Yoohanee 12:26 - Anutuna Ufa

²⁶ Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Yoohanee 12:26 Iomraidhean Croise

Idi Ufa 17:15

Qinee sia aaqara ainaina auqaunnanara qinee ani qafaanaura. Qinee faiqaqee iinaqa findi fuananoo ani afusaa marira oosana fannoo qini asasirana qumbiqa qimiannoo.

Idi Ufa 91:15

Misa qini daaraifaqa maqi qimasee kaifaa qimamianaura. Misa ummaaraki marifaqa misa faqa maridaqa dadaaqammianaura. Qinee misa mandainainakinaana uqeerasee uriqarara nuqu nimianaura.

Aaquqira Ufa 27:18

Anee murisaa amiqimmasee rakisinanoo irainana anee tiqisee neennaranoo. Miqi kai inoo ainainira faiqi fannoo narí uriqararana ainainasaa amiqimmasee rakisinafa uriqarafa mariannoo.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Mataioo 25:21

Mina rakisirafa minara iriseenoo doo qimaseenoo irinau. Iriseenoo maaqi qimasee narí ainainira fasiqa qimaminau. Oo anee amiqira fasiqa oori runuseenana ainaini marianafa andeeqara fasiqa uqanna, anee kaqikaa ainainasaa faqa andeeqasee rakisimarianafa mariananoo. Minara qinee firaa ainaina aiqama ainainasaa rakisirana anisaa kai quqaanaura. Sia anee kaqi ainainira faiqifau marinnandia. Anee qini faiqiara foora marinnaranoo. Anee faqa qinee faqa moodaanaki asasirausa marianaura.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Ruka 12:37

Amiqimasee afeesimariasa asasifaranoo misa uriqararafa anireenoo amiqimasee ainaini mariasee qimaseenoo narí qamunanda atukaramaseenoo narana suqaseenoo rakiqa nimiannoo.

Ruka 6:46

Innee nanaree qini Yisunara karaambaiqee karaambaiqee qidaqa qini ufa sia irida fee, faiqí moo fannoo qinee marunannai anireenoo qini ufa irimarifa mina oosana maaqimminoo marida.

Ruka 9:23

Yisufa quandaki aiqamausa qimannimidanoo qinau, faiqí moo fannoo qini faqa firaree qimasee qini ufamau finafa narí marirana minniseenoo faasaambaasaana qini ufasaara kuqa dariranara amanaikidee qinafa qini faqa fidanoora foora qini ufamau fuannoo.

Yoohanee 10:27

Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.

Yoohanee 13:16

Qinee kuqaa anoona ufa inni qimannimidaqa. Ainainira fasiqa fannoo sia narí rakisirana uriqararafa maridanoo. Ufa maree fimari fasiqafa sia aqiqeemarina uraaqararafa maridanoo.

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Yoohanee 14:3

Qinee innaarunai oorureeqa innee ooru fifandinna maqusana deedaqamasee qumu nifiqee minni murunnisaanaura. Innee qini faqa mariaqeera miqianaura.

Yoohanee 15:20

Maa ufana qimannimunnana kaifaa iriaqa ainainira fasiqa sia narí rakisirana uriqararafa maridanoo. Misa qini inni rakisirana dariqa quandaki inni faqa qini ufa irimariasa faqa narifaranoo, misa qini ufa iriqa quandaki inni ufa faqa irifaranoo.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

Yoohanee 21:22

Yisufa qimaminoo qinau, Peetooroo sia mi fasiqana ainainirafa ani saikafau maridanoofau, qinindi maridanoo. Qinee mi fasiqanara sia dauni kuqua, kasooqaqee qinee kafaa qumuanna aukuana ani paqurianauree qiananoofau miqimmiqini. Peetooroo sia ani saika maridanoo. Ani saika maafa maridanoo. Anee qini faqa fuannee qidaqa.

Roomma 1:1

Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.

2 Koorinti 4:5

Maasa namu sia qeeqara qidaqa faiqí anaasee qimannimidaqa, maasa asauku mundirana karaambaiqa Yisuna minara kai kooroomannimidaqa. Maasa namu Yisuna auqu uqeeraidaqa Yisunara inni qimannimidaqa inniki rumbara fasiqara foora ainaina mannisaidaqa.

2 Koorinti 5:8

Paasoosirafa maasaki qumbiqanoo maridanoo maa uiqaana maqafa maasa qifaaqa minnisee karaambaiqa faqa narí maaqara faqa minni f irinara faqa minara kai iridaqa ridaqa.

Karatia 1:10

Faiqí nifusaa qeeqa qimoofee qida fee nasurida fee miqi qidaqee oo sia uqanna qinee miqianaura. Anutuna kuqaa eedoo qira ufara qinee randaidaqa. Qinee faiqí nifusaa fifau nasuridaqa miqi qidafau sia asauku mundirana ainainiranaki marini maqee maqee qini darirara kai qiafaqa moo ainainiranaki funaiqini.

Firipi 1:23

Qaara irirafa qini daundurai maridanoo dinni dinni oonurarisee ani rarisee imariafaqa maridaqa. Roomma maqannaasa qini kuqa kai darifaqa qinee maa marirana minnisee asauku mundirafa marinnai firara firaaqoo dididanoo amiqira ainaina maridanoo.

Kooroosee 3:24

Kasooaaqee maasa innaarunai ooruraananoo minni maasa qeeqa kadaapiriri unnana akiaqara Karaambaiqa fannoo narí ooqai qimaqoo ufanasaa kai feefauru nimiannoo. Kaifaa innisaimbaqa aiqama rakisirausa ainainidaqa asasammasee auqaaqa. Asauku mundirafa mifa anoona rakisirafa maridanoo mina saikakaimmifoo qimasee sanaasamasee amiqimasee auqaaqa.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

1 Yoohanee 5:3

Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.

Yudeesa 1:1

Qinee Yudeesa maa pasana akara ridaqa. Qinee Yisuna ainainira faiqi Yameesana akaqa maridaqa. Qinee qeeqa qifasaanara Anutuna asauku mundirana Yisuna eedoo qimasee rumbara faiqiara foora ainaini marunna faiqisa maridaqa akara ridaqa.

Uqafiqoo Ufafa 14:4

Mi fasiqausa sia anaasee qummuari marusa amiqira maanaaqara foora andeeqarausa kai maridaqa. Misa sipsipa aanaaqi kuquna Yisuna faqa aiqamai fimarusa misa maqasaa fasiqa nandafiana neera fooridaqa misa Anutunaindi faqa Yisunaindi faqa maridaqa miqidaqa.