Yoohanee 12:3 - Anutuna Ufa

³ Neemarufanoo Rasarusana asookifa Mariafa Yisuna anoona amarafa fadameena taqu firaana firaa feefauru aqusaida mareemaruna qumareenoo amiqira afundimaru fadameena mina auqu narada fadameena Yisuna aikumau adia amaqanau. Adia amaqaseenoo narí akiaqa asausi kisaaqa qumareenoo minannai utitiqanau. Miqimasoofanoo afunda firaafa misa maru maqanaki qumbiqanau.

Yoohanee 12:3 Iomraidhean Croise

Idi Ufa 132:2

Oo Yaawee Dafidifa qima afeekaikunara iria. Mifa ani afeeka faqaa Anutuna Yakooboona Anutuna faqa qima afeekaikunara iria.

Aaquqira Ufa 27:16

Anee ufai qumanee rafaaqa fidanee anee fadameena aki mariana asaukuki qumaraidanee, sia. Miqi kai inana sia amana mi aanaaseena kaukaata qirana rafaaqa finnaranoo.

Ruka 10:42

Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.

Ruka 7:46

Qinee aniraunnana anee sia maasa oosana mareenana makaqa anoona qikiaqaki adiaananoo maa anaaseefa amiqira afundimaru makaqa anoonna qini qikusaa adiaifanoo qikusaa adiaqimaqeenoo.

Yoohanee 11:2

Mariafa maafa kasooqaqee amiqira afundimaru fadameena Yisuna aikusaa adiaseenoo narí akiaqa asausi kisaaqannai rukaaninafa maana mi Mariafa maridanoo. Sia Yisuna anoofau mina amarafa marinau.

Yoohanee 11:28

Maratafa miqi qimaseenoo quandaki maqusai oonureenoo qumee kai Mariana aaramasee qimaminau. Ufasaa rakisirafa anidanoo ani aaraidanoo.

Yoohanee 11:32

Mariafa Yisufa marunnai oonu qafeenoo oorindari maqasaa aqufinoo ufa qimaminau. Oo karaambaiqa anee animariananoofau sia qini qifasaafa kuqiqini.

Yoohanee 19:39

Nikoodeemusafa ooqai indaaru asukunaki Yisuna faqa ufa qiqiufa maridanoo mifa Yooseefaana dadaaqinau.