Yoohanee 11:15 - Anutuna Ufa

¹⁵ Dufi dufi sia qinee miqoo maridaqa inniara iridaqa kasooqaqee Anutuna afeeka qafeeqa kuqaa qiniara Anutuna amaaku fee qifaranoo doo uqeeraifaqa fua Rasarusafinnai.

Yoohanee 11:15 Iomraidhean Croise

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 39:5

Miqooqari Yooseefaanaroo kai qidanoo karaambaiqa fannoo Isipa maqannaasa maaqakinaa aiqama ainaina faqa Pootifaana maaqakinaa ainaina faqa mina maqakinaa nara ainaina faqa amiqi amiqimma nimaqee marinau.

Idi Ufa 105:14

Miqi marufaqa qinee Yaaweesa qumee misa rakisi nimaqee mariafana sia moo fannoo misa ummaara niminau. Qinee misa saara karaambaiqauqa aanoommasee qaoo qimannimaqaqiafana.

Yoohanee 11:14

Minara Yisufa kooroo qimasee qinau. Rasarusafa doo kuquaraasinoo maridanoo.

Yoohanee 11:16

Toomasina auqu qaara auqu marinau. Moo auqu Toomasifa moo auqu Qaaraqanda maqara fee qimariqau. Toomasifa Yisufa Yudeeaa maqa maaqai ooru firanara iriseenoo qinau. Doo uqeeraifaqa maasa ufasaa rakisirana faqa Yeerusareenni oorureeqa moodaanaki kuquanauree qimasoofaqa misa aiqama Yisuna faqa Yooradanna nammarindari ooru fiqau.

Yoohanee 11:4

Yisufa mi ufana iriseenoo narí faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa narí amaaku qini duqu uqeeraanifeera mi aurirana maraidanoo.

Yoohanee 12:30

Yisufa misa ufa iriseenoo qimanniminoo qinau. Sia qiniarau qidaqinoo inniara qidaqinoo.

Yoohanee 17:19

Qinee misaroo qiqa qeeqa qifaaqa ani amidaqa. Misa faqa nári marirana nirana kuqaa anindi fee qiaqeera miqidaqa anindi mariaqeera miqidaqa.

Yoohanee 2:11

Miqinoo Kariree maqa maaqaki Kannaana maqusai Yisufa narí saika oosana araseenoo faiqí sia auqoo ainaina amiqira oosana auqamasoofaqa faiqí anaasee qafaqau. Mifa mikari narí afeeka firaana uqannifiqoofaqa mina ufa irimaru fasiqausa Yisunara kuqaa Anutuna amiqira afeeka uqannifiqee mari fee qiqau.

2 Koorinti 4:15

Maa aiqama ainainausa inni dadaaqirafa kambiqaidanoo Anutuna afaarirafa moomoo fasiqa anaasee iannai fifaqa iriseeqa misa dufi Anutunara qirafa firaaqoo kambiqafinoo mina amooqirafa firaanaikiannoo.

2 Timooti 2:10

Qinee minara iriseeqa, Anutufa rusandeesamumasee mareefandinna fasiqa anaaseesara irisee misa Yisunara iriaqeera oosana oosana mandainaina aiqama ainaina maraidaqa. Misa faqa asumu mariaqeera faqa naaru areenarana maraaqeera faqa mandainaina kaqi qeeqa qipatasaa maraidaqa. Mi asumu marirana faqa naaru areenarana faqa asauku mundirana Yisunaki kai maridanoo.

1 Yoohanee 5:13

Innee Anutuna amaakuara irirana rusimariasa innee doo naaru marirana doo maree fee qiaqeera maa ufana akara rumannimaqaidaqa.