Yoohanee 11:55 - Anutuna Ufa

⁵⁵ Yisufa Eefaraimma maqa maaqaki marufanoo Yuda maqannaa qoomaqa firaa qoomaqa ainnaaqarara qoomaqa adeedi ranau. Aukuana aukuana Yuda maqannaa oosana ainnaaqarara qoomaqa adeedi ramafufaqa faiqí anaasee aiqama suqumaree miqoo Yeerusaree maqusai ooruraidaqa nári mandainaina findaukee mariqau. Aukuana aukuana miqimariqau.

Yoohanee 11:55 Iomraidhean Croise

Oosana 35:2

Yakooboofa iriseenoo narí aiku asauku faqa narí faqa marusa faqa qimanniminoo qinau. Moo maqannaasa unnaqira anutusa uaqeeianauqa mara aquaqa. Mara aquseeqa inneeqa nifaaqa anukamasee amiqira qamunna afisuaqa.

Idi Ufa 26:6

Qinee qeeqa qisauku nammari uqusee qeeqara aaqarana siaisee qidaqa. Miqimmasee qinee ani aidara fiqu fiqu idaqa ani amooqidaqa.

Rafudoo Akarafa 19:10

Qimamisoofanoo Yaaweefa kafaa Mooseena qimaminoo qinau. Anee kafaa ooquree faiqí anaasee maaqi qimasee qimannimia. Misa aiqama maqee faqa duna faqa nári qamunna nammari uqusee nári nifaaqa anukamasee qini qimooqirara deedaqiaqa.

Mataioo 26:1

Yisufa maa ufana oosana oosana qimannimi taikaseenoo maaqi qimasee narí faiqinamu qimanniminau.

Mataioo 26:2

Qaara faasaana taikainanoo maasa Yeerusaree maqusai ooruree ainnaaqarara qoomaqa sakasee naanaura. Anutufa maasa qifaqnausa qikeeku qikaaku Isipa maqa maaqai marufanoo sia narinau ainnaaqaramasee Isipa maqannaasa kai narinau. Minara maasa Yeerusaree maqusai ooruree afaarurumaanaanaura. Miqoo faiqí moo fannoo qini uqeeqainaqa aunirira saqarisaa pirimmannoo qini darifaranoo.

Mareekoo 14:1

Yuda maqannaasa firaa qoomaqa suqarara qaaraqanda ainnaaqarara qoomaqana faqa ooruku siai feemu qoomaqana faqa suqarafa adeedi ramafinau. Qaara faasaana kaqi mariqa qaaramookufanoo qoomaqa suqarafa qusaramafufaqa suqaqau. Mi qoomaqafa adeedi ramafufaqa aanaiqikirausa uriqararausa faqa Mooseena sandufa akoofasauqa faqa suqufufaqa maasa naqimasee qumee faiqí anaasee sia irifaqee Yisuna umarasee aruanauree qiqau.

Ruka 22:1

Yisufa miqi marufanoo qoomaqa Yuda maqannaasa firaa qoomaqa ainnaaqarara qoomaqa adeedi ranau. Mi qoomaqana auqu moo sia ooruku qai feemuna qoomaqa nee imariqau. (Mi qoomaqanaki moomoo fasiqa anaasee aukuana aukuana suqumareeqa Yeerusareenni mi qoomaqana suqa nee mariqau.)

Yoohanee 12:1

Mi ainnaaqarara qoomaqafa Yeerusaree maqusai adeedi reenoo dinni qisauku taikasee dinni ani moodaa faasaana aiqaqainanoo mi qoomaqafa kambiqarara imarufanoo Yisufa Beetani maqusai oonuranau. Yisufa Rasarusana kuqiranakinaana findifu maqusanaki aniranau.

Yoohanee 13:1

Anutuna ainnaaqarara qoomaqa adeedi ramafufanoo Yisufa maa maqana quqasee doo narí akoofinai firafa adeedi reemarufanoo minara Yisufa irimarinau. Maa maqa maaqanakinaasa narisaa atooqeemariasara amuqusufanoo ridanoo kaqi misara aidimarufanoo fidanoo kasaaqai munu kuqinau.

Yoohanee 18:28

Kananaana iqaqoofanoo saarisufa namufaqa misa Yisuna Kaiafasana maaqakinaana afiqee Roomma maqannaa kiapana maaqaki munu quqaqau. Yuda maqannaasaa sia kiapana maaqaki keeqaqau. Duna iqaqainaqa maasa Anutuna qangiroo ainnaaqarara qoomaqa naannaqoo fee qimasee kiapafa moo maqannaafa marufaqa afaaqasaaqaraa aisoora maasa qifaaqasaa aqufinaqa qifaaqa mandaikinaqa sia naannoo qimasee rufiee sia mina maaqaki keeqaqau, kaqi naambeeqai madaanai kai mariqau.

Yoohanee 2:13

Isaraee maqannaasa mi ainnaaqarara qoomaqana suqarara deedaqufanoo Yisufa minni Yeerusaree maqusai ooru finau.

Yoohanee 2:6

Mi maqanaki ooni qafee firaafauqa dinni qisauku taikasee dinni ani moodaa marasee marinau. Yuda maqannaasa nári imarudeemasee minakina nammari marasee nisaaqumasaida narana neemariqau. Aiqama ooni qafee tintaramma miqirafa firaafauqa marinau. Nammari moomoo saka adiee marusauqa mariqau.

Yoohanee 5:1

Yisufa Kariree maqamaaqai kaqikaaqoo marinoo doo miqooqari findimaqeenoo Yuda maqannaasa amaanara qoomaqirafa firaafa kambiqaaninnanara qufanoo Yisufa irisee minni ooru finau.

Yoohanee 6:4

Mi ainaaqarara qoomaqana Yeerusaree maqusai qusasaa kambiqararee qimarufanoo mi fasannai Yisufa Kariree nammari afainni marinau.

1 Koorinti 11:28

Aiqama fasiqa anaasee nariqa kai nári naundura marirana irirana aiquqummasee oonumafi irirana iriseeqa feemu faqa kaafakinaa uainna faqa naaqa.

Yameesa 4:8

Anutufa marinnai aaqa anifanoo mifa quandaki inni naaqa aniannoo. Innee mandoosana maree mariasa inneeqa ikairi nisaukusaa marina nammari uquaqa. Innee qaara ufa qimarisa inneeqa naundura anukaaqa.