Yoohanee 11:39 - Anutuna Ufa

³⁹ Yisufa qimanniminoo qinau. Innee maa oonina rafaqaameeqeeqa quanda quandamma aquaqa. Miqi qimasoofaqa Maratafa Rasarusana auna qinau, Oo karaambaiqa mifa qaara faqa qaara faqa afuru faififa marifaqa afunda mandaikammimarifaqa.

Yoohanee 11:39 Iomraidhean Croise

Oosana 23:4

Qinee moo maqannaasa inni qambaana ani maridaqa. Amanee qini maqa moo qimifaqa feefauru nimiseeqa qeeqa qinaaqa minaki akundaanauree.

Oosana 3:19

Anee tooqaamu arimarinana kadaapirumasaidana maa maqanasaa narana kambiqasaidana nana fifiinana kuqinana maqaki ani auquafannanaki finnaranoo. Ani maqannai auquqaafanafa marianafa mariananoo. Anee maqa mariananoo kaifaa maqaikamma finnaranoo.

Idi Ufa 49:14

Misa sipsipauqara foora kuqifaranoo. Misa kuqu fifanoo kuqirafa misa sipsipasaa rakisirafara foora misa rakisi nimaqaannoo. Andeeqara oosana maree mariasa doo misa kanaanaanara foora findifiqa manda oosana maree mariasasaa rakisifaranoo. Manda oosana maree mariasa kaqi maridaqa amiqira maaqaki mariinaqa kuqiqa sia minaki marifaranoo nianai madikaki maridaqa kai kaqi putaa ifaranoo. Misa miqiqa mariafaqa qinee sia misa naanna raidaqa.

Idi Ufa 49:7

Maasa sia amana qeeqa maa maqanasaa kisaaqasaa marirana feefaurianaura. Maasa sia amana Anutuna munnimma amisee qeeqa marirana feefaurianaura.

Idi Ufa 49:9

Sia amana feefauru Anutuna amisaifanoo maa maqanasaa kisaaqasaa marida sia kuquanee qiannoo.

Mareekoo 16:3

Aanai fidaqa misa narí qimami narí qimami qiqau, firaa oonitia fannoo ooni aamara ititanoo marifaqa yafee dadaaqinaqee umbaqi quqasee fee marasinna aku amaqeefaree qimasee oonu qafoofanoo ooni faasai quanda quandammeeqee mafi aquqoofanoo marinau.

Yoohanee 11:17

Narí Yisufa iriseenoo Beetani maqusai ooruroofaqa qimamiqau Rasarusafa doo innau kuqufufaqa akundamaqaafanoo qaara faqa qaara faqa eenda madikaki faiqaqee idanoo.

2 Koorinti 2:16

Kuridiranaki fifandinausa mi ufana mi afundirana udiramasee faiqí kuqa narimaria manda afundanafee qidaqa. Asumu mariranaki fifandinausa mi afundana udiramasee naaru marirana maree maria afundanee qidaqa. Minara irisee nana irirana faqaa fee maa saikana amanaikiannoo fee.

Firipi 3:21

Mifa miqoo maasa ummooqukira maqasaaqaraa qifaaqa mareeqeenoo quandaseenoo narí kaaqa areenara afaaqa fooqaanaikammiannoo. Mifa aiqama ainaina mareeqeenoo narí aramandunnai quqara afeekannai maasa maqasaa qifaaqa mara quandaqisaannoo.