Yoohanee 13:32 - Anutuna Ufa

³² Anutuna afeeka eeraarirafa qinisaa kooroo inoo maridanoo, Anutufa narí uqanna quandaki qini qifaaqa firaaqoo areenaannoo, qusasaa maqee uqanna miqiannoo.

Yoohanee 13:32 Iomraidhean Croise

Yoohanee 12:23

Yisufa misara iriseenoo qimanniminoo qinau. Anutufa faiqí nimaaku qini duqu firaaqoo uqeerara aukuana doo animaridanoo. Sia maa maqee imariasa imariandeefau maseenoofau qini duqu uqeeraannoofau. Qini firaa aupurara kuqiranannai qini duqu uqeerainanoo areenaannoo.

Yoohanee 17:1

Yisufa mi ufausa narí faiqi namu qimanniminau. Qimannimiseenoo oori innaarunai uqeeraseenoo narí akoona Anutuna innaaruqinoo qinau. Oo qipoo doo qini kuqira aukuana adeedi ranoo maridanoo. Anee aneenna amaaku qini qifaaqa areenarana qimia. Qinee kafaa quandaki kaifaa aninna amianeera qimia.

1 Peetooroo 3:22

Yisufa kuqiranakiqari findifinoo innaarunai oorufinoo Anutuna aaqa mina asauku uqannai ooqu marifufanoo Anutufa aiqama innaarunai narí qangiroouqa faqa Sadannana afaanauqa faqa misa oosana oosana afeekauqa faqa mareeqeenoo Yisuna aramandunnai quqaqoofanoo maridanoo.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.

Uqafiqoo Ufafa 22:13

Qinee oosana aroonakiqari marunausa maridaqa. Qinee taikaaninna aukuanna faqaasa maridaqa.

Uqafiqoo Ufafa 22:3

Moo ainainara Anutufa aqurarainna ainaina sia mi fuka maqusanaki mariannoo, doo taikafuannoo. Anutuna qaari faqa sipsipa aanaaqi qaari faqa mi fuka maqusanaki maridanoo mina aiku asauku mi maqusanaki mariasa mina amooqifaranoo.

Uqafiqoo Ufafa 3:21

Qinee maa maqanasaa mandainainakiqari uriqararausa maridaqa qeeqa qikoosandiri narí rakisira qaarisaa ooqufaaqee idaqa. Maa maqanasaa mandainainakiqari rakirara foora uriqarainafa mifa miqi kai inoo qinee rakisira qaarisaa innaaruna ququsaki qini faqa ooqufaaqee mariannoo.