Yoohanee 12:5 - Anutuna Ufa

⁵ Maa fadameenna firaa feefauru mareemaria fadameenafa. Nanaree fifau adieenee. Saina marinana qumiasana faqaana amiseenana moomoo munnimma 300 maraaqaana. Maraseenana kudi fasiqa anaaseeuqa kaqi nimiaqaana. (Mi aukuanna Yuda maqannaasa Mooseena ufa qaindusidaqa kudi fasiqauqa aiqama ainaina dadaaqiqa nimimariqau.)

Yoohanee 12:5 Iomraidhean Croise

Rafudoo Akarafa 5:17

Faraoofa iriseenoo qimanniminau. Innee kudiki mariasa ainainiranara nikooqaifaqa qiniara maasa idukuqisainaqa Yaaweena tatufirana suqamianee qimariafanoo.

Rafudoo Akarafa 5:8

Maraseeqa sia oorudupi masee auquaqa. Aiqama kari auqi mariana amana kai auquaqa. Misa kudiki mariasa maridaqa qiniara maasa idukusainaqa maasa oonuree Yaaweena nári Anutuna tatufirana suqa amianee qidaqa.

Mataioo 18:28

Mi dadaaqira fasiqafa raudamakufanoo maqusai ooqureenoo aqoonna dadaaqira fasiqa qafeenoo anukaki qumareenoo qinau. Qinee munnimma kaqikaana amiafannana kaqi kaqi mara qimia.

Mataioo 20:2

Mi fasiqafa paqurimandeenoo ainainira fasiqauqa faqa ufaasu ainainimarunana akiaqara mi munnimmanara ufa qimariqau. Ufa qiqiseeqa andeeqaseeqa doo narí ainaini marunnai niqiqoofaqa fiqau. Misa moodaa faasaana ainainiuna akiaqara moodaa munnimma deenariasee qimarusa minara andeeqaseeqa ainainai fiqau. Kananaana saarisufa namufaqa ainainai fimariqau.

Ruka 12:33

Innee inneeqa qumiasana moosa nimisee feefauru maraseeqa kudi fasiqa anaasee nimiseeqa, mi andeeqaranannai innee sia afauqaqaaninna munnimmara foora maraseeqa afeediaqa inneeqa aiqama qumiasana innaarunai kai afeediaqa, miqoo sia oorudupiannoo sia ummuara fasiqa fannoo maraannoo sia qooqoosa aukuanno.

Ruka 18:22

Yisufa iriseenoo qimaminau, moodaa ainaina kai anee sia amanaikianano anee aneenna qumiasana moomoo marina makeetamasee munnimma maraseenana kudi fasiqa aanaaseeuqa nimisainanoo ani qumiasana ani afeesara innaarunai mariani, miqimaseenana anee qini faqa ania.

Ruka 6:41

Yisufa kaqi qimannimidanoo qinau, anee nanaree aneenna akaqaafasaa afuki mari saqari araifa marifanee ufa qidanee. Mee ani afuki muduka saqari akatia marinara anee sia iridanee.

Yoohanee 12:4

Yisuna faiqi namukiqari moo fannoo mina auqu Yudasifa Keerioota maqannaafa Yisuna ueeqaaninna fasiqafa marinau. Mi fasiqafa Yudasifa amiqira afudimaru fadameena moomoo qafamaseenoo maaqi qinau.

Yoohanee 12:6

Yudasifa sia kudi fasiqara irimarufa kaqi fifau ufa marunara miqi qinau. Mifa ummuarimarufa marinau Yisuna faiqi namu pausakinaana kaqi ummuarimarufa mifa maridanoo miqi qinau.

Yoohanee 13:29

Yudasifa Yisuna faiqi namu munnimmasaa rakisimarufa marufanoo Yisufa aqiqoofaqa misa narana aina fi fi maraanifeera aqiqee maqi qiqau. Kudi fasiqauqa munnimma nimiannoo fee qiqau.

Yoohanee 6:7

Firipifa mi ufana iriseenoo maaqi qimasee qimaminoo qinau. Faiqí anaasee muduka moomoo mariafaqa moomoo ooni maramaree oonu feemu moomoo feefauru mamaree minisaifanoo sia misa nimana mariannoo. Moodaa moodaakai namasee naarara fifaranoo.