Yoohanee 13:31 - Anutuna Ufa

³¹ Yudasifa fufanoo Yisufa kaifaa narí faiqi namu qimanniminoo qinau. Doo maqee faiqí nimaaku qini amiqi amiqira afeeka eeraarirafa doo kooroo inoo maridanoo.

Yoohanee 13:31 Iomraidhean Croise

Mataioo 8:20

Miqi qufanoo Yisufa narí maaqi qimasee qimaminau. Anee qiniara amiqira maaqaki faiqee mari fee qidanee qini faqa firaree qidanee. Kaasau fainiuqa oonaamarai faiqee mariasa maridaqa ufiniuqa aanaamuki faiqeemariasa maridaqa. Qinee faiqí nimaaku yai fee qeeqa qikiaqa rumasee fee faiqaanauree sia faiqara qoo marisa maridaqa. Doo qini faqa finnaree.

Ruka 12:50

Qinee kuqira manda nammariara foora marasee naanaura, mina afeesara marunanoo qifaaqa rumbanoo maridanoo.

Yoohanee 11:4

Yisufa mi ufana iriseenoo narí faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa narí amaaku qini duqu uqeeraanifeera mi aurirana maraidanoo.

Yoohanee 12:23

Yisufa misara iriseenoo qimanniminoo qinau. Anutufa faiqí nimaaku qini duqu firaaqoo uqeerara aukuana doo animaridanoo. Sia maa maqee imariasa imariandeefau maseenoofau qini duqu uqeeraannoofau. Qini firaa aupurara kuqiranannai qini duqu uqeerainanoo areenaannoo.

Yoohanee 12:28

Miqi qimasee narí aaqa marusa qimannimiseenoo Yisufa quandafinoo narí akoonara Anutunara innaaru qinoo qinau. Oo qipoo, aneenna auqu amooqirana uqeeraa. Miqi qimasoofanoo Anutuna ufa inaarunaindari quminoo qinau. Doo qinee qeeqa duqu amooqirana uqeereeqa doo kafaa uqeeraanauree qinau.

Yoohanee 14:13

Innee innaaru qidaqa qini duqusaa qimasee innaaru qifaqa nimianaura. Sia moo ainaina sia nimianaura innaaru qifaqa nimianaura. Qini qikoona afaaqa areenarafa qinisaaqari faqa areenaanifeera nimianauura.

Yoohanee 16:14

Mifa qini irira ufa mareeqee inni niminaqa minannai qini Yisuna asasirana qimimarifaranoo.

Yoohanee 7:39

Yisufa nammariara quna Anutuna maraqunara nammari kikiqa usinau. Kasooqaqee Yisunara kuqaa Anutuna faiqi fee qifandinausa misa mi maraqunna mareefaranoo. Mi aukuanna Yisufa kaqi maru aukuanna sia maraquna nimirafa marinau. Yisufa kuqiranakiqari findifinanoo afaaqa areenainanoo miqoo narí afeeka maraquna nimiannoo fee qinau.

2 Koorinti 3:18

Doo maasa aiqamausa doorisaa qamunna rafaqaa irausara foora maridaqa karaambaiqa kaaqa qareenarafa innisaimbaqa doorisaara foora kaaqa qameeqeenoo aiqamai daroo daraa idanoo. Innisaimbaqa miqimammaree fidaqa Anutuna maraquna fannoo innisaimbaqa karaambaiqa fooqaanaikamma qimaqanoo fidanoo fimarifanoo innisaimbaqa areenarafa firaanaikinoo fidanoo. Karaambaiqa Anutuna maraquna saika maridanoo.

Eefeesusa 1:12

Maasa asauku mundirana irirana naaree indaaru irisee minara afeesimariasa maasa Anutuna kaaqa areenaranara dufi dufi qidaqa.

Eefeesusa 2:7

Sia Anutufa fifau miqinau, narí firaa afaarirana faqa, maasa asauku mundirana Yisunaki keeqarana qafamaseenoo narí firaa aidirana amuqusirana faqa naaru kambiqainausa uqannifiqarara miqinau.

Eefeesusa 3:10

Maqee aukuana kooroo ianifeera qimasee Yisuna ufara suqimariasa misannai Anutufa narí irirana quandaqaandidanoo uqannifiqaifaqa qafaidaqa mina amiqi amiqiranara innaarunai ameemaanai mariasa misa uriqararausa faqa rakisirausa faqa maqee uqannifiqaanifeera Yisuna kooroo idanoo.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.

1 Peetooroo 2:12

Innee aamina maqannaaki nidaqa maridaqa inneeqa nirana marirana amiqimasee nifaqa misa inniara mandoosana mareemariasee qimasee inni nindafeeqa oo amiqimasee mariasa qimasee misa faqa quandafi Anutuna amooqiqa Yisufa innaarunaindari qumurainaqa amooqifaranoo.

1 Peetooroo 4:11

Amaana ufa qimannimimari fasiqafa Anutuna ufa kai qimannimiani. Faiqí dadaaqimariasa Anutufa nimimari afeekanannai afeekaikamasee niqoonausa dadaaqiaqa. Miqinanoo aiqama ainainiranaki asauku mundirana Yisunannai Anutuna amooqira ainaina kambiqafuannoo aiqama areenarafa faqa afeeka faqa naaru naaru marianinafa minaindi Yisunaindi kai maridanoo. Kuqaa.