Yoohanee 12:34 - Anutuna Ufa

³⁴ Qimannimufaqa misa qiqau. Maasa sanda akarakinaa ufa asauku mundiranara naaru naaru mariannoo fee qidaqa. Anee faiqí nimaaku aunirira saqarisaa kuqiraree qimariannana, naqi fee qidanee miqi qidanee. Faiqí nimaakuara anee qianafa yafee mifa maridanoo fee.

Yoohanee 12:34 Iomraidhean Croise

Idi Ufa 110:4

Yaaweefa qini karaambaiqara (Yisunara) qima afeekaikuna sia amana kaifaa moosaa fuannoo. Mifa maaqi qimaseenoo qima afeekaikinau. Anee naaruara naaruara aanaiqikirafa marinnaranoo. Anee Meerakiseedeekafara foora maridana naaru naaru aanaiqikina marinnaranoo fee qinau.

Idi Ufa 72:7

Mi karaambaiqafa marianinna aukuana faiqí anaasee andeeqara oosana kai maraaqa. Quqoona kaqi qeemarinanoo reemindeemirirafa kai mariannoo.

Mataioo 16:13

Yisufa Seeseeria Firipai maqa maaqaki oorureenoo narí faiqi namu irammirinau. Faiqí misa faiqí nimaaku qiniara nana fasiqee fee qidee.

Mataioo 21:10

Yisufa Yeerusaree maqusai ooruroofaqa faiqí anaasee mi maqannaasa tutuqida qiqau. Maana yafee qufaqa mina faqa ooru fusa qiqau, ooqeenaa akara tamummaqara fasiqa maanara qinau maana mifa maridanoo. Mina auqu Yisufa Nasareetee maqusaindaraa fasiqa maridanoo. Nasareetee maqusai Kariree maqa maaqaki marifa maridanoo.

Mataioo 8:20

Miqi qufanoo Yisufa narí maaqi qimasee qimaminau. Anee qiniara amiqira maaqaki faiqee mari fee qidanee qini faqa firaree qidanee. Kaasau fainiuqa oonaamarai faiqee mariasa maridaqa ufiniuqa aanaamuki faiqeemariasa maridaqa. Qinee faiqí nimaaku yai fee qeeqa qikiaqa rumasee fee faiqaanauree sia faiqara qoo marisa maridaqa. Doo qini faqa finnaree.

Yoohanee 10:34

Yisufa mina iriseenoo qinau. Inni sandufa akaraki Anutufa qinau. Innee faiqí faiqi Anutunaikammida mariafanoo.

Yoohanee 12:32

Qini daruseeqa auniriranasaa quqaseeqa maqaki rakiqasee uqeeraqisaifaqa maqasaa aiqamatinaindaraasa suqu moodaaqoo qeeqa daaqa quqaanaura.

Yoohanee 15:25

Mooseena sandufa ooqai misara akara rumaqoofa maridanoo. Mifa maaqi qimasee akara rinau. Misa kaqi fifau miqidaqa qiniara fidiaqaaida marifara. Anutuna ufa miqinoo maridanoo naqimasee moosaa fifaree. Minara misa qiniara fidiaqaaidaqa.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Roomma 3:19

Mooseena sandufakina mina ameemaanai mariasara qidanoo qimarifaqa maasa minara iridaqa. Faiqí anaasee aiqama maa maqannaasa náriara andeeqarausee qimaria ufana oosana oosanauqa aruseeqa aiqamausa mareeqee Anutuna narira ufa ameemaanai quqaaqeera Mooseena sandufa ani maridanoo.

Roomma 5:18

Dinni moodaa fasiqa Adamana oosana maaqimminoo maridanoo, mi moodaa fasiqana aaqaranasaa faiqí anaasee aiqamausa kuqira ufa ameemaanai maridaqa. Mina dinni miqi kai masee moo fasiqa Yisuna moodaa kari andeeqaina akiaqara kuqira ufakinaana idukueeqeenoo kaqi mariranaki quqaidanoo.

Heeburu 7:24

Yisufa sia misa naanna ree kuquannoo sia mina aanaiqikirafa moonasaa mariannoo, narí naaru naaru marinara nariki kai naaru naaru mariannoo.