Yoohanee 12:31 - Anutuna Ufa

³¹ Doo maqee Anutufa maa maqa maaqanakinaasa qini darifandinnanara narí aanooqira ufa nimiannoo. Doo maqee maa maqa maaqanaki uriqararafa Sadannafa taikaannoo.

Yoohanee 12:31 Iomraidhean Croise

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

Mataioo 12:28

Qinee Anutuna maraqunannai afaanna aqiqaananoo doo Anutuna amiqira ququsa fannoo doo innisaa radiqiseenoo ititannimaqeenoo.

Yoohanee 14:30

Qinee sia amana inni faqa kisaaqasaa ufa qianaura. Maa maqanasaa rakisirafa Sadannafa doo anidanoo qini afeeka fannoo mina afeeka uraaqaranoo maridanoo.

Yoohanee 3:19

Anutuna narira oosana maaqimminoo maridanoo. Anutuna kaaqa qara qoomara foora Yisufa maa maqanasaa doo ani maridanoo. Faiqí nári oosana mandainaina maree marifanoo minara irinoo kaaqa qara qoomara Yisunara akooqaifanoo asukunara ridanoo.

Yoohanee 9:39

Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.

1 Koorinti 1:20

Qinee Pauroosa minara kafaa maaqi qidaqa. Irirana faqaasa iriranara minara naqi fee qianauree. Uriqarara sukuraki keeqee mariasara naqi fee qianauree. Maa maqa maaqanasaaqaraa ufa akoofasauqa iriranara naqi fee qianauree. Misara maaqi qianaura, doo Anutufa ooqai uqannifiaqoofa kooroo inoo maridanoo qimaqiminoo. Maa maqa maaqanakinaasa irirafa Anutunara furufarirafa maridanoo.

1 Koorinti 1:21

Anutufa narí firaa iriranaki maridanoo quandakinoo sia misa nári iriranannai qiniara iriaqee qimaseenoo faiqí auqu quqanau. Miqooqari maasara Yisuna aufakiana qimannimifaqa, misa minara furufarira ufa qimariafa, qimannimifaqa iriseeqa misa irirana minasaa rusimariasa asumu marirana Anutufa nimianifee qinau.

Eefeesusa 6:12

Maasa Yisuna ufa irimariasa sia faiqí faqa rakidaqa maasa meerai Anutuna innaaruna ameemaanai maria manda afaanausa faqa rakidaqa, maa asukunaki maria kamuqoo mirindari rakimariasa faqa misa uriqararausa faqa misa faiqí firaasa faqa meeraindari maasa daruafaqa maasa misa faqa rakidaqa.

Kooroosee 2:15

Anutuna asauku mundirafa kuqufinoo mi kuqiranannai afaannauqa rakisirausa uriqararausa misa aiqama misa afeeka qumooqukamaseenoo aiqamausa nifusaa nisaurirana nimiseenoo ufoonaridanoo narí amooqimaseenoo maridanoo.

Heeburu 2:14

Yisufa maqasaa fasiqa anaaseera narí faiqi aanaaqi fee qidanoo. Mi faiqi anaaqisa nimaqi faqaasa fidika faqaasa maa maqanasaaqaraasara Yisufa qidanoo. Yisufa narí uqanna qumureenoo faiqi aanaaqi Mariana aranandaki maasa faiqí faiqi fidika qimaqi mareenoo innooqanau. Mifa sia fifaufau miqinau. Narí kuqiranannai kuqirana rakisirana Sadannana rafaaqafuanifeera maasa qimaqi faqa fidika faqa maranau.

1 Yoohanee 3:8

Yafa yafee mandaikiraqoo kaqi nimarifa mifa Sadannanaindi maridanoo, Sadannafa nikaruqirafa maridanoo nikaruqiannoo. Ooqai oosana arooqooqari mandainainaki nimarifa Sadannafa maridanoo Anutufa narí amaaku maa ainainnara maa maqanasaa koorooinau, Sadannana mandainainirana arutaikaanifeera maa maqanasaa koorooinau.

1 Yoohanee 4:4

Qini faiqi namu innee Anutuna faiqi namu mariafanoo. Unna qira tamummaqara fasiqauqa innee misa urinaaqaramafi mariasa, inniki mari maraqunafa uriqaranoo maridanoo maa maqa maaqanakinaasa maraquna Sadannanaindi ureeqanoo maridanoo.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.