Biblia Todo Logo
Bìoball air-loidhne

- Sanasan -




Yoohanee 11:28 - Anutuna Ufa

28 Maratafa miqi qimaseenoo quandaki maqusai oonureenoo qumee kai Mariana aaramasee qimaminau. Ufasaa rakisirafa anidanoo ani aaraidanoo.

Faic an caibideil Dèan lethbhreac




Yoohanee 11:28
19 Iomraidhean Croise  

Yisufa iriseenoo qimanniminau. Innee Yeerusaree maqusai oorureeqa muqutinai moo fasiqa oonu paqurimasee maaqi qimasee qimamiaqa. Ufasaa rakisira fasiqa ani maaqaki ainnaaqarara qoomaqa suqasee naannoo. Narí aukuana adeediraifanoo ani maaqaki narí faiqinamu faqa narana naanee qinoo. Miqi qimasee qimamifanoo narí maaqa inni nimiani.


Andurufa narafasaana Simoona moo auqu Peetooroona kaqi kaqi paqurimaseenoo qimaminoo qinau. Maasa Anutuna asauku mundira fasiqa kambiqaannoo fee qimaqoofa doo maasa paquriqa qimaseenoo mina afiqammaree Yisufinnai finau.


Firipifa Natanaeeranara randasee paqurimaseenoo qimaminau. Mooseefa Anutuna sandufasaa faqa tamummaqara fasiqausa faqa kambiqaaninna fasiqanara ooqai akara rumaqoona maasa paquriqa. Mifa Yisufa Yooseefaana amaaku Nasareetee maqusaindaraafa maridanoo.


Sipsipa nikoofa moo fannoo anirainanoo kooqisaa rakisirafa kooqi atuasaifanoo sipsipa akoofa narí sipsipa nuqu ramasee naarainaqa mina ufa iriseeqa raudamaki narí faqa nifiqainaqa andanda narara fifaranoo.


Maratafa Yisufa ani qu ufana iriseenoo raudamakufanoo oonu afiqaidanoo minara qimamirara fufanoo Mariafa kaqi maaqaki marinau.


Mariafa mi ufana iriseenoo kaqi kaqi findimeeqee kaqi unnaqufanoo oonu afiqarara finau.


Yisufa sia maqusai aninau. Aanai Maratafa paquruqoo miqoo kai kaqi marinau.


Doo maqee mina nammari uqunnana oosana kooroo ianaura. Innee qiniara ufasaa rakisira fee karaambaiqee qimariafanoo. Doo mina kuqaa qimariafanoo qinee miqirausa maridaqa.


Yisufa mina iriseenoo mina auqu ramaseenoo qinau, Maria, qufanoo Mariana amarafa tautumma quandaki qafeenoo Oo ufasaa rakisirafee qinau. Eeburu maqannaasa ufakiqari qinau, Rabooni, maasa ufakiqari ufasaa rakisira fee qinau.


Yisuna afaaqasaa aqoondi qinee Yoohaneesa Peetooroona qimamiqa qiqiafana Karaambaiqa muqufa maasa qimaqimifa maridanoo. Simoona moo auqu Peetooroofa mina iriseenoo narí qamunna quqaqoona qumareenoo aranandauqanna rumbamareenoo nammariki ooqurama aqufufanoo immapamamaree Yisufunnai finau.


Innee mi irirana iriseeqa soofaari mariasa mi iriranannai narí dadaaqi narí dadaaqidaqa narí amana narí amana mapukuaqa.


Innee nisauku kudoosaapaifaqa raqandaamasee mariasa nisauku uqusee afeekaikiaqa. Aiku aqoori qumooquki mariannana indindi mariannana minnisee mapukufinana aiku ramaseenana kikiqia.


Lean sinn:

Sanasan


Sanasan