohanee 14:24

Yafasiqa aanaaseesee sia qiniara rinausa misa qini ufa sia irifara. Qinee qimannimira ufa innee irimariafanoo, sia qinindi maridanoo, qini qikoofa qini diqiqamaqainaindi minaindi maridanoo.

Yoohanee 17:8

Anee qimunna ufana qimannimunaqa irisee doo mareea. Qinee anikiqari qumuafannanara faqa misa kuqaa fee qidaqa. Anee qini diqiqoonnanara faqa anoonee qidaqa.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 5:17

Yisufa mina iriseenoo rakisirausa maaqi qimasee qimanniminau. Qini qikoofa sia moo faasaana minnisaidanoo aiqama faasaana ainainidanoo. Qinee faqa miqikaimmianauranoo.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 7:16

Yisufa minara iriseenoo aiqamausa qimanniminoo qinau. Qinee qimannimira ufa sia qeeqaindi maridanoo qini diqiqoofa Anutufa mina ufa qimannimidaqa.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Yoohanee 8:38

Qini qikoofa qini uqaqifiqoona kai inni qimannimidaqa. Innee mina minniseeqa inneeqa nikoona moo Sadannana ufa irimariafanoo.

Yoohanee 8:40

Qinee qeeqa qikoonasaaqaraa ufa kai inni qimannimimarunaqa innee quandafiqa qini darirara qimariafanoo Abarahaamafa sia mi oosanna maranau.

2 Koorinti 5:19

Maasa qimannimira ufa maaqimminoo maridanoo Anutufa narí asauku mundiranannai aiqama maa maqa maaqana afaaqasasa mariasa oonu mareeqee narí aqoondikiranaki quqanau. Anutufa faiqí anaasee aaqarana sia qafaida sia irida mara quqannimiqaidanoo. Mifa narí moodaanaki kira ufa maasasaa quqaseenoo innee faiqí anaasee mareeqee qini faqa moodaanakikirana inni nimida fee qinoo.

Kooroosee 1:19

Anutufa narí kai narí amaakuara asasamaseenoo qini daanna ramafi urinaaqaramafi mariannee qufanoo maridanoo.

Kooroosee 2:9

Sia asauku mundirafa fifau afaannafau maridanoofau. Anutuna aiqama afeeka marira irirafa muduka tia uqanna Yisunaki maqasaa qumu marinau.

1 Yoohanee 5:7

Anutuna maraquna fannoo kuqaa anoona ufa imarufa maridanoo mina koorooinau.