Yoohanee 12:40 - Anutuna Ufa

⁴⁰ Anutufa misa nifu dimbaqaifaqa maridaqa. Mifa misa nitikura ititaquqaifaqa mariaqeera. Misa nifu sia qafaaqeera misa naaqoo sia iriaqeera. Qinee unnannai faqa sia quandafifaqa sia amiqimannisaaqeera.

Yoohanee 12:40 Iomraidhean Croise

Idi Ufa 147:3

Mifa nimuqusa mandaiki marusa amiqimma nisaidanoo. Misa kaakadi narirana rumbannisaidanoo.

Idi Ufa 41:4

Qinee maaqi qidaqa, oo Yaawee qinee ani mandaikamma amaqeeqa. Anee qini qifauamasee qini auriranara foora taikaqisaa.

Idi Ufa 6:2

Oo Yaawee qinee kudoosaapaidaqa anee qiniara qimudaoo qia. Qini afeeka taikee marifaqa kudoosaapaida marunnanara anee afeeka qimia.

Rafudoo Akarafa 10:1

Yaaweefa kafaa Mooseena qimaminoo qinau. Anee kafaa Faraoo finnai fua. Qinee Faraoona faqa mina ainainiranasaa rakisirausa faqa kaukaataqira irirana nimiseeqa qeeqa faiqí sia auqaaqaa ira ainaina misa qambaana auqarara miqianaura.

Rafudoo Akarafa 11:10

Mooseefa faqa Aaroonafa faqa Faraoona oorisaa mi oosana oosanna ainainna auqoofanoo mifa sia irinau. Yaaweefa qufanoo kaukaata qira irirana maraseenoo sia niqiqoofaqa mina maqa maaqakiqari fiqau.

Rafudoo Akarafa 14:17

Qinee Yaaweesa Isipa maqannaasara qianaqa kaaqa firaaqoo kaukaataqira irirana marasee Isaraee maqanna ninaaqianna nifaqee fifaranoo. Qinee Faraoona faqa mina sundiauqa faqa mina qoosa rarisee mari karausa faqa daraiwaauqa faqa rakirana urinnaaqararanannai firaa duqu maraanaura.

Rafudoo Akarafa 14:4

Qinee Yaaweesa kaukaata qira irirana Faraoona amiananoo mifa inni ninaaqiana nifaqee fuannoo. Qinee Faraoona faqa mina rakira fasiqauqa faqa urinnaaqararanannai firaa duqu maraanaura. Miqimmasaanaqa Isipa maqannaasa qini Yaaweesara irifaranoo. Miqi qimasoofaqa Isaraee maqannaasa Yaaweena ufa mau fiqa anirandee fiqau.

Rafudoo Akarafa 14:8

Yaaweefa kaukaataqira irirana Faraoona Isipa maqannaa uriqararana amufanoo Isaraee maqannaasa idukuakiqa fidaqa nasuriqa fimarufanoo Faraoofa nifaqee finau.

Rafudoo Akarafa 4:21

Anutufa Mooseena qimaminoo qinau. Anee Isipa maqa maaqai oonureenana misa karaambaiqa afusaa faiqí sia amana auqaaqaa ira ainaina qinee amiafanna afeekanannoo auqaa. Miqi marinaqa qinee Faraoona kaukaata qira irirana amiananoo sia eedoo qinaqa Isaraee maqannaasa fifaranoo.

Rafudoo Akarafa 7:13

Faraoofa mina qafamaseenoo Yaaweefa qundee inoo kaukaata qira irirafa kaqi minaki marufanoo sia Mooseesa Aaroonasa ufa irinau.

Rafudoo Akarafa 7:3

Inneeqara Faraoona qimami marifaqa qinee kaukaata qimasee qaoo qira irirana amiananoo sia inniqara ufa iriannoo. Qinee moomoo naaquqara ainaina Isipa maqa maaqai auqaananoo sia inni ufa iriannoo.

Rafudoo Akarafa 9:12

Miqufanoo Yaaweefa qufanoo Faraoofa kaukaata qimasee Yaaweefa qundee inoo sia Mooseesa Aaroonasa ufa irinau.

Mataioo 15:14

Saina misa kaqi mariaqa. Misa nifu qimbarausa nisaadaki mariasa. Afu qimbarafa kai afu qimbarana asaadakinoo fifi inoo aiqamaqara kai madikaki aqufifaranoo.

Mareekoo 4:12

Tamummaqara fasiqauqa misara maaqi qimasee akara riqau. Misa maqee maqee qafaidaqa sia qafeefaranoo. Misa iriqaraasamasee siamma irifaranoo. Misa irifau Anutufinnai ubeekama fifanoofau misa mandainaina akiaqara minninnisani. Minara qinee Yisusa quandara ufa kai qimannimidaqa.

Mareekoo 6:52

Yisufa moodaanai qisauku feemu ruqi ruqi mandee nimufaqa noofanoo amanaikunara mina faiqi namu sia mina anoonara andeeqasee irusa maridaqa nammari amuaqumau anunara faqa sia iriqau.

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Ruka 8:10

Yisufa iriseenoo qinau, Anutuna ququsakinaa qumee irirana Anutufa inniara qimannimianee qinau, faiqí anaasee sia kooroomasee qimannimia quandasee qimanniminaqa nifu qafamasee sia paqurifara naaqoonnai irisee sia naundurai quqeefara.

Yoohanee 12:39

Miqi qimasee ooqai akara rumaqoofa marufaqa umimmaqidaqa sia Yisunara anoonee qiqau. Eesaiaafa misara kaifaa maaqi qimasee akara rumaqoofa maridanoo.

Yoohanee 9:39

Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.

Roomma 9:18

Doo maqee maasa mi ufana iriseeqa Anutunara maaqi qidaqa. Anutufa narí kai irisee akaqausara amuqusifanoo amiqi amiqimmidanoo kafaa Anutufa narí kai iriseenoo akaqausa ufa rukiara oosana nimidanoo.