Yoohanee 12:36 - Anutuna Ufa

³⁶ Kaaqa qarafa mariqoo innee minara riqa anoonee qimasee mi mau fuaqa miqiqa innee kaaqa qaranafaqaasa mariaqa. Miqi qinoo qimannimiseenoo naríara moosaa finau. Miqoo oonu kukeeqanau.

Yoohanee 12:36 Iomraidhean Croise

Mataioo 21:17

Mifa miqi qimaseenoo misa faqa Yeerusaree maqusa faqa minniseenoo Beetani maqusai ooqu faiqanau.

Mataioo 5:14

Innee qini ufa irimariasa maa maqa maaqanasaa qoomara foora mariafanoo. Maqusa moo fannoo aaqanasaa maridanoo faiqí anaasee aiqamausa arumundari qafaaqa sia kukeeqanoo maridanoo, akooqoo maridanoo. Innee qoomara foora miqikai iqa, kaaqa qaidaqa akooqoo mariafanoo, qaidaqa arumuki faqa kaaqa qeemariafanoo.

Ruka 16:8

Ainaina faqaafa mina unnaqira oosana qafamaseenoo oo irirana faqaa fee qinau, minara Yisufa qimannimidanoo qinau, maa maqanasaaqaraa fasiqa aanaaseeuqa nariqa munnimma ainaina maree mariana irirana faqaasa mariafanoo Anutuna ufa qoomasaa andeeqasee nimariasa irirana oorudupirausa sia misa irirana amanasaa maridaqa.

Yoohanee 1:7

Yoohaneefa kooroo irafa animarinau. Mi qoomana Yisunara kooroo irara aninau. Aiqama fasiqa anaasee mina ufa irisee Yisunara kuqaa anoonee qiaqeera aninau.

Yoohanee 11:54

Yisufa mina iriseenoo miqooqari sia Yudeeaa maqa maaqaki akooqoo nimarinau. Maqusa moo auqu Eefaraimma maqusai narí faiqi namufaqa ooqu marinau. Eefaraimma aadana maqa maaqa atisaa marinau.

Yoohanee 12:37

Yisufa oosana oosana firaa ainaina faiqí anaasee nifusaa auqeemarinau. Sia misa minara oonumafi iriqau.

Yoohanee 12:46

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yoohanee 3:21

Yafa yafee moo fannoo anoona oosana marainafa mifa suanisaa qooma mariqoo aninafa narí Anutuna ufamau fimari oosanna akooqoo kooroo ianifeera akoosaqa anidanoo.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 8:59

Yuda maqannaasa mina iriseeqa oo maa fasiqafa nariara Yaawee fee qidaqinoo qimasee aanoomasee oonisamu qumaree aruaneerufanoo mifa kukeeqakinoo amaana maqakiqari raudamaki moosaa finau.

Eefeesusa 5:8

Ooqai innee Eefeesusa maqusanaasa faqa asukunaki mariusa mariafanoo doo maqee karaambaiqa Anutuna faiqí anaasee aiku asauku kamambi mariafanoo kaaqa qarana fooqaasa mariafanoo, doo minara iriseeqa kaaqa qaranaki mariasara foora ida mariaqa.

1 Teesaroonika 5:5

Innee aiqamausa kaaqa qaranaki nimariasa faasaanara foora nimariasa mariafanoo sia maasa innisaimbaqa eendakiara foora nimarunausa sia asukunakiara foora nimariasara foora maridaqa.

1 Teesaroonika 5:8

Maasa sia miqimarunausa maridaqa kaaqa qaranaindi maridaqa maasa sia nammari namasee furufariqa nuaqaana kaqi mariaqaana. Maasa qeeqa Yisuna saqarikirana faqa qeeqa nariara nariara rirana faqa mi ainainaqandannai saqari kammandee ukee iriqa. Maasa asumu marianafa kasooqaqee kambiqaaninnanara asasidaqa rakisida maridaqa. Mi asasira afeesiranara pateeuqara foora qikiaqaki afisusee rakiranakiara foora maria. (Ooqai nikiaqa itairirausa suani qikiaqaki daruandoo qimasee pateeuqa nariqa nikiaqa itairiranasaa afisimariqau. Ooqai Yisuna aukuana Roomma maqanna rakira fasiqauqa ainna qafee afisusee rakiranaki nimariqau. Aiqama ainaina samu sia qikiaqa daruani fee qimasee afisiqau.)