Yoohanee 12:1 - Anutuna Ufa

¹ Mi ainnaaqarara qoomaqafa Yeerusaree maqusai adeedi reenoo dinni qisauku taikasee dinni ani moodaa faasaana aiqaqainanoo mi qoomaqafa kambiqarara imarufanoo Yisufa Beetani maqusai oonuranau. Yisufa Rasarusana kuqiranakinaana findifu maqusanaki aniranau.

Yoohanee 12:1 Iomraidhean Croise

Mataioo 21:17

Mifa miqi qimaseenoo misa faqa Yeerusaree maqusa faqa minniseenoo Beetani maqusai ooqu faiqanau.

Mareekoo 11:11

Miqi qidaqa afiaqa ooru fiufaqa Yeerusaree taunnaki keeqafufanoo Yisufa misa amaana maqa firaanaki keeqafufanoo aiqama ainaina aiquqiiseenoo doo rafudamakufanoo doo eendidanoommifoo qimaseenoo narí faiqi namu qisaukuqara taikasee qikunni ooqu qaara marasee nifiqamareenoo kafaa Beetani maqusai ooqu finau.

Ruka 24:50

Yisufa narí faiqi namu faqa narí aqoondiuqa faqa Yeerusaree maqusaindari nifiqeenoo Beetani maqusa amummaqa oonureenoo narí asaukuqara uqeeraseenoo nifaaqooqa qimannimaqaidanoo narí faiqi namu minniseenoo uqeerakinoo innaarunai ooru finau.

Ruka 7:37

Mi maqusanakiqari moo anaasee kisaaqasaa mandainaina maree marufa Yisufa Farisai amaana ufa irimaruna maaqaki narana neemarunaki marufanoo mi anaaseefa minara iriseenoo amiqira afundimaru fadameenna idaaqira taquki maruna mareenoo minaki anireenoo Yisuna aanaaqiannai anireenoo mifa aiku uquqoonnai kikiqinau.

Yoohanee 11:1

Faiqí moo auqu Rasarusafa mifa Beetani maqusaindaraafa aurida marinau. Rasarusafa narí asookiqanda Mariana amarana faqa Maratana faqa misa Beetani maqusaindaraasa mariqau.

Yoohanee 11:43

Yisufa miqi qimaseenoo innaaru qimaseenoo firaa kari kuqirana aareenoo qinau. Rasarusa minakiqari rauda.

Yoohanee 11:44

Miqi qimasoofanoo qamunna afaaqa kukuqamaqoofa kaqi marufanoo Rasarusafa findifinoo raudee qumuranau. Mina akiaqa faqa qamunna rumbaqoonarirandee qumuranau. Yisufa qimanniminoo qinau. Doo qamunna idukusaifanoo fuani, qimasoofaqa miqimandoofanoo andeeqasoofanoo finau.

Yoohanee 11:55

Yisufa Eefaraimma maqa maaqaki marufanoo Yuda maqannaa qoomaqa firaa qoomaqa ainnaaqarara qoomaqa adeedi ranau. Aukuana aukuana Yuda maqannaa oosana ainnaaqarara qoomaqa adeedi ramafufaqa faiqí anaasee aiqama suqumaree miqoo Yeerusaree maqusai ooruraidaqa nári mandainaina findaukee mariqau. Aukuana aukuana miqimariqau.

Yoohanee 12:12

Faiqí anaasee ainnaaqarara oomaqara maqusa maqusaindari Yeerusaree maqusai suqusee mariusa Yisufa aanai urufaqa afiqarara moomoosa ooqu fiqau.

Yoohanee 12:20

Yeerusareenni ainaaqarara qoomaqara suqimarusaki Kirisa maqannaasa nianai nári maqusaindari anusa faqa miqoo Yuda maqannaasa faqa animariqau. Misa faqa Anutuna qoomaqa sakasee namasee Anutuna amooqiraree qimasee animariqau.

Yoohanee 12:9

Yisufa Beetani maqusai animarufaqa Yeerusaree maqusaindari moomoosa qafarara ooqu fiqau. Kuqiranakiqari findifuna Rasarusana faqa qafararee qimasee ooqu fiqau.