Yoohanee 12:10 - Anutuna Ufa

^10-11 Faiqí anaasee moomoosa Yeerusareendari Yisunasaa atooqaidaqa moomoo ooqu fiqau. Miqiufaqa amaana maqasaa rakisimarusa oommasee qiqau. Rasarusafa kuqiranakiqari findifunara irisee misa Yisunasaa atooqarara ooqu fimarifaqa saina Rasarusana faqa aruanauree qimasee deedaqiqau.

Yoohanee 12:10 Iomraidhean Croise

Rafudoo Akarafa 10:3

Mooseefa faqa Aaroonafa faqa Faraoo funnai oonuree maaqi qimasee qimamiqa qiqau. Yaaweefa Qeeburu maqannaasa Anutufa aniara maaqi qidanoo. Kisaaqasaa fee anee qaoo qidanee sia fee aneenna auqu mara maree muqufisee qini qimeemaanai marinnaree. Anee qini faiqí anaasee idukusainaqa oonureeqa qiniara innaaru qiaqee qidanoo.

Mataioo 12:14

Farisai amaana ufa qimarusa qafamaseeqa misa aanoomandee raudamafufaqa suqufi narí qimami narí qimami qiqau. Naqimmandee maasa Yisuna aruanauree qimariqau.

Mataioo 2:16

Eeroodeefa fasau asaana rimarusa nifeesida marusianoo akaru qimasee moo aatata fifufanoo Eeroodeefa minara irinoo aranaqeenoo sia kaiufanoo narí firisuaiqauqa niqiqoofaqa misa Beetareeqeemma maqusa faqa dinni dinni marusa faqa akoonaiqi aanaaqi kai aiqama rutuku taikanau. Eeroodeefa fasau asaana rimarusara mi fasaunara irammirusara minara oonu mafi iriseenoo faiqi naridaqa Yisuna faqa aruaqeera minaramma irinau. Minara irisee qaara aukuana mararausa faqa qambaana aukuana mararausa faqa aanaaqi maqee maqarausa faqa minara iriseenoo akoonaiqi kai aiqama rutuku taikanau.

Ruka 16:31

Abarahaamafa qinau, ani akaqaafasaauqa Mooseena faqa tamummaqara fasiqauqa ufa faqa sia iriqa kuqiranakiqari findi finna fasiqana ufa faqa sia irifaranoo.

Yoohanee 11:57

Amaana maqasaa rakisimarusa faqa Farisai amaana ufa qimarusa faqa Yisunara faiqí anaasee qimannimiqau. Innee ninnabaqa Yisuna paqurimasee dadi oonurandee mini qimaqimifaqa maasa mina qumaraanaura.

Yoohanee 12:9

Yisufa Beetani maqusai animarufaqa Yeerusaree maqusaindari moomoosa qafarara ooqu fiqau. Kuqiranakiqari findifuna Rasarusana faqa qafararee qimasee ooqu fiqau.