Yoohanee 11:11 - Anutuna Ufa

¹¹ Yisufa maaqi qimasee qimanniminau. Rasarusafa maasa qiqoondi doo faiqaqee ifaqa qinee oorureeqa afaurianaura.

Yoohanee 11:11 Iomraidhean Croise

Rafudoo Akarafa 33:11

Yaaweefa Mooseena faqa narí oori narí oori qafaida ufa qimarinau, faíqi narí aqoondi faqa ufa qimarindee inau. Ufa taikaseenoo Mooseefa anirandee faiqí anaasee maru uiqaana maaqanai finau. Kumaaraa moo mina dadaaqi marufa Yoosuafa Nunnaana amaaku naaquqara uiqaana maaqaki kaqi marinau.

Mataioo 27:52

Faiqí madika faqa oo raqanau. Oo raqasoofanoo ooqai kuqusa Anutuna ufa irimaru fasiqa anaaseesa maqee kuqiranakiqari findifumafi miqoo mariqau.

Mataioo 9:24

Oonurama nindafeenoo qimanniminau. Doo raudamaki fuaqa, aiqama fifainiaqa maa manaaqafa sia kuqinoofau faiqaqee idanoo. Miqi qimaseenoo quandara ufa qimannimisoofaqa misa quandafiqa naanaidara uteeti qidaqa qiqau. Unna qia. Doo kuqinoo maridanoo.

Yoohanee 11:10

Faiqí moo fannoo asukunai nidanoo oonisaa aikuamaki saamuridanoo, sia kaaqa qarafa minaki marinara miqidanoo Anutufa qi faasaana ooru fiqa sia saamuruanaura kaaqa qeemarina ooru fuanaura.

Yoohanee 11:12

Mina faiqi namu mina iriseeqa qiqau. Oo karaambaiqa mifa fifau faiqaqee idanoo findifuannoo amiqirafa.

Yoohanee 11:13

Yisufa kuqiranara faiqeefoo qimasoofaqa misa sia iriqau.

Yoohanee 11:3

Mi Mariana afasaafa Rasarusafa kuqira aurira maroofaqa mina asookiqanda qafamaseeqa faiqí moo aiqeeqa anee Yisuna ooqu afiqee uruannee qufanoo ooqu finau. Mifa maaqi qinau ani afaaqasaa aqoondi Rasarusafa kuqira aurirana maraidanoo.

Yoohanee 3:29

Aqoondi fannoo amundara fasiqa aaqa maridanoo mina ufa iriseenoo asasidanoo. Narí aqoondi anaasee maree marinara asasidanoo. Qinee Yoohaneesa Yisunara iriseeqa asasidaqa. Mifa amundara fasiqara foora marifaqa qinee mina aqoondiara foora maridaqa mina ufa iriseeqa qini asasirafa firaafa maridanoo.

1 Koorinti 15:18

Kuqirausa kuqiranakiqari sia findififaqau moomoosa asauku mundiranasaa irirana rusisaida kuqimariasa sia innaarunai fini auiamakifau furufariaqini.

1 Koorinti 15:34

Innee Koorinti maqannaasaki akaqausa kuqirausa sia findifi maria ufana qimariasa inni putaamma nimaqaifaqa innee misa mandoosana maraseeqa furufarirana maree mariafanoo. Innee mina minnisee kafaa andeeqara irirana marasee inneeqa mandoosana quqasee andeeqaramau fuaqa. Inneeqa nisauruaqa innikiqari akaqausa Anutuna afeekara sia amiqimasee iri marifanoo kaqi meeramau irirana irimariafanoo.

1 Koorinti 15:51

Innee amiqimmandee iriaqa, kukeeqara ufa qimannimianaura, maasa sia aiqama kuquanaura. Qusasaa uqanna Anutufa tautumaqimaqaseenoo maasa moo kamaakamma qimaqaannoo.

Eefeesusa 5:14

Aiqama ainaina asukunakinaana mareeqe kaaqa qara qoo aiqamausa nifusaa quqasaifanoo mi ainainausa faqa kaaqa qaranaikiannoo. Minara maasa idi moo maaqi qinoo maridanoo. Anee faiqee marianafa findi fua. Kuqiranakiqari findi finanoo asauku mundirafa suaniara foora anisaa qaani.

1 Teesaroonika 5:10

Mi asauku mundirafa minasaimbaqa maasara moodaanaki mariaqeera maasa darirana qimaaqa maqasee kuqufa findifinoo maridanoo narí kaifaa qumurainaqa kuqiqee kaqi maridee narí faqa mariaqeera maasa qimaaqa maqasee kuqinau.

Yameesa 2:23

Minara akarakina kuqaa maaqi qinau, Abarahaamafa Anutuna aamuaqira ufa irisee kuqaa fee qimasee saqarikufanoo Anutufa mina qafamaseenoo oo andeeqara fasiqa mareenoo qinau. Miqi qimaseenoo Anutufa Abarahaamanara qini qiqoondi fee qinau.