Yoohanee 11:19 - Anutuna Ufa

¹⁹ Yeerusaree adeedi marunara moomoo mindaraasa qumuree Maratasa Mariasa dadaaqi ikifaafau qida rooípee mariqau. Nári nifasaafa Rasarusafa kuqunara ikiraqee mariqau.

Yoohanee 11:19 Iomraidhean Croise

Oosana 37:35

Marufaqa mina faiqi namu faqa araamuqmaaka faqa anireeqa nári nikoona aundura reendeenira ufa qufanoo misa nikoofa qaoo qidanoo qinau. Qinee qeeqa faiqiara iki raqaqa fuannaqbaqa kuqiqa kuqirausa mariannai fuanaura.

Ruka 10:39

Maratana anasaafa Yisuna anoona amarafa Mariafa mifa faqa maridanoo Yisufa Anutuna ufa qimannimimarufanoo Mariafa Yisuna aaqa ooqufaaqeeidanoo mina ufa irimarinau.

Ruka 10:42

Anee moodaa narana suqaaqaana mifa amanaikinoo maridanoo ani anasaafa Mariafa andeeqara ainaina mareenoo Anutuna ufa reendeenamafinoo iridanoo, qinee sia mi ainainna minasaaqaraana rafiaanaura.

Yoohanee 1:19

Yoohaneefa Yisunara kooroo qu ufafa maaqimasee animarinau. Yuda maqannaasa amaana maqa aanaiqikirausa faqa amaana maqaki dapi saika maree marusa misara Reefina aiku asauku fee qimarusa misa faqa Yeerusareenni suqufufaqa ufa qimaseeqa faiqí akaqausa nifeeqasee niqiqoofaqa Yoohaneenara irarara ooqufiqau. Yoohaneefa nammari nimimarufunnai Yooradanna nammarinni ooqureeqa maaqi qimasee iraqau. Oo Yoohanee, Anutuna tamummaqara fasiqauqa kambiqaaninna tamummaqara fasiqanara akara rumaqoofa anee maana mifee yafee.

Yoohanee 11:1

Faiqí moo auqu Rasarusafa mifa Beetani maqusaindaraafa aurida marinau. Rasarusafa narí asookiqanda Mariana amarana faqa Maratana faqa misa Beetani maqusaindaraasa mariqau.

Yoohanee 11:31

Mariafa raudamaki kaqi unnaqufanoo fufaqa Yuda maqannaasaa mina faqa mariusa mina qafamasee minara madikai ikiraqarara fidanoommifoo qimasee afaqee fiqau.

Yoohanee 11:33

Yisufa Mariana ikiraqarana qafoofanoo amuqusufanoo Yeerusaree maqannaasa faqa ikiraqoona qafoofanoo amuqusinoo mina aunduraki mandaikinau.

Yoohanee 11:36

Yeerusaree maqusanaasa miqoo mariusa mina ikiraqarana qafeeqa qiqau. Oo qafa mifa minara kaaqa rimarifa ikiraqaidanoo.

Yoohanee 11:45

Yeerusaree maqusanaasa moomoosa Rasarusanara ikiraqeeusa misa Yisufa Rasarusana findifumasoona qafeeqa kuqaa Anutuna faiqi fee qimasee minasaa mundiqa mariqau.

Yoohanee 11:8

Miqi qufaqa misa tautumandee maaqi qiqau, Oo ufasaa rakisirafa innau kai Yuda maqannaa uriqararausa oonisamu ani arirara qufana kafaa fee miqoo fidanee.

Roomma 12:15

Faiqí anaasee akaqausa asasifaqa innee faqa dadaaqiqa asasiaqa. Faiqí anaasee akaqausa ummaara narinaqa ikiraqaifaqa innee faqa dadaaqiqa ikiraqaaqa.

2 Koorinti 1:4

Innisaimbaqa qeeqa daundura ummaaraki marunnana Anutufa mi ummaaranaki dadaaidanoo. Innisaimbaqa oosana oosana ummaaraki mariasa Anutufa innisaimbaqara misa dadaaqiaqee qimaseenoo innisaimbaqa naaree dadaaqinau. Misa dadaaqidaqa Anutufa innisaimbaqa dadaaqirana qimuna mina kai maasa qumaree quandaki minannai dadaaqidaqa.

1 Teesaroonika 4:18

Miqiannanara innee faiqí anaasee faiqi kuqufuafaqa nifaaqa rumbee marifaqa ikiraqee mariana mi ufana qimannimifanoo nifaaqa aufadaani.

1 Teesaroonika 5:11

Innee mi irirana iriseeqa soofaari mariasa mi iriranannai narí dadaaqi narí dadaaqidaqa narí amana narí amana mapukuaqa.