Yoohanee 13:20 - Anutuna Ufa

²⁰ Qinee anoona ufa kuqaa qimannimidaqa. Faiqí anaasee moo fannoo qinee inni niqiqamaqaanausa niqoondikinafa qini faqa qiqoondikidanoo. Faiqí anaasee moo fannoo qini qiqoondikamma qimaqainafa qini diqiqamaqoona faqa kai aqoondikidanoo.

Yoohanee 13:20 Iomraidhean Croise

Mataioo 25:40

Qinee misa ufa iriseeqa quandafiqa kooroo qimannimianaura, maa qini qikaqaafasauqa misaki ureeqarausa innee misa amiqimmannimaqaidaqa qini faqa amiqimmaqimaqee marusa mariafanoo minara amiqira ququsaki keeqaaqeera qimannimidaqa.

Mareekoo 9:37

Faiqí anaasee moo fannoo maaqira kaqikaa faiqi qini ufara irisee oonu asasamasee aqoondikinafa sia irirainni qini Yisusa faqa qiqoondikidanoo. Yafee moo fannoo qini oonu qifiqainafa sia qini kai qifiqaannoo qini diqiqoona faqa oonu afiqaidanoo.

Ruka 10:16

Yisufa quandafi narí faiqi namu qimanniminoo qinau. Ya fasiqa anaasee fee inni ufa irianinafa qini ufa uqanna iriannoo. Ya fasiqa anaasee fee inni ufa rukiainafa qini futeeqaannoo, ya fasiqa anaasee fee qini ufa sia irinafa qini diqiqaina Anutuna futeeqaannoo.

Karatia 4:14

Qinee auruafanaqa qiqafee sia qiniara nikooqoofaqa qini mandaikamaqisasee minniqisaqau. Qini aurirafa firaaqoo inni narufaqa minniqisaaneerusia sia minniqisaqau. Idaaqa kai maqisee marufaqa mariqiafana. Innee qiniara Anutuna qangiroora foora mari ifoo qimasee qini qumaraqau. Innee asauku mundirana Yisuna qumaroondeemmiqa qini qumarasee amiqi amiqimmaqisaqau.

Kooroosee 2:6

Inni Kooroosee maqannaasa akaqausa Anutuna asauku mundirana Yisunara maasa karaambaiqee qimasee umaraafanoo doo innee maqee minasaa mundiqa maridaqa nuaqa.

1 Teesaroonika 4:8

Faiqí fee anaasee fee moo fannoo maa qinee qunnufana minnisainafa sia faiqí ufafau minniseefara Anutufa narí naaquqara andeeqara maraquna niminna ufana rukieefaranoo. Innee Teesaroonika maqannaasa Yisuna ufa irimariasa nariara nariara nidiranara innee irimariafaqa fifau qimannimidaqa. Anutufa narí kai narí aidi narí aidiranara qimannimifaqa irimariafanoo.