Yoohanee 13:34 - Anutuna Ufa

³⁴ Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

Yoohanee 13:34 Iomraidhean Croise

Idi Ufa 119:63

Qinee ani ainaini mariasa faqa ani sanda ufamau fimariasa niqoondi maridaqa.

Idi Ufa 16:3

Faiqí anaasee Yaaweenaki mapukusee mariasa kaaqa andeeqarausa maridaqa. Qini firaa irirafa misa faqa marirara dididanoo.

Mataioo 5:44

Inneeqa namuqaara faqa nimuqusaki nidiani. Innee qini ufa irinausa mina saara narifaqa misara faqa quandafi innaaru qiaqa. Anutufa misa amiqi amiqianifeera innaaru qimannisaaqa.

Yoohanee 15:17

Doo qeeqa aaquqira ufa maaqi qimasee qimannimidaqa. Innee nariara nariara ridaqa nidiaqa.

Yoohanee 17:21

Anee faqa qinee faqa moodaanaki marunandee misa faqa maaqanda faqa moodaanaki mariaqeera innaaru qidaqa.

Roomma 12:10

Innee aiqama asauku mundirana mandaaqaqa mariasa minara irisee nariara nariara qikaqaafasaa fee qimasee nariara nariara nifaaqasaa aqoondiara foora nariara nariara andeeqasee ridaqa asasiaqa. Inneeqa niqoonnanara maasa uriqararanee qimasee maqee maqee mina auqu kooroo qia.

Roomma 13:10

Faiqí anaasee moo fannoo aqoonna fasiqa anaaseera amuqusi marinafa naqimaseenoo moona mandaikammamaqaannoo fee, sia miqiannoo. Minara qinee qiqa, aqoonnanara amuqusi marifa aiqama Mooseena sandufamau fimarifa maridanoo.

Roomma 13:8

Sia moona ummaara ameemaanai keeqana maria aufadaranaki kai maria. Moodaa ummaara ameemaanaki kai keeqaqa mariaqa. Nariara nariara nidimarinaqa mi moodaa ummaaranaki kai keeqaqa mariaqa. Faiqí anaasee moo fannoo narí aqoonna fasiqanaaseera amuqusinanoo Mooseena sandufa doo qumareenoo mi sandufana anoona paqurinoo kooroo idanoo.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Karatia 6:2

Innee narí ummaara narí ummaara dadaaqiaqa, miqiqa innee asauku mundirana sandufamau kaaqa andeeqasee fimariafanoo.

Kooroosee 1:4

Maaqanda innee Kooroosee maqanaa akaqausa Anutuna asauku mundiranasaa atooqaqa marianara iriseeqa innee Anutuna ufa irimaria fasiqa anaaseesa aiqamausara nidimarifaqa dadaaqi marianara minara faqa iriseeqa Anutuna dufi dufi qimamaqaidaqa.

1 Teesaroonika 3:12

Karaambaiqa fannoo innee nariara nariara rirana firaanaikamma nimaqaani, inni aiqamausara nidirafa faqa maqee maqee firaanaikiani. Maasa inniara didirafa maqee maqee firaafaikidanoo. Innindi faqa miqi kai inoo maqee maqee firaafaikiani.

2 Teesaroonika 1:3

Oo qini qikaqaafasaauqa maasa inniara maqee maqee Anutufinai dufi dufi qimamaqaidaqa. Innee Yisuna saqarikirafa firaaqoo kambiqainara iriseeqa sia minara dufi dufi qiana aaqaannoo. Inniara Anutufinnai dufi dufi qimarunafa andeeqaidanoo.

Heeburu 13:1

Innee asauku mundiranaki marianara nariara nariara moodaa fasiqa anaasee faiqiara foora uriqarara ainainee qimasee sia fifau noonnoo kai nimuqusi marinaqa nariara nariara ruaqa asaukunnoo auqaidana nariara nariara ruaqa. Miqi kai ida sia taikaaqa.

Yameesa 2:8

Anutuna ququsakinaa ufa maaqi qimasee akara rinoo maridanoo, inneeqa niqoonausara inniqa nifaaqara foora nidianinani. Innee mi ufanamau fidaqa andeeqasee fifaranoo. Innee faiqí nifaaqa qamunna qafamasee rainee mariana mandoosana mareemariafanoo miqimarianara Anutuna sandufa fannoo inni rafaaqafidanoo.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

2 Peetooroo 1:7

Kafaa miqooqari nári nikaqaafasaara foora nariara nariara aidirana mina faqa afeekaikamasee ootupaaqa. Kafaa miqooqari nariara nariara nimuqusirana mina faqa afeekaikamasee ootupaaqa.

1 Yoohanee 3:11

Ooqai indaaru maa ufana innee irimarusa mariafanoo mi ufana oosana maaqimminoo maridanoo maasa nariara nariara uriqarara ainainee qimasee nimuqusiani.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 4:21

Doo minara qinee qidaqa. Asauku mundirafa maa naakaparufana maasa qimaqimiqoona inni qimannimidaqa. Ya fasiqa anaasee fee Anutunara uriqarara ainainee qimasee rinafa mifa quandakinoo narí akaqaafasaara uriqarara ainainee qimasee faqa ruannoo.

2 Yoohanee 1:5

Minara qinee ani afeekaikamasee qimamidaqa maasa aiqamausa Yisuna ufa irisee naríara naríara uriqarara ainainee qimasee nimuqusiramau kai fuaqa. Doo mi ufana ani qimamidaqa sia fuka aakaparufau, ooqai oosanai irimarunnufana ani qimamidaqa.