Yoohanee 14:1 - Anutuna Ufa

¹ Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

Yoohanee 14:1 Iomraidhean Croise

Idi Ufa 43:5

Nanaree qinee kaaqa doori runusee maridee. Qinee Yaaweenasaa kai irirana mundusee kaifaa mina amooqianaura. Mifa qini asumu maree marifa faqa qini Anutufa faqa marinara mina amooqianaura.

Idi Ufa 77:10

Qinee mina iriseeqa maaqi qimiriqa. Maa ainainafa qini daundura ummaara qimidanoo, Yaaweena afeeka doo taikanoo mariifoo qidaqa.

Yoohanee 11:33

Yisufa Mariana ikiraqarana qafoofanoo amuqusufanoo Yeerusaree maqannaasa faqa ikiraqoona qafoofanoo amuqusinoo mina aunduraki mandaikinau.

Yoohanee 12:27

Yisufa Yeerusareenni oorufidanoo narí aaqa marusa qimanniminau. Maqee qini daundura fifau faafau inoo marifaqa nana ufee qianauree. Qinee naqimasee qeeqa qikoonara qiana qini kuqiranara qaoo qiannoo fee. Qinee firaa aupurarana marasee maa marunandee fuka kuquanauree qimasee qumuafanausa maridaqa doo qusasaa maridaqa naqimasee qaoo qiraree sia qaoo qianaura.

Yoohanee 12:44

Yisufa kafaa moo kari faiqí anaasee qimanniminoo qinau. Yafasiqa anaasee qini saqarikidanoo fee. Mifa sia qini kai, qini diqiqamaqoona mina faqa saqarikidanoo.

Yoohanee 13:19

Qinee maqeesaa qimannimidaqa sia kambiqai kamuqoo qimannimidaqa. Kambiqainaqa innee qiniara irifaranoo. Qinee qeeqaraa ufa qunausa doo misaki maridaqa.

Yoohanee 16:24

Maa maria kamu sia moo ainainara qiniara aqoondi fee qimasee Anutufinnai innaaru qimariananoo. Irammiriaqa. Irammirifanoo nimiani. Innee asasirafa anoonaikianifeera Anutufa nimiannoo.

Yoohanee 16:3

Misa qini qikoona Anutunara faqa qiniara faqa sia iridaqa miqifaranoo.

Yoohanee 16:6

Doo qinee firara inni qimannimunaqa inni naundura qumaara raifaqa noori runusee mariafanoo.

Yoohanee 5:23

Aiqamausa qini qikoona Anutunara naaquqaanifeera miqinau. Qiniara naaquqaindee kai iqa qini qikoonara naaquqaanifeera miqinau. Faiqí moo fannoo moona amaaku sia mina aqoondikinafa mina akoona faqa miqikai inana miqanda qisakoosa sia niqoondikinnaranoo.

Yoohanee 6:40

Qini qikoofa maanara ridanoo. Mina amaaku qiqafee mariasa minasaa irirana rusimariasa mi kamuqoo kai naaru marirana mareefaranoo. Taikara faasaana qinee misa uqeereeqee naaru mariranaki quqannisaanaura.

Eefeesusa 1:15

Qinee Pauroosa minara iriseeqa innee Eefeesusa maqannaasa Karaambaiqa Yisuna saqarikiranara irisee faiqí aanaaseera Anutuna ufa irimariasara ridaqa dadaaqidaqa minara iriseeqa iriafannaqooqari qinee Pauroosa inniara Anutufinnai dufi dufi qidaqa. Qinee maqee maqee inniara innaaru qidaqa, maasa karaambaiqa asauku mundirana Yisuna kaaqa areenarana akoofa

2 Teesaroonika 2:2

Karaambaiqa qumira faasaanara doo aiqaqanau maqi qifaqa unna ufa qiaafoo qimasee sia dauni munuqi miniqira ufa irisee naundura dapikinaqa ninunuruaqa. Yafee moo fannoo mi ufana qimanniminoo fee, faiqí moo fannoo aaqara ufa tamummaqasee qimanniminoo fee, amaana ufa qimannimimari fasiqafa unna qimasee qimanniminoo fee, faiqí moo fannoo unna qimasee maasara pasaki akara rumasee qimaqimi ifoo qinoo fee.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.