Yoohanee 13:18 - Anutuna Ufa

¹⁸ Yisufa kaifaa narí faiqi namu maaqi qimasee qimanniminau. Anutuna tamummaqara fasiqauqa ooqeenaa akara oosana maaqimminoo maridanoo. Innikiqari moodaa fannoo qini narana qini faqa neemarifa mifa qini namuqaakinoo aranaiqi daruannoo. Maa akarana oosana inniki kambiqaannoo, sia inni aiqamara qidaqa. Qinee oonu mareeqee qeeqaindika maqaunausa mariafanoo moodaa fannoo kai.

Yoohanee 13:18 Iomraidhean Croise

Idi Ufa 41:9

Qini qifaaqasaa qiqoondi, qinee minasaa mundimarunna fasiqafa, qini faqa neeneeu fasiqafa, mifa narí aiku qumbaqi uqeera qumaree aiku ataannai qini darinoo.

Mataioo 10:36

Narí faqa moodaa maqaki mariasa narí mi fasiqana firaa namuqaa marifaranoo.

Mataioo 26:21

Misa neemarufanoo Yisufa maaqi qimasee qimanniminau. Qinee anoona ufa inni qimannimidaqa innikiqari faiqí moo fannoo qini ueeqaaninafa maridanoo.

Mataioo 26:23

Yisufa iriseenoo kaifaa nariqa qimanniminau. Innikiqari moo fannoo maa difaaninakina asauku aqusee mara neemarifa qini ueeqaannoo.

Mareekoo 14:17

Mi eenoonnai Yisufa narí faiqi namu faqa qisaukuqara taikasee qikunni ooqu qaara marasee faiqi namu faqa ooru keeqafi nee mariqau. Nee marufanoo Yisufa maaqi qimasee narí faiqi namu qimanniminau, Qinee maa ainainnara qimannimianauranoo, innikiqari moo fannoo qiniara ueeqaaninafa qini faqa naidanoo.

Mareekoo 14:20

Yisufa misa irarufa iriseenoo qinau, Innikiqari qisauku taikasee qikunni ooqu qaara mararausakiqari maa qini difaanikinaana asauku aqusee feemu marasee nee marifa mifa kai qiniara ueeqaannoo.

Ruka 22:21

Yisufa kafaa qimanniminoo qinau innee doo qafaaqa maa qaindana fiqu fiqu iranaki inniki qiniara ueeqee marifa maridanoo.

Yoohanee 13:21

Yisufa minara qimanniminsoofanoo narí aunduraki oonumafi irufanoo amuqusufanoo kafaa kooroomasee qimanniminau. Qinee anoona ufa qimannimidaqa innikiqari moo fannoo qiniara ueeqaannoo.

Yoohanee 13:22

Yisuna faiqi namu mi ufana iriseeqa tautumakufaqa narí qafee narí qafee idaqa randaqau.

Yoohanee 13:26

Yisufa qinau, qinee feemu rakeemandeeqa sauna anoona fooqaanaki raaraamandee amianana qafa. Mifa kai qini ueeqaannoo. Miqi qimasee Yisufa feemu rakeemaseenoo sauna anoona fooqaanaki raaraameeqeenoo Yudasifa Keerioota maqannaa Simoona amarana amaaku aminau.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Yoohanee 15:19

Innee qini faiqi namu maa maqa maaqanasaaqaraasa faqa moodaa irirana faqaasa marifaqau misa inniara maasaindi fee qimaseefau inniara rini. Qinee inni maa maqa maaqanakinaasa rusandeesamumasee qumaraqaunausa mariafaqa maqee sia misaindi marianara minara kaukaata qimannimaqaidaqa.

Yoohanee 15:25

Mooseena sandufa ooqai misara akara rumaqoofa maridanoo. Mifa maaqi qimasee akara rinau. Misa kaqi fifau miqidaqa qiniara fidiaqaaida marifara. Anutuna ufa miqinoo maridanoo naqimasee moosaa fifaree. Minara misa qiniara fidiaqaaidaqa.

Yoohanee 17:12

Ani auqu afeeka eeraarirana qimiannana minannai maa kamuqoo misa faqa maridaqa amiqimandee qeeqa faiqi namu rakisidaqa marunaqa maridaqa. Qinee misa ititannimaqeeqa, sia moo fannoo dapikiaqeera. Maaniki fimari fasiqafa Yudasifa mifa kai dapikinoo maridanoo. Sia kaqi dapikinoo, ani ooqeenaa akara anoona kooroo ianifeera dapikinoo.

Yoohanee 18:32

Indaaru Yisufa narí kuqiranara narí faiqi namu qimannimuna mina anoona maqee kambiqeenoo.

Yoohanee 19:36

Maa ainainnausa Yisuna arunara ooqeenaa akara anoonaikianifeera kambiqanau. Mi ooqeenaa akarafa maaqi qimaqoofa maridanoo. Sia mina amudaani moo fannoo raqaannoo. Sia uqanna moodaa raqaannoo. Miqi qimaqoo ufafa anoonaikufaqa sia mina aiku raqaqau.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Yoohanee 6:70

Yisufa iriseenoo kafaa qimanniminoo qinau qinee qeeqa kai qisaukuqara taikasee qikuqara marasee fasiqa naarauna qini faqa nimariafanoo. Moo fannoo inniki afaanna maridanoo.

2 Koorinti 4:5

Maasa namu sia qeeqara qidaqa faiqí anaasee qimannimidaqa, maasa asauku mundirana karaambaiqa Yisuna minara kai kooroomannimidaqa. Maasa namu Yisuna auqu uqeeraidaqa Yisunara inni qimannimidaqa inniki rumbara fasiqara foora ainaina mannisaidaqa.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.